خانه / اشعار و مدایح / ای جدا بویدا گونوم یوخسا قیامتدی حسین #کوفه #عاصی_تبریزی

ای جدا بویدا گونوم یوخسا قیامتدی حسین #کوفه #عاصی_تبریزی

ای جدا بویدا گونوم یوخسا قیامتدی حسین #کوفه #عاصی_تبریزی

– زبانحال علیا مکرمه خطاب به راس انور حضرت حسین (ع)

.
✍️ # ✍️
🆔: @sarmashg_channel
.
# … ۴ سبک
.
مرحوم عاصی تبریزی
.
ای جدا بویدا گونوم یوخسا قیامتدی حسین
باجون ئولسون گون اوزونده نه علامتدی حسین
.
.
سنی مهمان آپاران هانسی جفاگستریدی
نه علامتدی جمالونده نه خاکستریدی
باشوا ایسّی کول اوستی بو گئجه بستریدی
بو علامت او کول اوستوندن حکایتدی حسین
.
.
بس دگولدی باشوا اون ایکی خنجر یاراسی
بوغازوندان گورونن زخم مکرر یاراسی
آز گوروب گُل یوزیوه اگلشوب اخگر پاراسی
میزبانون نئجه پرکین و شقاوتدی حسین
.
.
منزل اولموشدی سنه بو گئجه نی کنج تنور
ائیلموشدون او یری نور خداوندیله طور
نئجه پرشوریدی باشون سنون ای منشأ نور
وجه وجه الله نه پردۂ ظلمتدی حسین
.
.
گلمسه باشیوه شامه کیمی بیر اوزگه بلا
آیری بیر ظلم و ستم ائیلمسه اهل جفا
اوزی بو بارده انصاف ائلسه قوم دغا
بو ستم باشیوه باللهی کفایتدی حسین
.
.
گئجه گوردوم که باشون عترتینی گوزدن آتوب
بئله بولدوم که هامی زحمتی انجامه چاتوب
بولمدیم مطبخ خولیده تنور ایچره پاتوب
باشیوه اولموش او که ظلم و اهانتدی حسین
.
.
گونوز از بس باشیوا رنج و ستم یتمیشدی
گئجه نی خولی بی دینه قوناق گئتمشیدی
باشسیز اطفالینی باشون اودی ترک ائتمیشدی
درد دل ائیله ماقا ایندی فراغتدی حسین
.
.
فکر هجرون ائیلمیشدی منی پیچیدۀ غم
وصلیوه یتماقا مشتاقیدی بو قامتی خم
صوت قرآنوی آلدیم سنون ای میر حرم
مقصدون زینبه بولدیم که عنایتدی حسین
.
.
عالم صبریده هر قدر چالشدیم یارالی
تنگ اولوب حوصله آخرده دانشدیم یارالی
ائله گوردوم باشوی یاندیم آلشدیم یارالی
درد دل دور دئدیم آخر نه شکایتدی حسین
.
.
من دانشدیم دیدیم اوز دردیمی رمزیله سنه
سنده آندورگیلن اوز دردون اشاریله منه
اوره گی دردلی اولار دوشسه او کس که محنه
خانۀ دل دولی اندوه و مصیبتدی حسین
.
.
بولوسن غصّه لیم ای شه اقلیم وفا
غصّه لی قلب تاپار صحبت یاریله صفا
ای وئرن بیر نظری هر دل بیماره شفا
زینبون بیر نظر لطفووه حسرتدی حسین
.
.
بیر سنی عاصی بولور هر ایکی دنیاده امید
سن اوزون شاهد عرضیم سن ایا شاه شهید
قلب صافیله هر آن ایستوری بیر عمر مدید
بولوسن ایستدوقی بیرجه زیارتدی حسین
.
.
# #
#
#
.
✍️ # ✍️
🆔: @sarmashg_channel

  مژده گلدی گلِ باغ مولا حسین

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *