خانه / اشعار و مدایح / ای باش سنون احوالیوه حیرانیدی راهب #دیر_راهب_رضا_غلامپور

ای باش سنون احوالیوه حیرانیدی راهب #دیر_راهب_رضا_غلامپور

ای باش سنون احوالیوه حیرانیدی راهب #دیر_راهب_رضا_غلامپور

دیر راهب
.
✍️ #زبدهالاشعار ✍️
.
🆔: @sarmashg_channel
.
رضا غلامپور
.
ای باش سنون احوالیوه حیرانیدی راهب
کیمسن کی گورنّن سنی نالانیدی راهب
.
.
مرآت کرامتدی تجلّی جمالون
پوزدی پوزولان حالیمی بو غصّه لی حالون
انفاس مسیحایه قسم وقت وصالون
آشفته دله موسم هجرانیدی راهب
.
.
ای نور رخون آینۀ مطلع الانوار
احسان ائلدون منده سنه اولدوم عزادار
تا اولدی سنه فوج ملک دیریده زوار
بو غمده گوروبلر کی نوا خوانیدی راهب
.
.
عطروندی دوتوب معبدی یا نکهت گولدور
گل بیر دله آلامیوی بیر بیر منه بولدور
قربان گوزووه سویله گوزونده بو نه کولدور
ایستیر بوله آخیر بو نه جریانیدی راهب
.
.
ائو صاحبی جلب نظر ایلر قوناقیندان
یوخدور ایاقون فیضه چاتام تا ایاقوندان
وئر راهبه رخصت اؤپه بیر یول دوداقیندان
چون لعل لبون جامینه عطشانیدی راهب
.
.
بیر لالۀ خوشسان کی بو محفل چمنوندور
آچ باب سخن چون بو مکان انجمنوندور
بو صومعه کی اولدی عزاخانه سنوندور
ائو صاحبی سنسن سنه مهمانیدی راهب
.
.
سندن صورا عمروم گلی شاها نجه سولماز
قان باغریما باغرین کیمی هر گون نجه دولماز
جرم اولسادا اولسون یوزووی سیلمه سم اولماز
قانیله گورنمز اوزون الوانیدی راهب
.
.
ای رشتۀ ظلمی ائدن ایثاری گسسته
معلومیدی نیزه چوخ ائدیبدور سنی خسته
هر امرون اولا عرض ائدرم من گوزوم اوسته
سن امر ائله گور مجری فرمانیدی راهب
.
.
وئر حاجتیمی گوزده کی گوز یاشلارا خاطر
شرمنده منی ایلمه یولداشلارا خاطر
سس وئر منه سر نیزده کی باشلارا خاطر
باش باشه چاتان باشلارا قربانیدی راهب
.
.
رهبانی گورن لحظه تمنّایه مصمّم
تصمیم آلیب ائتسین نچه اسرارینه محرم
گلدی دیله فرمایش ائدیب خسرو عالم
هر دورده بو غم، غم دورانیدی راهب
.
.
بو جان کی بئله وقف اولونوب دین مبینه
تکلیفیدی یوخ جای گله صاحب دینه
تضمین بقای روش دینه هزینه
بولدوم کی بوغازیمدان آخان قانیدی راهب
.
.
من وارث شاهنشه میدان حنینم
زهرادی آنام فاطمیه نور دو عینم
مذبوح جفا دهریده لب تشنه حسینم
هر چند لبیم چشمۀ حیوانیدی راهب
.
.
آخر نه دیوم من سنه آثار بلادن
تا خارج اولوردوم یارالی کرببلادن
گودالیده گوردوم من اوزوم تیغ جفادن
جسمیم نجه اوز قانینه غلطانیدی راهب
.
.
اوز قصدینه ال چاتماقا قاتل تلسیبدی
بیر صحنه گوروب اللری مقتلده اَسیبدی
دالدان باشیمی خنجر ظلمیله کسیبدی
باشدا اثر ظلمی نمایانیدی راهب
.
.
سالدوقجا بو محنتده خیالاتی خیاله
قلبین کیمی دیرون بورونور گرد ملاله
بو باش کی دوشوب خنجر ظلمیله بو حاله
یئرده بدنی خاکیله یکسانیدی راهب
.
.
بو صحنه کی ائتموش سنی چوخ قلبی شکسته
بیر خصم زبون ظلمودی ای مرد خجسته
چون گوردی قوناقام منه یئر وئردی کول اوسته
سانموب کی قوناق خدمته شایانیدی راهب
.
.
بیر جمع گران قدر کی مقصوده چاتیبلار
باش فکرینی بیر عزّتیله باشدان آتیبلار
بیرده قوری یئر اوسته او قیزلار کی یاتیبلار
هر تک تکی یورقون جانیما جانیدی راهب
.
.
بول بیر بئله بو قافله نون محنتی چوخدور
قیزلار اورگین خوفه سالان نیزه و اوخدور
من گتملیم چون باجیمین بیر کسی یوخدور
الان بولورم حالی پریشانیدی راهب
.
.
«دلپاک» اولوب راهبه باعث بو حکایت
دیرینده وئره مکتب اسلامه شهادت
باخ بیرده دیئیب گور نجه ای کان کرامت
بو دیر نصاراده مسلمانیدی راهب
.
.
#دیر_راهب #رضا_غلامپور
#ای_باش_سنون_احوالیوه_حیرانیدی_راهب
#ترکی
.
.
✍️ #زبدهالاشعار ✍️
.
🆔: @sarmashg_channel

  سازیم آنا سؤزوم آنا

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *