خانه / اشعار و مدایح / گینه گون باتدی علی آی گوزی بیدار اولدی #حضرت_صغری_معروف_اهری

گینه گون باتدی علی آی گوزی بیدار اولدی #حضرت_صغری_معروف_اهری

گینه گون باتدی علی آی گوزی بیدار اولدی #حضرت_صغری_معروف_اهری

زبانحال حضرت صغری (س)
.
✍️ #زبدهالاشعار ✍️
.
🆔: @sarmashg_channel
.
ابوالفضل عباسی معروفان اهری ( معروف )
.
گینه گون باتدی علی آی گوزی بیدار اولدی
هر گئجه مثلی یانان قلبیمه غم یار اولدی
گوز یاشیم آخدی گوزومدن منه دلدار اولدی
آیریلیق دردی تلاطم گتیرور گوزلریمه
همدمیم یوخدی دییم محرم اولا سوزلریمه
.
.
باخور اولدوزلارا مهتاب شب ظلمانی
هر ستاره منه بیر غم گتیرور پنهانی
علی محصور ائلیوب هاله غم صغرانی
غربت اولدی وطنی قالدی باجون مشگلده
جسم بیماریمه تای روحیم اولوب افسرده
.
.
سن که یوخسان من بی یاره بو ائو زنداندی
نه جلا وار نه صفا بی سر و بی ساماندی
منی بیمار ائلیوب درده سالان هجراندی
هجر اوخی مضطر اولان قلبیمی شان شان ائلیور
خاطرات عالمینه دل منی مهمان ائلیور
.
.
سنه پا بوسه گلردیم اودا بیر گونلریدی
دانشوب سنله گولردیم اودا بیر گونلریدی
سن یوبانسیدون ئولردیم اودا بیر گونلریدی
علی چوخ گوردی قضا اللری خوش گونلریمی
منی حسرتده قویوب سالدی اوزاق ائللریمی
.
.
گئتدی صغرانین الیندن هامی سرمایه لری
هی آچوب مصحف قرآن اوخورام آیه لری
آغلاماقدان دیله گتدیم علی همسایه لری
گورن اظهار ائلیور بس نقدر آغلیوسان؟
نیه هی باغلی اتاقی آچیسان باغلیوسان
.
.
دییرم قارداشیم اکبردی سبب گوز یاشیما
آغلورام چونکه علاقه م چوخودی قارداشیما
او گئدندندی دوشوب سایه ماتم باشیما
ایستیسوز گر بو اتاقین بیله سیز سری ندی
آچورام باغلیورام باعثی بیر حادثه دی
.
.
ئورگیم غمله دولان وقتده عراقه باخارام
آچارام باغلی قالان غملی اتاقه باخارام
بس که اکبر طویونا واردی علاقه باخارام
طوی سوزی دیلده قالیب گرچه فقط غصه سی وار
او اتاق ایچره علی قارداشیمون حجله سی وار
.
.
یازمیشام نامه علی قاصده وئردیم گتیره
بیرده قرآندی هدیه م دئدیم حتما یتیره
قورخورام من کیمی قاصدده نشانین ایتیره
چاتسا نامه م الووه خوشدی جوابین وئره سن
اولسا سوغاتین اگر قاصدیلن گوندره سن
.
.
علی گر لطفون اولا خواهر غم پروروه
خوردا بیر جامه نی گوندردیم اخا محضروه
وئر ربابه دی باجیم هدیه وئریب اصغروه
صود امردی بالا جیراندی ربابین گوزلی
یاراشار اگنینه حتما بالا پیراهن علی
.
.
کاش بیر گون ائشیدم غملی سفردن گلیسن
الده نصرت علمی کوی و گذردن گلیسن
گؤزومی فرش ائدرم گر دئسه لر سن گلیسن
ایلرم تکیه عصایه سنی پیشواز ائدرم
وورارام بوسه یوزوندن غم دل باز ائدرم
.
.
گلمه سن قارداش علی گلشن صغرا سولاجاق
گئنه ده گوزلریمه شبنم ماتم دولاجاق
منه الهام اولونوب طوی سنه قسمت اولاجاق
باجوین وار یوخی قرباندی علی جان بویوا
أؤگی اولسامدا منی دعوت ائدرسن طویوا
.
.
.
.
#حضرت_صغری #معروف_اهری
#گینه_گون_باتدی_علی_آی_گوزی_بیدار_اولدی
#ترکی
.
✍️ #زبدهالاشعار ✍️
.
🆔: @sarmashg_channel

  خوش گلوبسن ای عطر یاسمن #مهدیه #رضوی_زنجانی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *