خانه / اشعار و مدایح / فاطمه ده نظاره قیل محنت بی شماره باخ #فاطمیه #علومی_تبریزی

فاطمه ده نظاره قیل محنت بی شماره باخ #فاطمیه #علومی_تبریزی

فاطمه ده نظاره قیل محنت بی شماره باخ #فاطمیه #علومی_تبریزی

در مراثی حضرت زهرا
.
✍️ # ✍️
.
🆔: @sarmashg_channel
.
علومی تبریزی
.
فاطمه ده نظاره قیل محنت بی شماره باخ
گورمدی خوش زمانه بیر گردش روزگاره باخ
.
.
قویدی قدم او گونکه بو کون و مکانه فاطمه
اولمادی غصّه دن رها سینۀ داغداره باخ
.
.
رحلت ایدنده مصطفى باشینه قاره باغلادی
باشینه قاره باغلادی شیونه گلدی آغلادی
زینبه اورگدوب نوا قلب حسینی داغلادی
گوزدن الردی خون دل دیدۀ اشگباره باخ
.
.
قوردی عزا بساطنی ایوده شه رسالته
ثانی بی حیا وروب اود حرم امامته
کینۀ اشقیانی گور سالدی بتولی زحمته
سسلدی داده گل بابا حالیمه قیل نظاره باخ
.
.
جرئت ایدوب گروه کین کون و مکانی یاندوروب
گل نجه گور بو اشقیا قلب جهانی یاندوروب
ای بابا دودمانوی ظلمیله ثانی یاندوروب
دست جفا آچوب منه فرقۀ نابکاره باخ
.
.
ثانی دیور گرک چکم شیر خدانی بیعته
حضرت فاطمه دیور سالما بیزی مشقّته
اود ویرولوب یانور قاپی خلق دوشوبدی وحشته
معبر اهل کین اولوب درگهی روزگاره باخ
.
.
کثرت بی شماریله صحنیه اشقیا دولوب
بسکه فشار در یتوب فاطمه گلشنی سولوب
سیلی دگوب او بانویه هم بالاسی شهید اولوب
اوز حرمنده همسر حجّت کردکاره باخ
.
.
شرم ایلدی که حیدری سسلیه داده آشکار
سسلدى فضه داده گل گتدى الیمدن اختیار
با خبر ایت عمواوغلومی فاطمه اولدی زخمدار
سویله گل ای ولی حق حالت احتضاره باخ
.
.
فضه ایشتدی بو سسی حیدره ایلدی خبر
غیضله صحن خانیه چخدی ولیّ دادگر
گوردی وفالی همسری یرده دوشوبدی خونجگر
جور رعیته دوزن طاقت شهریاره باخ
.
.
فوراً عباسنی سالوب باشینه دخت احمدین
ثانی پست فطرتی ویردی یره او شاهدین
یاده سالوب پیمبرین عمده سوزین وصیتین
ایلدی دشمنی رها حجّت بردباره باخ
.
.
شیر مرامین آنلادی جرعته گلدی روبهان
دست خدانی باغلادی فرقۀ کینه اول زمان
چکدیله مسجده طرف اهل جفا کشان کشان
حوصلۀ علینی گور فرقۀ کین شعاره باخ
.
.
فاطمه حاله گلدی تا آچدی گوزون ملالیله
گوردی گیدور عمو اوغلوسی مسجده قیل و قالیله
باشی آچوخ ایاق یالین شیر خدا او حالیله
بستۀ ظلم اولان ید صاحب ذوالفقاره باخ
.
.
گوردی او پرده ناصر دینه وظیفه نصرتی
همسر باوفا ایدن نصرت او با وقاره باخ
.
.
سویلیوب ای گروه کین ظلمده سبقت ائتمیون
شیر خدادی بو بیله کینه ده جرئت ائتمیون
آل پیمبره داخی بسدی اذیت ائتمیون
فاطمۀ بتولیده کلمۀ ناگواره باخ
.
.
شیعه بلا چولونده ده زینب زار و باغریقان
لشگر شامه دوتدی یوز سویلدی ای ستمگران
بس دگی ئولدی قارداشیم ظلموزی آز ایدون عیان
بیرده چاغوردی حیدری گل دیدی بو دیاره باخ
.
.
ساخلا علومی مطلبی ویرمه داخی کلامه طول
گرچه بوئیدی مقصدین شرح اولا محنت بتول
ذکر ایله آیری طرزیله آل علی ایدر قبول
دفترین اود دوتار یانار خامه ده بیر شراره باخ
.
.
# #
#
#
#
.
✍️ # ✍️
.
🆔: @sarmashg_channel

  نطقیدن قالدی ندن اول لب گویا زهرا

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *