خانه / اشعار و مدایح / یولیوی گؤزلورم ای صاحب دوران هله ده #مهدیه_حضرتی_ناعمی

یولیوی گؤزلورم ای صاحب دوران هله ده #مهدیه_حضرتی_ناعمی

یولیوی گؤزلورم ای صاحب دوران هله ده #مهدیه_حضرتی_ناعمی

در انتظار حضرت صاحب (عج)
.
✍️ #زبدهالاشعار ✍️
.
🆔: @sarmashg_channel
.
حضرتی (ناعمی)
.
یولیوی گؤزلورم ای صاحب دوران هله ده
یانورام هجر اودونا دیده سی گریان هله ده
.
عمرومون کچدی چوخی، قالدی آزی، ای شه عشق
سایورام گونلری، اما اورگی قان هله ده
.
واردی بیر کهنه یارام سینه می تنگه گتیروب
جان دوداقیمده، تاپیلمور ولی درمان هله ده
.
کیمدی سندن سورا آگاه اولا بو دردیمدن
باخوب احوالیمه حیرتده دی لقمان هله ده
.
طعنه لر قلبیمه اوخ تک ویریلور هر یاندان
گولوری گؤز یاشیما شهریده دونان هله ده
.
دلخوشام گلماقیوین وعده سینه، دیلده نوا
یوللارا سو سپورم، تا گله مهمان هله ده
.
گون چیخاندا اورگیم شوقه گلور، جمعه گونی
گون باتاندا، تؤکولور باشیمه حرمان هله ده
.
عیبی یوخ، قوی منیده آیریلیقون ئولدورسون
بیلسون عالم، وار اولان عشقیوه قربان هله ده
.
اگلشوب مصریده تختده، باشیوا سن قوی تاج
کور اولوب، آغلوری دلخستۀ کنعان هله ده
.
نولی بیر یول سسیمه رأفتیلن سس وئره سن
نطقیوه مشتری ام، قلبی پریشان هله ده
.
ایلیوبدی منی دیوانه غمون، عالمده
گزورم چؤللری مجنون کیمی نالان، هله ده
.
آی خانم فاطمه نون سئوگولی، ایله عجله
جوشلانور درگه حیدرده آخان قان، هله ده
.
محسنون نیسگیلین، اصغر غمی چندان ائلیوب
چکوری حرمله ده نعرۀ عصیان هله ده
.
نقدر شیعه لرین قانلاری ناحق أخسون؟
اوینادور اهل جفا خنجر برّان هله ده
.
ال دعاده، اورگی چیرپینوری «ناعمى»نون
جدّیوه نوحه یازور، زار و نواخوان هله ده
.
.
#مهدیه #حضرتی_ناعمی
#یولیوی_گؤزلورم_ای_صاحب_دوران_هله_ده
#ترکی
.
✍️ #زبدهالاشعار ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

  گتدی دنیایه خدیجه فاطمی گل اطهری گل #فاطمیه #عدلی_تبریزی
اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *