عقلیم سنه واله دی شعوریم سنه حیران #پیامبراسلام_هدایت_تبریزی


عقلیم سنه واله دی شعوریم سنه حیران #پیامبراسلام_هدایت_تبریزی

[box type=”success” align=”aligncenter” class=”” width=””]

در مدح پیامبر اسلام (ص)
.
✍️ #زبدهالاشعار ✍️
.
🆔: @sarmashg_channel
.
هدایت تبریزی
.
عقلیم سنه واله دی شعوریم سنه حیران
کیمسن سن ایا ختم رسل سرور خوبان
.
شانینده جلالینده دوشوب بهته خیالیم
ای سرور عالم سر و سامانوه قربان
.
صلواه”وه مشغول دی پیوسته ملائک
صلواه”وی پیوسته دئیر خالق سبحان
.
کیمسن ، بو جلالت سنه حق دن یتشوبدور
سرورلیقا شایسته اولان گوهر تابان
.
افلاکی سنین خاطروه خلق ایدیب الله
لولاکَ ده یوخ شبهه و شکّ ای شه شاهان
.
عرفان و ادب درسینی سن عالمه وئردین
سنله چاتوب انسان شرفه ، اشرف انسان
.
موسی ید بیضا و عصاسیله ائدر فخر
کسب ایلیه رتبه اولا درگاهوه دربان
.
لعل لب وین حسرتی دور دیدۀ عالم
ائدسین حرکت پخش ایله سین لوءلوء و مرجان
.
سیرت ده صلابت ده نقاوت ده ادب ده
انسانه سرآمد ملکه افضل و باش سان
.
اللهَ شهادت نجه لازم دی ، سنین ده
لازم دی رسالت ده شهادت اولا عنوان
.
الله سنیله بنده سینه ایلوری منّت
ای نعمت مافوق نعم هدیۀ یزدان
.
شخصیّت وین درکینه عاجزدی خلایق
سن ماخلقین تاجی سن ای ناطق قرآن
.
عبدیّت وین ذکرینی واجب ائدیب الله
ای افسر شایسته و سرخیل رسولان
.
حسرتدی ملائک ائده بوسه قدمین دن
ای حشمت نین حسرتی حشمت ده سلیمان
.
ای حسنونه مرهون کرم و جود و سخاوت
وی وحدتی شرکین مرض و دردینه درمان
.
رحمت سنه ، رحمت سن هامی عالم عشقه
هم راه سعادت سن همی شافع عصیان
.
احسن سنه کی خُلقوی تعریف ائدیب الله
ای خُلقی عظیم عزّتی شخصیّتی شایان
.
حاشا کی گوره مثل وی بو دیدۀ عالم
حاشا کی اولا سن کیمی بیر صاحب احسان
.
جنّت سنه حسرت دی قیامت سنی گوزلور
ای سرور کونین شرف روضۀ رضوان
.
ای سایه سی طوبایه سالان سایۀ رحمت
وی قامت طوباسی ائدن دهری خرامان
.
خیرالبشرا دهره سالیب غلغله خیرین
سرمایۀ خلقت سن ایا ساقی عرفان
.
قاشون ائلیوب شق قمر آی پارالان دی
ای صاحب اعجاز و قدر قدرت و سلطان
.
هر لحظۀ عمرون ائله معراج ده گچدی
ای مظهر حق چخمادی حق لحظه یادندان
.
هر لحظه و هر آنوه احسن گل خلقت
خلقت سنه مدیون دی ای مهتر و جانان
.
لحم و بشر و شعر و دم و قلب و عظامون
ایمانه عجین اولموش ایا اسوۀ ایمان
.
ای محور حق ، کلمه لری حقّه دلالت
حق محکمه سنده ائلین عدلیله دیوان
.
عصمت ده لیاقت ده صداقت ده شرف ده
خلق ایله میوب مثل وی حق خالق رحمان
.
ایفای امانت ده صداقت ده باش اولدون
روشن ائله دین عالمی ای مهر فروزان
.
ای چشمۀ لعلندن آخان حق کلماتی
ای حبّی جنان ، بغضی جهیم ، آتش سوزان
.
سیرت ده نجابت ده وجاهت ده کرم ده
حاشا اولا خلقت ده سنه سابق و رجحان
.
گوی لرده امامت ائله دین اهل سمایه
ای عبد مؤیّد سبب منّت منّان
.
هیهات اولا همپایه سنه عرش ده جبریل
سبقت ائله دین فوج ملک دن لبی خندان
.
یازسین نه مدیحه سنه مولا بو ( هدایت)
قرآن دا سنی مدح ائلیوب خالق حنّان
.
✍️ #زبدهالاشعار ✍️
.
🆔: @sarmashg_channel

[/box]

[box type=”info” align=”” class=”” width=””]

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

[button color=”green” size=”medium” link=”https://sarmashg.ir/mag/category/%D8%A7%D8%B4%D8%B9%D8%A7%D8%B1-%D9%88-%D9%85%D8%AF%D8%A7%DB%8C%D8%AD/” icon=”” target=”true”]اشعار و مدایح[/button]

[button color=”blue” size=”medium” link=”https://sarmashg.ir/mag/category/%d8%a7%d8%b4%d8%b9%d8%a7%d8%b1-%d9%88-%d9%85%d8%af%d8%a7%db%8c%d8%ad/%d8%b2%d8%a8%d8%af%d9%87-%d8%a7%d9%84%d8%a7%d8%b4%d8%b9%d8%a7%d8%b1/” icon=”” target=”true”]زبده الاشعار[/button]

[/box]


دیدگاهتان را بنویسید

نشانی ایمیل شما منتشر نخواهد شد.