خانه / اشعار و مدایح / دیه لّه یوخدو سویون قیمتی فراواندور #عباسیه #یحیوی_اردبیلی

دیه لّه یوخدو سویون قیمتی فراواندور #عباسیه #یحیوی_اردبیلی

دیه لّه یوخدو سویون قیمتی فراواندور #عباسیه #یحیوی_اردبیلی

یاد سقای کربلا
.
✍️ # ✍️
.
🆔: @sarmashg_channel
.
مرحوم یحیوی اردبیلی
.
دیه لّه یوخدو سویون قیمتی فراواندور
اله گتورمک اونی هر غذادن آساندور
.
مباحدور چوله جاریدی نهرلر دولوسی
باخان گورر سو گلور موجه بحرلر دولوسی
.
سو اوسته اولسادا گر بعضی یرده بیر میراب
مضایقه ائلمز تشنه نی ائدر سیراب
.
تعجّبم سو بو تعریفیله ندور علّت
قویولدی کرب و بلاده اونا آغیر قیمت
.
علینون اوغلونا بیر شربه ای سو وئردی فرات
ضمانت آلدی اونون قیمتینه نقد حیات
.
نیه قبول ائلدی مشتری بو سودانی
او مختصر سودان اوتری گرو قویوب جانی
.
فقط وجودینی ائتمشدى الده سرمایه
سو قولی وئرمشیدی دختران زهرایه
.
سکینه دوتموشیدی دامنین ایکی الیله
گتور سو یاندیم عمو یالواروب شیرین دلیله
.
آماندو سرعتیله قیل عمو فراته سفر
بشیکده غش ائلیوب صودامر علی اصغر
.
او خوردا طفل لرون گوردی ناله ی زارین
سو اوسته وئردی سکینه یولیندا قولّارین
.
یارالی دیرسگیله باسدی باغرینا علمی
سودان سوای دیَه بُلّم یوخیدی آیری غمی
.
فقط مواظبیدی مشکه یتمسون نقصان
او حالیله یارالار زحمتی چخوب یاددان
.
سوئی یتورمگه سعی ائتدی تا سوسوزلارینا
حسین تشنه لبون خوردا خوردا قزلارینا
.
او سعی و همّته رأی ارادته افسوس
او فکر و نیّته افسوس قدرته افسوس
.
یاریلدی ناوک ظلمیله سو کنار اولدی
سکینه اشکی کیمین مشکدن نثار اولدی
.
توکولای سو یره رنگی قزاردی قان اولدی
دوشوب سو مشکی یره سو یرینه قان دولدی
.
اگیلدی شیر خدا اوغلى باخدی حیرتیلن
یوزیته جاری ائدوب گوز یاشینی حسرتیلن
.
اگرچه قویمیشدی نقد جان سووا قیمت
سوسوزلارا گینه ده اولمادی او سو قسمت
.
گوروم فنا اولاسان ای فلک بو حیلتیلن
علی نین اوغلونی ووردون یئره او قدرتیلن
.
نییه مدار جهان دوشدی ظلمکار الینه
نییه اوتوردی جفاپیشه، ظلم صندلینه
.
هایاندا صدق و صفا أهلى وار، ذلیل اولدی
خداشناس لر عالم ده مضمحلّ اولدی
.
مقرّبان خدا، انبیای حکمت کیش
ندن جهاندا عومور سوردولر بوتون دلریش
.
مشیّتون ائله یوب # بهت آلود
اونی باغیشلا ابوالفضله ای خدای ودود
.
.
# #
#_شهادت
#
#
.
✍️ # ✍️
.
🆔: @sarmashg_channel

  ای منجی رهایی دین خدا بیا #مهدیه #محمود_ژولیده

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *