خانه / اشعار و مدایح / اوج ایلیین گویلره شیعه نون افغانیدی #فاطمیه #آذرین_خلخال

اوج ایلیین گویلره شیعه نون افغانیدی #فاطمیه #آذرین_خلخال

اوج ایلیین گویلره شیعه نون افغانیدی #فاطمیه #آذرین_خلخال

شام غریبان حضرت زهرا(س)
.
✍️ #زبدهالاشعار ✍️
.
🆔: @sarmashg_channel
.
ودود آذرین خلخال
.
اوج ایلیین گویلره شیعه نون افغانیدی
فاطمه نون بو گئجه شام غریبانیدی
.
.
محنت ایّامیدن خسته اولانلار گلون
صورتی گلبرگ تک غمده سولانلار گلون
دار شفادی بورا دردی اولانلار گلون
غصّه و آلاموزون فاطمه درمانیدی
.
.
آند ویرون حضرتی شاه شهیدانینه
دست نیازوز آتون صدقیله دامانینه
دوز گله سوز لطف ائلر آند اولا اوز جانینه
هیئتیمیز بو گئجه فاطمه مهمانیدی
.
.
بو گئجه هر کیم اگر قلبیدن افغان ایدر
زینبه همدرد اولوب گوز یاشینی قان ایدر
حضرت زهرا اونون دردینه درمان ایدر
بو گئجه حیدر ایوی گور نئجه طوفانیدی
.
.
زینب اولوب نوحه خوان گوز یاش الور مجتبی
آغلوری کلثومیله ساکن ارض و سما
هامّیدان آرتوخ یانور هجره شه کربلا
یر گویه غوغا سالان فاطمه هجرانیدی
.
.
اوخشادی زینب او دم سویلدی ایوای ننه
غصّه و آلامیده یوخدی سنه تای ننه
محسنی الدن گیدن ظلمیله لایلای ننه
محسنیوی ئولدورن دشمن قرآنیدی
.
.
ظلمیله درگاهیده قانیوه باتدون ننه
غمزده طفلانوی حیدری آتدون ننه
سینه یارا قول یارا قبرده یاتدون ننه
عمرون آز اولدی ولی غصه سی طولانیدی
.
.
گورمدون ایّامیده خاطرۀ دل نواز
همدمون اولدی مدام محنت و سوز و گداز
خوش گونه حسرت قالان قبریده دینجل بیر آز
قبریوون اوسته علی گوزلری بارانیدی
.
.
گیت ولی بیر سوز دیوم دختر خیرالورا
واردی بویوک خواهشیم قوی منه منّت آنا
فرصت دیداریمیز روز دهم کربلا
گل او چوخور یرده کی قارداشیم عریانیدی
.
.
یازدی سنه «آذرین» روضه محنت ننه
سنده اونا حشریده ایله شفاعت ننه
قویما اولا خلق آرا زار و خجالت ننه
عمر بویی عاشق شاه شهیدانیدی
.
.
#فاطمیه_شهادت
#اوج_ایلیین_گویلره_شیعه_نون_افغانیدی
#ترکی
.
✍️ #زبدهالاشعار ✍️
.
🆔: @sarmashg_channel

  صادق آل عبا چون ایلیوب رحلت بوگون #صادقیه #رمضانی_خاکی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *