خانه / اشعار و مدایح / قان آغلا گوزوم زلفی پریشانلارا خاطر #ورود_مدینه #نادری

قان آغلا گوزوم زلفی پریشانلارا خاطر #ورود_مدینه #نادری

قان آغلا گوزوم زلفی پریشانلارا خاطر #ورود_مدینه #نادری

زبانحال رباب در ورود مدینه
.
✍️ # ✍️
.
🆔: @sarmashg_channel
.
مرحوم میانجی
.
قان آغلا گوزوم زلفی پریشانلارا خاطر
قوم اوسته یاتان لبلری عطشانلارا خاطر
.
.
غم قافله سی قاره لچک یثربه چاتدی
غم تازه لنوب اهل حرم ماتمه باتدی
اولده رباب آغلادی ال باشینه آتدی
پیشوازه گلنلرده گوروب کورپه اوشاق وار
عرض ایتدی یتیش دادیمه ای قادر قهار
.
.
قالمیش اوجاقی بوش ئوره گی یاره ربابم
آغلار دولانان چوللری ؛ آواره ربابم
اصغر آناسی بیکس و بیچاره ربابم
ذلت منه یوز وئردی او گون دشت بلاده
گلدوم وطنه قالدی بالام کرب و بلاده
.
.
گوگلوم قوشونی أوچولار الدن اله سالدی
آغلار گونه دنیاده منی حرمله سالدی
ئولمز آدیمی دائمی دلدن دیله سالدی
بیر سود امره مرد ستمگر طرف اولدی
اوچ شعبه اوخا کورپه اوشافیم هدف اولدی
.
.
بیر جرعه سو الدن منیم آراممی آلدی
ظلمبله بلالی باشما قاره نی سالدی
گلدوم وطنه ایستی قوم اوسته على قالدی
رؤیاده آچوب اصغری هر گون بلرم من
دوررام یوخودان باشمه تپراق الرم من
.
.
گلشنده گولر باغچادا گللر گل آچاندا
زارع خوش اولار مزرعه سی سنیل آچاندا
مادر سُؤونَر کورپه اوشاقی دیل آچاندا
آرزیم واریدی سود أمریم دل آچاجاقدور
گئتسم هارا اصغر قاباقیمدا قاچاجاقدور
.
.
پیکان بلائیله جگر داغلادی صیاد
آتدی اوخی نازک بوغازی اوخلادی صیاد
بیر آهو باخشلی بالامی أوخلادی صیاد
ئولسه بالاسی باشنه کللر ألر آهو
اوخلى بالاسین آختاری دائم ملر آهو
.
.
یثرب من بیچاریه بیت الحزن اولدی
کورپه بالأما ماریه دشتی وطن اولدی
قنداقی کیمون اوغلونا من تک کفن أولدى
عطشان بالا یاندوردی منی آتش هجران
سلطانله هم قبر اولونان قبریوه قربان
.
.
عالم منه قوی بلبل ویرانه دئسونلر
خاموش اولونان شمعمه پروانه دیسونلر
عشقونده سنون قوی منه دیوانه دیسونلر
یاتمام بالا سقف آتدا یوزم باغلاسا پینه
گاهی سنه یاس ساخلیارام گه شه دینه
.
.
غم تاجریم گر ،ولی غم ساتمارام اوغلوم
آتسوندا منی منکه سنی آتمارام اوغلوم
سندن صورا فرش اوسته داخی یاتمارام اوغلوم
قوم اوسته یاتوبسان بالا سسن کورپه چاقندا
منده قالارام عمریمی گونلر قاباقندا
.
.
قلبیم کیمی قوی صورتمی یاندیرا خورشید
ویرانه نشینم داغیلوب خانۀ امید
خوشدور منی گر پیک اجل ایلسه تهدید
ذلت قاپوسون آچماسون الله هیچ عزیزه
وار حقلری قارداشلاریم اوخشاتسا کنیزه
.
.
من عود کیمی مجمر عشقه بالا یاننام
گاهی سنیلن عالم رویاده دولاننام
گوررم بوغازون یاره دی هولیله اویاننام
عمّون دیر ای بختی یاتان چوخ آلشیرسان
دلسیزدی بالان بس کیمیلن سن دانشیرسان؟
.
.
هرچند فلک رشتۀ امیدیوی کسدی
آفت یتشوب گلشنه باد ستم اسدی
بیچاره رباب آغلاما دردون منه بسدی
باخ سن منه صبر ایت غم هجرانوه قربان
سو اوسته وئرن جان قوزی قربانوه قربان
.
.
علقمده یاتان سرو صنوبرده منیمدور
میداندا همان دوغرانان اکبرده منیمدور
نازک بوغازی اوخلانان اصغرده منیمدور
یاندورما منی اود دل ناشادیمه سالما
اصغر چاقوروب طاقت و آراممی آلما
.
.
عرض ایلدی ای مهر وفا برجنه کوکب
قلبونده اولان یاریوه قربان بی بی زینب
عذر ایستیورم کشف اولا تا که سنه مطلب
ایام مصیبت بو قدر او لما پریشان
منده بالام اصغرده او قارداشیوه قربان
.
.
سالدى بیزی عالمده فلک شیون و شینه
آغلار گجه گوندوز بو گوزوم نور دو عینه
ظاهرده بالام اصغره باطنده حسینه
قربان اولوم أول شاهه که تاج الشهدادور
مین اوغلوم اولا شاه شهیدانه فدادور
.
.
لعنت بله ایامه ایدوب قلبیمی خسته
زهرا بالاسی قالدى سوسوز قوملارین اوسته
ایتمش منی گر کوفه و شام اهلی شکسته
فخریم بودی که خلقه ایدم حشرده اعلان
وئردوم بیر اوغول فاطمه نون اوغلونا قربان
.
.
یاز یانسین فلکین چرخ و رواقی
یاندوردی ربابی سود أمر طفل فراقی
جمع اولدی نفاق اهلی او گون پوزدی تفاقی
باغلاندی پیمپر قاپوسی آغلادی حیدر
اوخلاندی سو اوستونده سوسوز سود امر اصغر
.
.
.
.
# #
#
#
#
.
✍️ # ✍️
.
🆔: @sarmashg_channel

  بارالها نه گوزل دارالعبادتدور بو یر

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *