خانه / اشعار و مدایح / مصطفی رحلت ایدن گون مجلس شورا قورولدی #فاطمیه #کهنمویی

مصطفی رحلت ایدن گون مجلس شورا قورولدی #فاطمیه #کهنمویی

مصطفی رحلت ایدن گون مجلس شورا قورولدی #فاطمیه #کهنمویی

تشکیل مجلس سقیفه بعد از شهادت حضرت رسول اکرم (ص)
.  
✍️ # ✍️  
.  
🆔: @sarmashg_channel
.
مرحوم کهنموئی (ریاضی تبریزی)
.
مصطفی رحلت ایدن گون مجلس شورا قورولدی
رای شورادن اساس یوم عاشورا قورولدی
.
.
ترک ایدن ساعت جهانی حضرت ختم رسالت
باشینی آلدی دیز اوسته آغلادی میر هدایت
گوزلرین آچدی بویوردی بول اولوب غصبه خلافت
خیمۀ عدل اولدی چیده خرگه ایذا قورولدی
.
.
بیرده گوز آچدی پیمبر سویلدی روح الامینه
تک قویار قارداشی قارداش بو زمان ای بی قرینه
عرض ایدوب مشغولیدیم من زینت خلد برینه
مجلس جشن ورود سید بطحا قورولادی
.
.
بیر طرفده زار و حیران متصل آغلار حسینی
دیده تر سویلر بابام وای جدّینون نور دو عینی
بیر طرفدن مجتبانین هر دم آرتار شور و شینی
خاندان مصطفاده بزم غم افزا قورولدی
.
.
طالبان عزّ و جاهی تولادی دنیای جیفه
مصطفا دفن اولمامیشدی نشر اولوب حکم سقیفه
داندیلار امر خدانی ائتدیلر نصب خلیفه
بزم جور و ظلم اعدا اولدی پا بر جا قورولدی
.
.
مرتضا مشغول اولان دم غسل و تکفین رسوله
ووردی بیر رخنه سیاست دین و آئین رسوله
تازه بدعت قویدی امّت مذهب و دین رسوله
هر طرفده اجتماع شورش و غوغا قورولدی
.
.
آیۀ ارثی دانوبلار قویدولار اسلامه بدعت
جبریله زهرا الیندن آلدیلار ئوز ملکین امّت
حق یرینده اوتدی باطل غالب اولدی نوره ظلمت
نور نور افزا یغیلدی لیلۀ ظلما قورولدی
.
.
وئردیلر اجر رسالت اهل بیت مصطفایه
ظلم الیله اود ووروبلار مهبط امر خدایه
بو یانار اوتدان دوشوبدور بیر شرارہ کریلایه
خیمه گاهه اود ووراندا محشر کبرا قورولدی
.
.
خیمه لر یاندی داغیلدی چوللره اولاد اطهار
طاقتی اولموب قیامه اوت ایچینده قالدی بیمار
ئوز ئوزون اودلاره ووردی تا چخارتدی زینب زار
بو وفا اولموب او گوندن قبّۀ خضرا قورولدی
.
.
کهنموئی حق سوزون یاز دورما هرگز باخما حیران
گورموسن اسلامی ایلور ملعبه هر نامسلمان
اولدی قانون اروپا پاسخ احکام قرآن
اوندا که مشروطه آلدوز مجلس شورا قورولدی
.
.
.
# #
# #
#
#
.  
✍️ # ✍️  
.  
🆔: @sarmashg_channel

  خیمه دن دخت علی گوردیله میدانه گلور #قتلگاه #اعظمی_تبریزی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *