خانه / اشعار و مدایح / خاتمه تاپدی جفای آل سفیان شامده #کوچ_شام #تائب_تبریزی

خاتمه تاپدی جفای آل سفیان شامده #کوچ_شام #تائب_تبریزی

خاتمه تاپدی جفای آل سفیان شامده #کوچ_شام #تائب_تبریزی

ردغارت و تشکیل عزای آل الله در شام
.
✍️ # ✍️
.
🆔: @sarmashg_channel
.
# … ۴ سبک
.
مرحوم تائب تبریزی
.
خاتمه تاپدی جفای آل سفیان شامده
اولدی برپا ماتم شاه شهیدان شامده
آل طاها بزم ماتم قرردی ویران شامده
.
.
بلبلان غم ایدوب ویرانه نی غم گلشنی
اوج ایدوب عرشه چخوب آل رسولین شیونی
بزم ماتم تک سیه پوش ایتدیلر ویرانه نی
ویردیلر ماتمسرا تشکیلی ویران شاهده
.
.
قوردولار ویرانه ده رسم عزائیله اساس
خاندان مصطفی گیدی هامی قاره لباس
یاسلیلار فرصت تاپوب جمع اولدیلار باشلاندی یاس
ائتدیلر کسر نوا و داده جبران شامده
.
.
دفن اولونموشدی همین ویرانه یرده بیر بالا
قویمیوبلار قبرده قلبی ملالیله دولا
چکدیلر نازلی رقیّه قبری اوسته بیر قرا
بیر دلیله هر خانم اولدی نواخوان شامده
.
.
صحنۀ ویرانه نی دولدوردی فریاد و فغان
جمع اولوب هشتاده دین یاسلی عزالی باغریقان
صدر مجلسده اوتوردی زینب بی خانمان
بزم ماتم ده اولوب سجّاد دربان شامده
.
.
عالم معناده گلدی بو عزایه مصطفی
حاضر اولدی اوردا گوز یاشلی علیّ المرتضی
الده زلفی واحسین دلده گلوب خیرالنسا
زینبه همناله اولدی خیر نسوان شامده
.
.
گورسنوب مجلسده شور یوم محشردن اساس
توکدولر بزم عزایه بیر پارا قانلو لباس
سالدی هر قانلو لباس اوسته اوزین بیر اهل یاس
شور محشر برملا اولدی نمایان شامده
.
.
کوینگین گوتدی حسینین زینب بی اقربا
قویدی مجلسده آرایه باشلادی شور و نوا
ایگلدی اوپدی دیدی ای خامس آل عبا
عطریوه اولسون بو زینب جانی قربان شامده
.
.
نیلیوب دشمن سنه ایلر حکایت کوینگین
بسدی مین جور و جفادن بیر علامت کوینگین
پیکرونده گوسترور سانسیز جراحت کوینگین
کربلا ظلمین ایدر بو کوینک اعلان شامده
.
.
بیر طرفده آرتروب کلثوم دلده رشگینی
ایتدی جاری دیده دن رخساره سیل اشکینی
قویدی عباسین قباقه اوخلانان سو مشگینی
وا ابوالفضلا دلینده ایتدی افغان شامده
.
.
سویلدی اوخلی علم الده او رنجور الم
بو علم ایلر حکایت حالون ای صاحب علم
تیرباران ایلیوب گُل پیکرون قوم ظُلم
تیر غملن وار یری دل اولسا شان شان شامده
.
.
اوزگه بیر وضعه دونوب بزم عزا هنگامه سی
هر اسیره قسمت اولدی بیر شهیدین جامه سی
امّ لیلایه یتیشدی اکبرین عمامه سی
زلفی تک اول جمعده اولدی پریشان شامده
.
.
سینه دن بیر آه چکدی لیلی مجنون نما
باغرینا باسدی اوغول عمامه سین دلده نوا
آلدی اکبر عطرینی بیردن دیدی جان ای بالا
اولدی مدهوش ایلدی چاک گریبان شامده
.
.
قاسمین فکری پوزوب بی حد سریه حالتین
خون دل قاتدی توکوب رخساره اشک حسرتین
اوغلونون قانلو لباسیندن آلاندا نکهتین
وای اوغول سسلندی اولدی دیده گریان شامده
.
.
یوز قویوب گلدی اناث شام بزم ماتمه
غم شریکی اولدیلار آل رسول اکرمه
واحسینا سسلنوب دلدن هامی باتدی غمه
داغدیده دللر اولدی لاله تک قان شامده
.
.
قلب زینب آغلاماقدان نه دویوب نه دینجلوب
غصّه پیکانی دوباره قلب مجروحین دلوب
بزم یاسی یغماقا ناگه حسین باشی گلوب
ماتمینده اولدی حاضر شاه عطشان شامده
.
.
ایتدی مستأجر بو شعرین خواهشین اعزازیله
چکدی تائب نظمه بیله شیوۀ ممتازیله
هر ایکی یولداش تیکوبلر گوز حسینه آزیله
صبح مستأجر بو تائب اشگریزان شامده
.
.
# #
#
#
.
✍️ # ✍️
.
🆔: @sarmashg_channel

  قولسوز دوشوب جسمون یره قارداش ابوالفضل #عباسیه #ثریا_تبریزی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *