خانه / اشعار و مدایح / گلدیم گوزون آچ یاتما اماندور بئله عبّاس #عباسیه #شبخیز

گلدیم گوزون آچ یاتما اماندور بئله عبّاس #عباسیه #شبخیز

گلدیم گوزون آچ یاتما اماندور بئله عبّاس #عباسیه #شبخیز

زبانحال امام حسین (ع) در بالین برادر
.
✍️ #زبدهالاشعار ✍️
.
🆔: @sarmashg_channel
.
مرحوم شبخیز تبریزی
.
گلدیم گوزون آچ یاتما اماندور بئله عبّاس
دور قویما دوشه اورتامیزا فاصله عبّاس
.
.
دور گؤر نئجه اطرافیمی دشمن لر آلوبدور
بو چؤلده یامان درده شقاوتله سالوبدور
وحدت گمیسی ورطۀ طوفاندا قالوبدور
سندن صورا یوخ کیمسه چکه ساحله عبّاس
.
.
مقراض ستم رشتۀ آمالیمی کسدی
دشمن دئمه دی ظلم بو اندازه ده بسدی
گلزاریمه بو چؤلده مخالف یئلی اسدی
وئردی بوتون آمالیمی قهراً یئله عبّاس
.
.
بو چؤلده سنه باغلادیم امّیدیمی ، سنده
قویدون منی گئتدون بو بیابان محنده
سندن صورا گللم بو یولی شوقیله منده
باهم چاتاریق عشقیلی سر منزله عبّاس
.
.
ای خلقتون ایثاری اولان مایۀ رشکی
گتدی سنی جانه بیلورم تشنه لر اشکی
دور پرچمیوی آل اله،سال چیگنیوه مشکی
سقّا ئولومی دوشمیه دیلدن دیله عبّاس
.
.
بو چؤلده عجب جام شرف باده سین ایچدون
مستانه جانیندان ال اوزوب شوقیله گئچدون
سن باطلی حقدن نه گوزل وجهیله سئچدون
چکدون خط بطلان سند باطله عبّاس
.
.
ای لشکر اسلامه صلابتلی علمدار
آل اللّهه امّید ، منه محرم اسرار
سن سیز منیم ای قافله مه قافیله سالار
چاتماز داهی مقصودینه بو قافیله عبّاس
.
.
بو مسئله واضحدی بیلر آدم و عالم
گر ئولسه علمدار یاتار بللیدی پرچم
دور یاتما کی سندن سورا بو چؤلده مسلّم
قتلیمده ائدر اهل جفا هلهله عبّاس
.
.
قانون محبت بودی کی عشق یولوندا
یار ایسته سه باشین وئره جک اوسته قولوندا
معلومیدی عشق اوسته صاغین وئرسه صولوندا
عاشق وئرر ائتمز بو عطادن گله عبّاس
.
.
بو چؤلده جفادن داغیلار جاه و جلالیم
یغمایه گئدر ، غارت اولار مال و منالیم
بوندان صورا واضحدی دوشر اهل و عیالیم
بوینوندا آغیر سلسله چولدن چوله عبّاس
.
.
تلّ اوسته باجون زینبیله جنگیوه با هم
میداندا باخیردیق جدل آهنگیوه با هم
احسن دئدیق آئینیوه فرهنگیوه با هم
نه گلدی سنه ایندی یاتوبسان بئله عبّاس
.
.
سن قیزلاریما قورخولی چوللرده سسیدین
اعوانیمه انصاریمه عمده نفسیدین
مشکلده قالان کیمسه لره داد رسیدین
ایندی دوشوب امّا اوز ایشین مشگله عبّاس
.
.
#عباسیه #شبخیز
#عباسیه_شهادت
#گلدیم_گوزون_آچ_یاتما_اماندور_بئله_عباس
#ترکی
.
✍️ #زبدهالاشعار ✍️
.
🆔: @sarmashg_channel

  پیوستن حرّ به حسین علیه السّلام و شهادت او

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *