تیتر خبرها
خانه / اشعار و مدایح / ظلم بی پایان ائدیبدی آل سفیان شامیده #مجلس_یزید #علیرضا_عباسی

ظلم بی پایان ائدیبدی آل سفیان شامیده #مجلس_یزید #علیرضا_عباسی

ظلم بی پایان ائدیبدی آل سفیان شامیده #مجلس_یزید #علیرضا_عباسی

خطبه حضرت امام سجاد (ع) در مسجد شام
.
.
✍️ #زبدهالاشعار ✍️
.
🆔: @sarmashg_channel
.
علیرضا عباسی ( احسان تبریزی )
.
ظلم بی پایان ائدیبدی آل سفیان شامیده
توسن جهل وجفا ایلیردی جولان شامیده
لنگیدی چون کاروان عشق وعرفان شامیده
واریدی امّا فساد و کذبه میدان شامیده
ظلم دریاسین یزید ائتدی خروشان شامیده
ایلدی فرعون مثالی بسکه طغیان شامیده
ئولدوره زهرا عزیزین وئردی فرمان شامیده
کسدیریب باشین قفادن ائتدی مهمان شامیده
اهلبیتین گزدیریب زار وپریشان شامیده
اوغلی سجاد ایلدی حقّی نمایان شامیده
حیدری نطقی ائدیب الحق که طوفان شامیده
دین وقرآن خطبه سیندن آلدیلار جان شامیده
.
سسلدی بیز حق یولوندا ابتلالر گورموشوق
آل سفیاندان جهاندا چوخ جفالر گورموشوق
.
.
.
بیر گونی جمعه گونی اول وارث خیر الانام
یوز قویوبدی مسجده اول سرور والا مقام
جمعیدی مسجده اعوان وسران بد مرام
صدر مجلسده اوتورموشدی یزید زشت نام
یئر یوخیدی واریدی مسجده ازبس ازدحام
قالب بی مغز مثلندیدی اول خلق عوام
وارد اولدی ناگهان اول مجلسه مظلوم امام
حیرته دوشدی گورنده حضرتی قوم لئام
گئتدی صدر مجلسه ائتسین یزیدی تلخکام
منبره چخدی خطیب چاپلوس پست شام
سبّ ائدیب مولا علینی دوزمدی میر همام
سسلدی لال اول خطیبه ایلدی بیردن قیام
.
ساکت اول خلقین رضاسیندن اوتور ای بیحیا
آلما خالقدن غضب گئتمه دایان راه خطا
.
.
.
یوز یزیده دوتدی بعداً وارث شیر خدا
ویر اجازه وار سوزوم دیلده دئیم اولسان رضا
ائتمدی فرمایش زین العباده اعتنا
سس گلیب حضّاریدن مسجده قوزاندی صدا
اذن وئر نطق ائیلسین بو صاحب نطق رسا
لا جرم وئردی اجازه حضرته اول بیحیا
منبرون اوسته چخیب حقه ائدیب حمد وثنا
صونرا گوندردی سلامین جدّینه دیلده نوا
بعد پیغمبر علینی یاد ائدیب میر هدا
بیر سکوت حاکم اولوبدی مجلسه دیللندی تا
بهت آپاردی ملت شامی دیوبلر مرحبا
حق عنایت ایلدی اولسون حقیقت بر ملا
.
سسلدی شام اهلی سیز باور ائدین بو مطلبه
ضدّقرآندور یزیدی که چاتوبدور منصبه
.
.
.
ای جماعت خلق آرا عز و شرافت بیز ده دی
حق عطا ائیلیب بیلین سیز آلتی خصلت بیز ده دی
فخریدیر اخلاق وجود وهم شهامت بیز ده دی
هم فصاحت هم عبادت هم شجاعت بیز ده دی
حق عنایت ائیلیبدی یئتدی نعمت بیزده دی
اشرف النسلم اودور کی عالی رتبت بیزده دی
اهل ذکروق حق وئریب جمله فضیلت بیزده دی
اب جدیم معصومیدور اسرار خلقت بیز ده دی
حمزه وجعفر عمومدور یعنی غیرت بیزده دی
فاتح خیبر بابام دور چوخ رشادت بیزده دی
جدّیم احمددیر کمال وفضل رحمت بیز ده دی
بیر ده کی جدّه م خدیجه نور عصمت بیز ده دی
.
یئر اوزونده حقیدن آگاه اولون حجت منم
منطقیله پیکر ظلمه ووران ضربت منم
.
.
.
ای جماعت حجت فرزانه ی داور منم
یئر اوزونده یادگار ختم پیغمبر منم
ناطق قرآنون اوغلی وارث حیدر منم
دین وقرآنه بوگون تنها اولان یاور منم
زادگاهیم شهر یثرب عالمه سرور منم
افتخار بیت حقم کعبیه مفخر منم
نصّ قرآندور معرف زاده ی کوثر منم
هل اتی وار شانینزده معنی اطهر منم
اطیب النسلم نژاد وتیره سی برتر منم
داعی حقم حقیقت اهلینه محور منم
حجت اللهم جهاندا هادی رهبر منم
ناشر قرآن منم هم زینت منبر منم
حقه خاطر ظلمیدن اللهه شکوه ائتمروق
باش وجاندان اَل اوزوب بیز ذلت آلتدا گئتمروق
.
.
.
ای جماعت نور عین حضرت طاها منم
خیرهً النسوان آنامدور زاده ی زهرا منم
متن قرآندا گلیبدی اصل ذی القربا منم
آشنای وحی حقم سرینه دانا منم
ناشر آیات منزل هیکل تقوا منم
علم وحلم وفضل وجوده دهریده دارا منم
بیر به بیر آیات قرآنه اولان معنا منم
متن الرحمانم ویاسینیلن طاها منم
دستگیر پنجه ی نادانم ودانا منم
ایلین رسوا امیّه آلینی بوردا منم
ناظریدیم ناشر منشور عاشورا منم
حق یزید بیحیانی سیز بیلیرسیز یا منم
.
سالمینجاق تختیدن ظلامی کامه یئتمرم
ائتمسم رسوا یزیدی شامیدن من گئتمرم
.
.
.
ای جماعت کعبه اول بیت خدانین اوغلیام
سرزمین وحیده ام القرانین اوغلیام
مشعر وحلّ وحرم مروه صفانین اوغلیام
افتخار زمزمم بیرده منانین اوغلیام
کوه نورین مفخری غار حرانین اوغلیام
خاتم مرسل بابام خیر الورانین اوغلیام
مولد کعبه علی المرتضانین اوغلیام
عصمت الله دور آنام خیرالنسانین اوغلیام
ذوالفقارین صاحبی شیر خدانین اوغلیام
ظالمه باش اگمین میر هدانین اوغلیام
باشی دالدان ذبح اولان اعظم فدانین اوغلیام
عترتی نالان قالان مظلوم امامین اوغلیام
.
وار کیمین وجدانی توکسون صورته گوز یاشینی
نیزه اوسته ووردولار مظلوم آتامین باشینی
.
.
.
قوی دیوم کرب وبلادن من سیزه ای شامیان
آل طاهایه اوچولده اولدی ظلم بیکران
کوفیانه وئردی فرمان حاکم پست زمان
اولدی ویران کربلاده خانه ی دین وقرآن
هاشمی اولادی قتله یئتدیلر پیر وجوان
قامت پیغمبری بو غم ولی ائتدی کمان
اوغلونی سالدی یوز اوسته یاره لی شمر وسنان
وئرمیوبلر سو سوسوز زهرانین اوغلی وئردی جان
گون قباقینده قویوبلار پیکرین بیسایبان
پیکرین آتلار ایاقی تپراقا قاتدی عیان
بستری قاندان حنوطی قانیدی هم غسلی قان
بیر الی قالمیشدی کسدی نصف شبده ساربان
.
قالدی اوچ گون تپراق اوسته پیکر عریانیله
بیر حصیر اوسته مزاره قویموشام افغانیله
.
.
.
زاده ی هند اولدی رسوا ظلمی تا اولدی عیان
همهمه قوزاندی مردمدن اولوبدی ناگران
آیری چاره تاپمادی اول فاسق بد گو دهان
سسلدی دورما موءذن وئرگیلن فوراً اذان
باشلادی الله واکبر تا موءذن ناگهان
سسلنیب تکبیری تاویلین دئدی میر زمان
اشهدو ان لا الهَ کلمه سین قیلدی بیان
وحدهُ وحده بویوردی تئز امام انس وجان
یوخ شریکی تکدی اولدن خدای لامکان
اشهدو انَّ محمد تا دئدی وئرمیب امان
سسلنیبدی اُسکتو صبر ائت موءذن بیر دایان
یوز یزیده دوتدی فرمایش ائدیب ظالم اوتان
.
بو محمد کی اذاندا سسلنیلّر صبح وشام
بو سنین جدیندی سویله یا منیم ای بد مرام
.
.
.
گر دئسن وار نسبتی سنلن یالاندیر صحبتین
منله اما نسبتی واردی اوکان رحمتین
جدپاکیمدیر منیم سندیرمسان سن حرمتین
سلب ائدیبسن آل اطهارین بیله امنیّتین
ئولدوروب اوغلانلارین شامه چکیبسن عترتین
خارجی آدی بیزه قویدون غلطدیر نیتین
عمه می رنجیده خاطر ائتدی طعن وتهمتین
ایلدی مغرور شام ایچره کذائی دولتین
بیلسین الان شامیان یوخ غیرت وشخصیتین
ایلیر رسوا سنی بو فانی جاه ودولتین
آلادوبسان مکریله شامین بوغافل ملتین
گوردی اما شامیان بیز اهلبیتین غربتین
.
کیم مسلماندور رسول اللهی بیر یاد ایله سین
اهل بیتی ظلم الیندن آلسون آزاد ایله سین
.
.
.
#مجلس_یزید #علیرضا_عباسی
#خطبه_سجادیه_در_شام
#سجادیه_خطبه_در_شام
#ظلم_بی_پایان_ائدیبدی_آل_سفیان_شامیده
#ترکی
.
✍️ #زبدهالاشعار ✍️
.
🆔: @sarmashg_channel

  کیمدی زهرا ؟ کی اونون نوری دوتوب ارض و سمانی #فاطمیه #مهدی_نجفلو

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *