تیتر خبرها
خانه / اشعار و مدایح / او کس که ایستیری آب زلال کوثردن #اکبریه #غمناک_تبریزی

او کس که ایستیری آب زلال کوثردن #اکبریه #غمناک_تبریزی

او کس که ایستیری آب زلال کوثردن #اکبریه #غمناک_تبریزی

حالات حضرت علی اکبر (ع)
.
✍️ # ✍️
.
🆔: @sarmashg_channel
.
مرحوم محمد تقی فرهادی (غمناک تبریزی)
.
او کس که ایستیری آب زلال کوثردن
گرکدورگوز یاشی توکسون بو دیدۀ تردن
.
خرابه گوگل لری آباد ایسته سن آغلا
حسینه ایله گلین ناله قلب مضطردن
.
توکوب بوگوزیاشون ایله حسین یولوندا سبیل
جزاده تا آلاسان سلسبیل او سروردن
.
بو قطره قطره گوزون یاشی عین دریا دور
ویرر نجاتوی گرداب شور محشردن
.
اگر قیامتی بولسن قیامت ایلر سن
جهانی دولدوروسان شور و شین اکبردن
.
اوگون قیامت اولوب اُولدی نو جوان اکبر
بساط محشرعیان اولدی آل حیدردن
.
دوشنده چون یره آتدان اوجالدی میداندان
غریو غلغله کیچدی سپهر اخضردن
.
ازل او قانلی یوزین قبلۀ امیده دوتوب
ویروب سلام امام زمانه محضردن
.
حزین سسیله دیوب السلام یا ابتا
بابا گل اوغلوی درک ایت جفای لشکردن
.
الی بلینده دوروب خیمه لر قباقینده
ایشتدی ناله سسین بیریارالی پیکردن
.
که یا اَبا اولورم بیرجه گل باشیم اوسته
باخوب جمالیوه کامه یتوم اومنظردن
.
سوار اولوب آتینا یوزقویوبدی میدانه
علی اکبرینی آختاروردی چوللردن
.
صاقا گیدوب چاغوروب اَینَ اَنتَ یا ولدی
صولا دونوب توکوب اشکین او دیدۀ تردن
.
اوغول دیوب دولانوردی آتاسی حیدر تک
کناره دوشموشدی گوئیا پیغمبردن
.
او دمده گل کیمی پیغمبرون تاپوب عطرین
نشان اولوب اونا بیر کاکل معطّردن
.
گلوب یتیشدی گوروب اول جوان ناشادی
دوشوب یراوسته آخار قانی زلف عنبردن
.
یخوبلا سروتک اول سرو نازینی یره
اولوبدی پیکری صد پاره تیروخنجردن
.
قلجلانوب باشی محراب عشق ایچره یاتوب
آتاسی حیدره بنزور او فرق انوردن
.
باخوب یوزونه گوروب گوئیا علیدوربو
باشندا زلف سیاهی نشاندور قنبردن
.
اوزین سالوب یره آتدان قوجاقلیوب نعشین
قویوب یوزین یوزینه اوپدی قانلی لبلردن
.
بیوردی اُف اولا سندن صورا بو دنیایه
نه لریتوب منه بو دهر کینه پروردن
.
جفائیلن سنی آلدی عدو الیمدن اوغول
الیم اوزولدی بو گون جمله یارو یاوردن
.
گلوبدی گون باشون اوسته بو قدری باتما اویان
آتان گلوب ” دور ایاقه بو قانلی بستردن
.
جنازسین گوتوروب تا یتوردی خیمه لره
یتیشدی ویردی خبر اهل بیته اکبردن
.
توکولدی دیشره او دم اهلبیت دلخسته
قاریشدی بیربیرتنگ اولدی راه معبردن
.
نه گوردولر گلور اما که گورمسین آناسی
اوزاقدی گورمگه بو حالی صبر مادردن
.
آناسی چون ایشدوب دوردی باشینه ویردی
چکوب بیر آه اودم سینۀ پُر اَخگردن
.
یواش یواش سورونوب اکبره یتوردی اوزین
اوزین ایتوردی کیچوب صورت مصوّردن
.
یارالی نعشینه بیر حسرتیله ایتدی نگاه
اَل آتدی باشین آچوب دوتدی قاره معجردن
.
آچوبدی گون کیمی باشین دوشوب دوشندی یره
آلوبدور اوز ایشقین اول مَهِ مُنَوّردن
.
اوپردی گل یوزون اوخشاردی ناله ایلردی
دیردی سوزیله گویا بو گونه سوزلردن
.
اوغول غریب آناوا رحم ایله بیرآچ گوزیوی
گوزوم یوزونده قالوب یاندیم آه و آذردن
.
او قدراولمادی بوگتمگون نه تز یتدی
بو قدره یاره بو گل جسمه قوم کافردن
.
گلوب تکلّمه «غمناک» نطق گویا ویر
که بی نیاز اولا تا دُرّ و لؤلؤ تردن
.
# #
#_شهادت
#
#
.
✍️ # ✍️
.
🆔: @sarmashg_channel

  آقام عبّاس اوجا منصبدی اوجا قامتدی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *