خانه / اشعار و مدایح / حسین جان نیزه باشندا یارالی باشوا یانّام #کوفه #دارا_تبریزی

حسین جان نیزه باشندا یارالی باشوا یانّام #کوفه #دارا_تبریزی

حسین جان نیزه باشندا یارالی باشوا یانّام #کوفه #دارا_تبریزی

حالات
زبانحال علیا مکرمه زینب کبری (س)

.
✍️ # ✍️
.
🆔: @sarmashg_channel
.
#
.
مرحوم دارا تبریزی
.
حسین جان نیزه باشندا یارالی باشوا یانّام
باخوب رخساروه تازه آخان قان یاشوا یانّام
.
جداده سورۀ کهفی اوخور تفسیر ایدر باشون
بیان حالیلن حق کلمه سین تقریر ایدر باشون
حقیقت منده کشف حکمت تقدیر ایدر باشون
اولان احبابینه رهبر بلالی باشوا یانّام
.
.
قمر تک حال قدرینده اولوب شق القمر باشون
ایدوب بیراهه یولّاردا عیالون همسفر باشون
دیار و شامی جدا اوسته گذر باشون
دوزولموش آردیجه باشسیز عیالی باشوا
.
.
حسین میر هداسن هادی احبابیدور باشون
سپهر حسنده خورشید عالمتابدور باشون
حقیقت اهل عشقه مظهر آدابدور باشون
حقیقت رهبری حق مقتدالی باشوا یانّام
.
.
باخاندا باشوا ایلر عیان سرّ نهان باشون
نشان ظلم خولیدور ویرور یوخسا نشان باشون
اولوب گویا تنور ایچره کول اوسته میهمان باشون
باشون بنزر هلاله یا هلالی باشوا یانّام
.
.
ازلده مفتی عشقه ویروب قول بلا باشون
قضای حقه راضیدور بلایه مبتلا باشون
اودی هر بیر بلا یتسه دیمز بیر کلمه لا باشون
ره حقده محبت آشنالی باشوا یانّام
.
.
ازلده ایتدوقون عهده حسین اقرار ایدوب باشون
طریق حقّده جان نقدینی ایثار ایدوب باشون
وفای عهدوون اثباتنی اظهار ایدوب باشون
سر کوی حقیقتده وفالی باشوا یانّام
.
.
اولوب عهد ازلده اهل عشقه مقتدا باشون
شهید عشق سن ایتدون ره عشقه فدا باشون
حقیقتده حقیقت حقّینی ایتدی ادا باشون
مصیبت همدمی غم مبتلالی باشوا یانّام
.
.
خلاصه کوی وحدتده گوتوردو قجا قدم باشون
بلاکشدور گورر هر بیر قدمده تازه غم باشون
ثبوت عشق ایدر معنا گوزومده دمبدم باشون
ایدن درک جلال ذوالجلالی باشوا یانّام
.
.
حسین معیار حکمتده ویروب چوخ امتحان باشون
ایدر مطلق باخا هر قلبه «دارای» بیان باشون
توجه قیلسا هر لحضه ویرر مین جسمه جان باشون
فضیلت مبدائی صاحب معالی باشوا یانّام
.
.
# #
#
#
.
✍️ # ✍️
.
🆔: @sarmashg_channel

  چاتماز هئچ عاشق صادق سنه عزتده حسین

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *