خانه / اشعار و مدایح / وارثم رسول خدایه من ائیلمه خلیفه جفا منه #فاطمیه #عاصی_تبریزی

وارثم رسول خدایه من ائیلمه خلیفه جفا منه #فاطمیه #عاصی_تبریزی

وارثم رسول خدایه من ائیلمه خلیفه جفا منه #فاطمیه #عاصی_تبریزی

حالات حضرت زهرا (س)
وقعه #
# #
.
✍️ # ✍️
.
🆔: @sarmashg_channel
.
#
.
مرحوم عاصی تبریزی
.
وارثم رسول خدایه من
ائیلمه خلیفه جفا منه
آل مصطفا حقّدور
ائیلیوب پیمبر عطا منه
گور اولار پیمبر بونا رضا
فاطمه گوره بیربئله جفا
.
.
الدہ کی قباله دلیلیدور
کشف ائدر هامی خلقه بوسوزی
ساقلقندا ائیلوبدی مرحمت
کیم منه بوملکی آتام اوزی
گور آتام رضادور بوباره ده
اشگیله دولا فاطمه گوزی
هانسی بیر دلیلیله گورموسوز
بیر بئله جفانی روا منه
.
.
بو آتام رسول مکرّمون
دستخطّیدور فاش و برملا
حالت حیاتینده مهر ائدوب
ائیلیوب بو ملکی منه عطا
بیزلره بودور مایۀ معاش
گوز تیکوب بونا آل مصطفا
علتی ندور حقّیمی آلوب
ائیلیسوز بوقدری جفا منه
.
.
فرض ائله که ارثیه دور
أوز آتام رسول مبیندن
اولویّتیم وار منیم بونا
وارث اولماقا سایریندن
سیز بو ملکی آیا نه علّته
آلموسوز منِ دل غمیندن
ساقلقندا روشندی گون کیمی
ایلیوب عطا مصطفا منه
.
.
هرگز ائتمرم التجا سنه
بو منیم کی اولااولا
نه لزوم، حقّ مسلّمی
آلماقا اورک دردیله دولا
غصب حقّیله اولماسن رضا
گلستان شرع نبی سولا
حکم شرعیله بو یری
حقّ طلقدور مطلقا منه
.
.
مالکم همین ملکه من بولور
یثربون هامی اهلی تک به تک
سن اوزونده حتّی گواهسن
لطف اولوب آتامدان منه
آتش جفانی منافقین
یاندوروب ز بس ووردولار اتک
آلدیلار الیمدن بو ملکیمی
ائتدیلر جفا برملا منه
.
.
یاندوروب ابوبکر قلبنی
مستدل بیاناتیله بتول
مهر ائدوب وئروبدور قباله نی
ائتدی فاطمه امرینی قبول
چخدی شاد و خرّم او بزمدن
دوشدی تایولا بضعه الرسول
عرض ائدردی هر بیر قدم خدا
گورنه ظلم ائدور اشقیا منه
.
.
بین راهده چخدی روبرو
ثانی ستمکار و بی حیا
عرض ائدوب بیان ائت گوروم هارا
گئتمیشیدون ای دخت مصطفا
سویلدی آپاردیم قباله می
مهر ائیلییه هم خلیفه تا
مهر ائدوب یتیشدیم مرامیمه
شامل ائتدی لطفین خدا منه
.
.
وئر قبالیه ائیلیوم نظر
سویلوب اول جفاجوی نابکار
وئرمرم بویوردی قباله می
هر قدر الیمده وار اختیار
ائتدیقون جفا بسدور ای شقی
حقّدن اوتان ایله شرم و عار
تا وارام بو سینمدہ کی یارا
بول یقین ائدر اکتفا منه
.
.
بس دگول که ووردون ستمله اود
یاندی ظلمیله درگهیم منیم
بس دگول قابرقام سینوب اوگون
چخدی گوگلره داد و شیونیم
بس دگول یتوب صدمه بطنیمه
ئلدى محسنیم سولدی گلشنیم
درگهیم یاناندا نه ظلم اولوب
بولموسن سن ای بی حیا منه
.
.
باخمادون پیمبر کیمی آتام
رحلت ایلیوب قلبی داغلیام
قویمادون منی ساخلیام عزا
باش آچام دویونجا بیر آغلیام
من دیدون گرکدور قراگیم
یاسلیام باشا قاره باغلیام
تازیانۀ قنفذ دنی
بیچدی بیر لباس قرا منه
.
.
بولمورم او هنگامه ده هارا
یتدی ثانی و فاطمه سوزی
بولمورم اونی من نه علّته
اولدی نیلی وش فاطمه یوزی
بوقدر که نه قالدی گوشوار
نه قالوب سلامت قولاق اوزی
بو قضیه عیناً نشان وئرور
کربلاده بیر ماجرا منه
.
.
# #
.
.
اوندا کی عدو کفر بیدقین
قلب خیمۀ دینده ساچدیلار
اود وروب خیام امامته
غارته تماماً ال آچدیلار
اهل بیت زهرا بویوک کیچیک
یوز قویوب بیابانه قاچدیلار
هر بالا دوتاردی یوزین گوگه
عرض ائدردی رحم ائت خدا منه
.
.
روح فاطمه زینب حزین
صبر ایدن بلایه آناسی تک
باخمادی سالوب شمر قمچیسی
غملو باشنه قاره بیر لچک
سرپرست ایتام شاه دین
خوردا قیزلاری یغدی تک به تک
قارداشیم یولوندا دیردی چوخ
خوشدی یوز وئره هر بلا منه
.
.
نو عروسون آلدی دیز اوستونه
باشنی پریشان و دلفگار
گوشواره لر گوردی سهلدور
غارته گئدوب باشدا یوخ خمار
هر ایکی قولاقدان آخور قانی
قانلا ایسلانوب زلف مشکبار
حاله گتدی آچدی گوزین دیدی
عمّه اولسا وئر بیر عبا منه
.
.
کاتب وفادار حسین اولوب
«عاصیا»، همین نوحیه سبب
مطلعین «حسینی» یازوب سنی
ایلیوبدی تعقیبه منتخب
آند وئر حسینی آناسنا
عرض ائله ایا شاه تشنه لب
بو ایکی نفرده مصاحبیم
قسمت ایله بیر کربلا منه
.
.

  المنه لله که بتأیید الهی #رضویه #مدرس_اصفهانی

.
.
# #
#_شهادت
#
#
.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *