خانه / اشعار و مدایح / آنام اوغلی دور یولا سال باجون ، ائیلیوبدی عزم وطن گئدر #اربعین #عاصی_تبریزی

آنام اوغلی دور یولا سال باجون ، ائیلیوبدی عزم وطن گئدر #اربعین #عاصی_تبریزی

آنام اوغلی دور یولا سال باجون ، ائیلیوبدی عزم وطن گئدر #اربعین #عاصی_تبریزی


.
✍️ # ✍️
.
🆔: @nohe_tork
.
#
.
مرحوم عاصی تبریزی
.
آنام اوغلی دور یولا سال باجون، ائیلیوبدی عزم وطن گئدر
گوتوروب نشانه بو کوینگون، گوزی یاشلی دلده محن گئدر
.
.
منه بسدی مایۀ درد و غم، نقدر ساقام محنون سنون
ورار اود بو جانیمه روز و شب، آنام اوغلی پیرهنون سنون
باخارام بو کوینگه آغلارام، اولی یاد اول گل بدنون سنون
دیمه خاطریمدن او یاره لر، که وروب شرار زمن گئدر
.
.
گر آنام مزاری منیم حسین، اولا بیرده دهریده قسمتیم
دوشرم بو کوینگی قبرینه، اونا آشکار اولی محنتیم
بو یانان اورکده علاوه وار، منیم اوزگه درد و مصیبتیم
نه بو گوز یاشیم آزالور منیم، نه اورکده کی او محن گئدر
.
.
نئجه بو سوزی اونا کشف ائدیم، که بلا چولنده گروه کین
یتوربله قتله سوسوز سنی، سویوب هم لباسیوی مشرکین
قویوب اوچ گون، اوچ گئجه پیکرون، یارالی قوم اوسته عدوی دین
بو قدر مصیبت و درد و غم، گور اخا بو دلدن علن گئدر
.
.
چکورم خجالت ائدم سنه، هامی شرح حالیمی من بیان
نچه نکته وار اورگیمده من، گرک ائیلیم آناما عیان
بیر قمچی یرلری دور حسین، گئدرم ویرم اونا من نشان
دیمه جان وئرینجه اخا منیم، بو قولومدا زخم رسن گئدر
.
.
بولوسن گلنده حسین منیم، واریدی نه جاه و جلالتیم
یخلوب ایویم قریلوب ائلیم، داغلوب او عزت و شوکتیم
آغاروب ساچیم گوروب قولوم، بوکولوب جفائیله قامتیم
اودی گوز یاشیم بئله متصل، یوزومه چو سیل دمن گئدر
.
.
نقدر شکنجه و غم یتوب، دوزوب هر بلایه دایانموشام
او گوزل باشون دوشوب آردیجا، هامی رهگذاری دولانموشام
بالاوین خرابه ده ئولماقی، پوزوب حال زاریمی یانموشام
اونون هجر دردی بو قلبیدن، مگر ای یارالی بدن گئدر
.
.
گئدرم مدینه ده من سنه، گئجه گوندوز اوخشارام آغلارام
بو یتیمه قیزلاری باشیمه، یغارام سیزلدارام آغلارام
گیرم قرا دوتارام عزا، نقدر حسین وارام آغلارام
کسیله گوزوم یاشلی خوندل، یوزه چون عقیق یمن گئدر
.
.
یانورام شرار مصیبته، باخورام او لیلی مضظره
ائیله شور و شیونله حسین، دوشنوبدی مرقد اکبره
اورگینده کی غم و غصه سین، دیوری شبیه پیمبره
نئجه بیرده یثربه بیلمورم، ایله بیر جوانی ئولن گئدر
.
.
اورک ایستوری دوزه یانمویا، شرر ملال سکینیه
قویوب اوز عموسی مزارینه، دیوری او مهره خزینیه
دور ایاقه آل علمون اله، یتور اهل بیتی مدینیه
گوزی یاشلی باشی قرالی لار، ائلیوبدی عزم وطن گئدر
.
.
بلوسن بیر عمریدی یا حسین ائدر «عاصی» روز و شب آرزو
اوپه آستان مقدسون، قویا یوز که کسب ائده آبرو
ائده گرد و خاک مزاریوی، بو سرشگ چشمله شستشو
او غباری سیلسه گوزوم یاشی، بو غبار قلب «حسن» گئدر
.
.
# #
#
#
.
✍️ # ✍️
.
🆔: @sarmashg_channel

  مصائب_شام ۴

 

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *