تیتر خبرها
خانه / اشعار و مدایح / ای رسول حق سنه دریای گوهر ویرموشوخ #فاطمیه #عدلی_تبریزی

ای رسول حق سنه دریای گوهر ویرموشوخ #فاطمیه #عدلی_تبریزی

ای رسول حق سنه دریای گوهر ویرموشوخ #فاطمیه #عدلی_تبریزی

میلادیه حضرت زهرا (س)
.
✍️ # ✍️
.
🆔: @sarmashg_channel
.
حاج اصغر فرشچی
.
ای رسول حق سنه دریای گوهر ویرموشوخ
بیز سنه چون فاطمه شایسته دختر ویرموشوخ
.
مهریدن بخشش اولوب دّرو گهرگنجینه سی
آسمان عصمته تابنده اختر ویرموشوخ
.
یوخدی اولادون اگر محزونی اولما غم یمه
نشردینه طاهره صدّیقه کوثر ویرموشوخ
.
کیم سنه اَبْتَر دِیدی ابتر گرگ اولسون اوزی
بوسببدن بیزسنه زهرای اطهر ویرموشوخ
.
فاطمه قویدوخ آدون شأنینده حیراندی عقول
هرنه ایستوردون اواولدی بلکه برتر ویرموشوخ
.
چهرۀ مادرجهاندا گورمدون سن لیک بیز
بوقیزی سن تک آتایه مثل مادر ویرموشوخ
.
نورولان روشن اولار چون عالم هستی سنه
عالمی روشن ایده بیر ماه انور ویرموشوخ
.
اولموییدی فاطمه اولمازدی خَلق کون ومکان
فاطمه عنوانی دوربیزعرشه زیور ویرموشوخ
.
اُولمییدی فاطمه تاپمازدی هم کفّون علی
مرتضایه بیز بونی هم سّروهمسر ویرموشوخ
.
نور نوریلن گرگ ایتسون جهاندا ازدواج
زهرۀ زهرایه بیز مولانی شوهرویرموشوخ
.
روز محشرده اولارشأن وجلالی آشکار
بیزاونا اذن شفاعت یوم محشرویرموشوخ
.
تا قیامت گلشنیندن باغ دین گل لر آچار
تا ابد زهرایه بیز نسل مُطهّر ویرموشوخ
.
اون بیراولادی حُسیندن آخری صاحب زمان
غیبیدن نصرت تاپا نیرو و لشکرویرموشوخ
.
جنّتُ الْمأوادی مسکن اول عزیزعالمه
گرچه دنیاده اونا عیش محقّر ویرموشوخ
.
هر کیم اولسا فاطمه مداحی محزون اولماسون
وعدۀ پاداش اونا بیز روز محشرویرموشوخ
.
فکرین عاجز خامه عاجز لیک (عدلی) یاز مدام
نام زهرانی سنه بیز زیب دفتر ویرموشوخ
.
یازدوقون اشعاریده واردی رسولی شرکتی
مطلبون شیرین اولا چون شهد شکر ویرموشووخ
.
.
# #
#
#
#
.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

  معصیت گردینه دامانیوی سعی ائت بلمه
اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *