خانه / اشعار و مدایح / او قاره زلفون اوزوندن گوتور کناره على #راه_شام #عاصی_تبریزی

او قاره زلفون اوزوندن گوتور کناره على #راه_شام #عاصی_تبریزی

او قاره زلفون اوزوندن گوتور کناره على #راه_شام #عاصی_تبریزی

زبانحال جناب لیلا خطاب به علی اکبر در راه شام
.
✍️ # ✍️
.
🆔: @sarmashg_channel
.
مرحوم عاصی تبریزی
.
او قاره زلفون اوزوندن گوتور کناره على
ائدیم دویونجا تماشا او گل عذاره على
.
باشون جداده الیم یتموری آنان ئولسون
یارالی باشوی بیرجه آلوم کناره على
.
گلوب تکلمه دیندیر منِ فلک زده نی
اولا تسلّی دل، تا بو بی قراره على
.
چوخ ایسترم که اوغول گیزلدم غم عشقون
سالور ولیک گوزوم یاشی آشکاره على
.
سنان شمر ورار قمچی آغلیاندا منه
او دور سبب که یواش گلّم آه و زاره على
.
نه حقی وار منی شمر و سنان اسیر ائیلیوب
بو نوعیله سالالار دشت و کوهساره على
.
بئله بولولّه اسیرم بو قوم اعدایه
بلی اسیرم او زلفونده بیرجه تاره على
.
محبتون منی وادار ائدوب علی دؤزرم
جفا و ظلم فراوان و بیشماره علی
.
ائدوبدی چهرۀ خورشیدی دود آهیم تار
انان ائدوبدی قرابخت او زلف قاره علی
.
خمیده قاشلاروین طاقی قبله گاهیمدور
نه چوخ شباهتی وار راست ذوافقاره علی
.
گوزوم ایشیقلقی قلبیم صفاسی آچ گوزووی
بو حال زاریمه بیر ائتگیلن نظاره علی
.
گر ایسته سن بوله سن حالیمی نه حالیده دور
نظاره ائتگیله بو چشم اشگباره علی
.
الیم یتیشمور اوزوندن سیلم یولون توزونی
نئجه گوروم که باتوب گول یوزون غباره علی
.
سموم ظلمیله جان گلشنیم خزان اولدی
چتین دونه بو خزان بیرده نوبهاره علی
.
نقدر دیندیریرم دینمیسن ندور سببی
جواب وئرموسن آخر بو دلفگاره علی
.
گرک ئولم قوتولام محنت فراقوندان
مریض عشق اولانا یوخدی اؤزگه چاره علی
.
غم زمانه دن عاصی ز بس گلوب تنگه
رضا اولوب ئولومه اُف بو روزگاره علی
.
روادی گور بیرینون سن کیمی آقاسی اولا
دوشه زمانه ده بو نوعیله فشاره علی
.
.
# #
#
#
#
.
✍️ # ✍️
.
🆔: @sarmashg_channel

  خرابه گوشه‌سی عمّه گتوردی جانه منی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *