خانه / اشعار و مدایح / سکینه نوعروسیلن، اومه پاره، بومه پاره #راه_شام #صراف_تبریزی

سکینه نوعروسیلن، اومه پاره، بومه پاره #راه_شام #صراف_تبریزی

سکینه نوعروسیلن، اومه پاره، بومه پاره #راه_شام #صراف_تبریزی

حالات جناب سکینه و فاطمه عروس در راه شام

.
✍️ # ✍️
.
🆔: @sarmashg_channel
.
مرحوم حاج رضا صراف تبریزی
.
سکینه نوعروسیلن، اومه پاره، بومه پاره
گئدر باشی آچیخ شامه او بیچاره، بو بیچاره
.
قویوب صحرایه یوز، باشسیز بو همسرسیز، او قارداشسیز
قالوب یوللاردا یولداش سیز او آواره بو آواره
.
بو درد هجریلن خسته، او بیر عریان دوه اوسته
خیال زلفیلن بسته، او بیر تاره بو بیر تاره!
.
بیری حسرت رخ آله، بیری نی تک ائدر ناله
ائدر شام اهلی بو حاله او نظّاره بو نظّاره
.
ایکی باجی زلیخاسان ایتیرمیش بیر مه کنعان
گئدر الده کلاف جان، او بازاره بو بازاره
.
جدا باشینده قارداشین گؤرن ساعت آچوب باشین
تؤکوب شوریله گؤز یاشین، او رخساره بو رخساره
.
او قارداشین سالوب یاده بو آغلار تازه داماده
قالوب حسرت بو دنیاده او دلداره بو دلداره
.
بیری ائلدن حجاب ایئلر، یوزه زلفین نقاب ائیلر
بیری باغرین کباب ائیلر، او اودلاره بو اودلاره
.
بیری دیلدن دوشوب ساکت، دوروبدور ساکت و صامت
اولوب بو سیرده ثابت او سیاره بو سیاره
.
او غمدن ناگزیر اولموش بلایه دستگیر اولموش
بو بیچاره اسیر اولموش او کفّاره بو کفّاره
.
او حسن اکبره مایل، بو بحر غمده پا درگل
وئریبدور اختیار دل او بیر یاره بو بیر یاره
.
او ائیلوب دردیلن الفت، اولوب محنتله هم صحبت
بو محنت کش قالوب حسرت او دیداره بو دیداره
.
دئیین صرّافه بو غمده، گل آغلا بزم ماتمده
مقیّد اولما عالمده او دیناره بو دیناره
.
.
# #
#
#

.
✍️ # ✍️
.
🆔: @sarmashg_channel

  سنه الله عجب لطف ایلیوب حرمت سلیمانی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *