خانه / اشعار و مدایح / ثبت اولوب تاریخه زهرای پسندیده سیر #فاطمیه #علیوی

ثبت اولوب تاریخه زهرای پسندیده سیر #فاطمیه #علیوی

ثبت اولوب تاریخه زهرای پسندیده سیر #فاطمیه #علیوی

ماجرای سه کفن بهشتی
.

✍️ # ✍️
.
🆔: @sarmashg_channel
.
عُلیوی
.
ثبت اولوب تاریخه زهرای پسندیده سیر
دختر ختم رسالت ئوزی سنجیده نظر
صدف معرفته معنوی دریاده گهر
شیشه عمری دگن وقتیده رحلت داشینا
آیریلان لحظه یغیبدور بالالارین باشینا
.
.
حسنینه بویوروب درک ائده لر بیربیرینی
بالاخص حفظ ائده لر شیر خدا خاطرینی
تاپشیروبدور او ایکی طفله ایکی خواهرینی
صورا اوز دوتدی خانم ،زینبین کلثومه
دئدی حرمت ائلیون ائوده بو اوچ معصومه
.
.
بویوروب دوردونه ده حقدی خداوند رحیم
حقدی پیغمبر معصومیله قرآن کریم
حقدی حیدرکه اولوب حجت خلاق حکیم
گوزلیون سیز او شهین قلبینی سیندیرمیاسوز
سوزی بیر دفعه دئدوز باخماسا اوز ویرمیاسوز
.
.
نادره سوزلرینی باشه وئروب بحر کمال
خردا آهولره دلداری وئروب غملی غزال
زینبیه امر ائلدی ائوده قزیم سن حله قال
حسنینه بویوروب کلثومین خارج اولا
آنا هر دردینی فاش ایلیه بیلمز اوغولا
.
.
ائله کی هر کسه بیر نوعی وصیت ائلدی
زینبه گوشه غمخانه نی خلوت ائلدی
گوزی یاشلی خانمون رنگینه دقت ائلدی
دئدی زینب آناوین ذکر خدا ازبریدی
منی عفو ایله قزیم عمریمون آخرلریدی
.
.
آلوب آغوشه الین چکدی اول تللرینه
بالاجا اللرینی آلدی سینان اللرینه
اونی واقف ائلدی دلده که نسگللرینه
قول بویون اولدی خواتین جنان ناله کنان
صورا بیر بوقچانی زهرا قزینا وئردی نشان
.
.
دور گتور سویلدی تا مطلبی اظهار ائلیوم
واردی قلبیمده سوزوم واضحین اقرار ائلیوم
تا سنی زندگیده محرم اسرار ائلیوم
بلکه واقف اولاسان گیزلین اولان سوزلریمه
باشیوا قاره سالوب اگلشه سن ئوز یریمه
.
.
دوردی زینب گتیروب بوقچانی زهرا یاننا
هیجان دوشدی او دریای وقارین جاننا
آچدی زهرا اونی تا قدر ولایت تاننا
لذت آهوسینی صیاد او مکانه سورودی
آچیلوب بوقچا ائوی جنتین عطری بورودی
.
.
گوردی زینب بوکولوب بوقچیا اوچ تازه کفن
تک به تک هر اوچینه آد یازیلوب فاش و علن
بیری حیدر بیری زهرا بیرینه مظلوم حسن
دئدی حضرت بولاری پیک رسالت گتیروب
بیزه جبریل امین گویدن امانت گتیروب
.
.
گوردی بو منظره نی زینبین اسدی بدنی
دئدی فاش ایله ندن یوخدی حسینین کفنی
بویوروب آچماسوزون اوستونی یاندیرما منی
کهنه بیر پیرهنی جنگیده تن نن سویولار
ننه سی ئولسون اونون قبره کفن سیز قویولار
.
.
قد رعناسی اونون کرب و بلاده بوکولر
نه من اولام نه آتان اوستونه لشگر توکولر
او قدر یاره دگر تنده لباسی سوکولر
اورگینن وریلار اوخ کورگین نن قان آخار
پیکرین قانه بویاللار قانی هر یاننان آخار
.
.
وئردی بیر کوینگی آرتیردی اونون حسرتینی
ظاهره سالما دئدی قلبیده چک محنتینی
هاردا احساس ائلدون رایحه رحلتینی
ترک ائدور خیمه لری آیریلقین لحظه سیدی
وئر بو پیراهنی سویله آنامین هدیه سیدی
.
.
اوندا فاش ایله دنن قلبینی داغلاردی ننم
قاپونی قلبی یانان لحظه ده باغلاردی ننم
منیلن خلوت ائدردی سنه آغلاردی ننم
قلبیوه اوخ ویرانا سوز باشی لعنت اوخیوب
ئوزی بو پیرهنی کرب و بلایه توخیوب
.
.
.
# #
#
#
#
.

  ای اولان دین حقون فداسی #عباسیه #عدلی_تبریزی

✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *