خانه / اشعار و مدایح / من زینبم بشیر و نذیره سُلالیم #کوفه #انور_اردبیلی

من زینبم بشیر و نذیره سُلالیم #کوفه #انور_اردبیلی

من زینبم بشیر و نذیره سُلالیم #کوفه #انور_اردبیلی

ورود و نطق آتشین حضرت زینب (س)
.
✍️ # ✍️
.
🆔: @sarmashg_channel
.
مرحوم انور اردبیلی
.
من زینبم بشیر و نذیره سُلالیم
گلزار دینده اورگی داغلی لالیم
.
روح الامین بوسه وروب آستانمه
دولتسرای حیدره بیر عضو عالیم
.
ای نون اناث و ذکوری ایدون حیا
سیزده حیاده اولماسا منکه حیالیم
.
دور کجاوه مه یغشوب باخمیون منه
آل علی فقیهه سی اسراره حالیم
.
من قهرمان عرصه عشق و حماسیم
حتی مقام عشقده صاحب رسالیم
.
صبر و ظفر اگر اولا بیر جسم متحد
من سینه سینده حتما او جسمین مدالیم
.
لکّه چنین ورا منه مُردار امیرلر
سرچشمۀ دیانتون آب زلالیم
.
منطقده رونوشتم آنام شیر داوره
ئوز اصلیمون صبیّۀ شیرین تعالیم
.
مرجانه اوغلی سندرا بیلمز وقاریمی
عزّت واریمدی وحی ایوینون ذوالجلالیم
.
الده ئولن ننم کیمی مظلومه حامیم
چون شیر پروریدۀ شیر حلالیم
.
آل امیه سکۀ مخدوش مثلدور
من درّ ناب کهنه ده گیسم بهالیم
.
گرچه سنوب قولوم قنادیم روحیم ئولمیوب
محکم سوزومله دولت ظلمون زوالیم
.
ظاهرده غملی دربدر أفتاده عورتم
آل پیمبرون ولی فخرالرّجالیم
.
فرمانروای ملک شهادتدی قارداشیم
گیتدی اوزی یرینده من السّاعه والیم
.
یاندیردوز آشیانمی انصافوز اولمادی
یانمش سرادقاتمون افسرده حالیم
.
عویانوزه لباس، آجوزا وئرمیشم غذا
ایندی دوتوپدی دور زمان دست خالیم
.
طوفان روزگاریله واردور کشاکشیم
اهل ولایم علت اودور که بلالیم
.
عمریم کچوب ملالیله وار اللی بش باشیم
بو اللی بش ایلین چوخونی من عزالیم
.
مندن گرکدی درس آلا پروانه یانماقی
اوددان یانقلیام قوری نی دن نوالیم
.
عمریم نقدری واردی شعاریمدی یا حسین
کُوکُو دیلیمده قُمری بی پرّ و بالیم
.
ناله ایدم شهیدیمه سعداوغلى قویمیوب
بیر امن یر اگر اولا مشتاق نالیم
.
کیمدور او غرفه دن بو کسوک باشه آتدی داش
بیلموردی من کجاوه ده محو جمالیم
.
قارداش باشین یارالادى باجی باخا باخا
قانلی باشین شریک غمی هم خصالیم
.
دوندی بدنده رلرویمون قانی آتشه
باشدان ایاقه شعله لی آتش مثالیم
.
باش یارمادان صورا یوخیدی چاره زینبه
تا جان واریم مراده مرید وفالیم
.
باش یاره سی علامت زیبادی عشقمه
توختار بو یاره لیک اورکدن یارالیم
.
من ناقه اوستیم اورگیم کربلاده دور
عریان حسینمون هله غرق خیالیم
.
روحیم قوشی او قانلی بیابانی سیرایدور
گیتسم بهشته من گنه ده کربلالیم
.
خون حسین فاطمه گیتمز فدک کیمی
واردور وکالتیم او قانا ادعالیم
.
جسمی فدک قباله سی تک پارچا پارچادی
ناحق یره آخان قانا محکم قبالیم
.
.
# #
#
#
#
.
✍️ # ✍️
.
🆔: @sarmashg_channel

  بو آی نه آیدی نسیم رحمت اسور دمادم منای غمدن

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *