خانه / اشعار و مدایح / ترک ایلدیلر کوفه نی اشرار جفاکار #دیر_راهب #یحیوی_اردبیلی

ترک ایلدیلر کوفه نی اشرار جفاکار #دیر_راهب #یحیوی_اردبیلی

ترک ایلدیلر کوفه نی اشرار جفاکار #دیر_راهب #یحیوی_اردبیلی

خدمتگزاری رهبان بر سر مطهر حسین
.
✍️ # ✍️
.
🆔: @sarmashg_channel
.
مرحوم یحیوی اردبیلی
.
ترک ایلدیلر کوفه نی اشرار جفاکار
نیده شهدا باشی آیا اولدوزا اوخشار
فوج اسرا ناقه ی ماتمده عزادار
زنجیر کئچوب گردن مجروح امامه
یول باشلادیلار گئتمگه ویرانه ی شامه
.
.
لاغر دوه لر قوه سی یوخ پشت گشاده
هر دم یورولوب گئتمگه ائتمزدی اراده
ایلردیله فوراً حرم اهلینی پیاده
تئز قمچی سینی زجر لعین بئلدن آچاردی
قورخوب بالا قیزلار تیکان اوستونده قاچاردی
.
.
سعد اوغلینا جاسوس گلوب ایلدی تلقین
جمع ائتمیش حسین شیعه لری لشکر سنگین
شبخون ووراجاقلار سیزه ای ظالم و بی دین
نصف شب ظلمت اله فرصت سالاجاقلار
رأس شهدانی اسرانی آلاجاقلار
.
.
قورخوب او لعین فکر ائلدى راه فراری
وادار ائلیوب سرعته افراد سواری
حیوانلاری گتدی دیله سیم قمچی فشاری
آتلار دوه لر تند قدم آتدی قباقدان
ردّیله پیاده قاچانی سالدی ایاقدان
.
.
بعضی یورولوب قالدى قشوندان دالا دوشدی
چوخلار دوه دن قالخدی هوایه یولا دوشدی
او حالدا رقیه گوره سن نه حالا دوشدی
زینب اونی قویمازدی کناره قوجاقیندان
گوردی او قیزی یئرده آخور قان ایاقیندان
.
.
گون باتدی جبال عربستان آراسیندا
بیر قلعه عیان اولدی بیابان آراسیندا
واردور او یئرون گنبد الوان آراسیندا
وئرمیش او یئره طنطنه ناقوس و مناره
ظلم اهلی پناهنده اولوبلار او حصاره
.
.
شمر آتدی الین حلقهی دروازه نی ووردی
آچدی قاپونی بیر قوجا راهب اونی گوردی
آغ سقلی تترردی چون انجیل اوخوردی
شمره دئدی دئ حاجتوی ایلیوم حاصل
عرض أئندی بو لشکر ائده جک دیرده منزل
.
.
قویدی قاشینون اوسته الین لشکره باخدی
سر نیزه ده بیر عده کسیلمیش سره باخدی
بیر دسته پر آشفته قرا معجره باخدى
کیمدور دئدی بو عورت اوشاق کیمدی بو باشلار
آیا نیه یوزلرده پراکنده دی ساچلار
.
.
شمر عابد رهبانه جواب ایلدی اظهار
بیر خارجی ملّتدی جدا اوسته کی باشلار
ائتمیشدیله چون آل یزید حقّینی انکار
قوم و حشمین محو ائلدوک کرب وبلاده
باشلاری گئدر شأمه اودور نوک جداده
.
.
راهب دئدی اولماز قشونون دیر مکانی
تحویل وئرون باشلاری فوج اسرانی
مندن اولاری سالم آلون صبح زمانی
شرطی بودی وئردیکلروزی من سایوب آلّام
صبحه کیمی بیدار اوزوم دیرده قالام
.
.
اوّل اسرا طایفه سین وئردیله تحویل
اوندان شهدا باشلارینا چکدیله مندیل
بیر جعبه ده شاهون باشینی ائتدیله تقفیل
صورت یازیلوب قبض رسید ائتدیله انشاء
رهبان او رسیدون ایاقین ایلدی امضاء
.
.
متنینده او قبضون بئله اولمیشدی کتابت
اسکوک اولا گر عده ی افراد امانت
جان نقدیدی رهبانون اونا وجه ضمانت
احسن سنه ای شیخ کلیسا قوجا رهبان
تضمین حسینده یازیلان جانوه قربان
.
.
اورتدی قاپونی جعبه نی اوز چگنینه آلدى
قویدی قدمین پله لره دیره اوجالدی
ناگه ائشیدوب بیر سس اونی حیرته سالدى
ای پیر اوزووی گور نه مقامه یتوروب سن
باخ چگنووه باخ عرش خدانی گوتوروب سن
.
.
یوز وئردی بو سسدن او نکو فطرته وحشت
گوردی دانیشان یوخ نقدر ایلدی دقت
سالدی اوزینی معبده با غایت سرعت
دیرون دالسیندا واردی خرداجا پستو
بیر گوشه سینه جعبه نی قویدی او وفاجو
.
.
محراب کلیساده گلوب ائتدی اقامت
اولدی گئجه نون عالمی مشغول عبادت
ناگاه او قصری بورودی نور هدایت
قوزاندی ائوین سقفی ایشیقلاندی کلیسا
گوگدن یئره اندی باش آچوخ حضرت عیسا
.
.
بیر تخت رواندا اوتوروب حضرت خاتم
اطرافینی آلموشلا رسولان معظّم
نوح و ذکریا و خلیل الله و آدم
صندوق آچیلوب اولدی حسین باشی نمودار
باسدی او باشی سینه سینه سیّد مختار
.
.
بیر بیر او باشی آلدی رسولان گرامی
چون کعبه طواف ایلدیلر رأس امامی
آغلاشدیلا ترک ائتدیله ناگاه او مقامی
گلدی گینه بیر طایفه نسوان پریشان
حوران بهشتی اولارا مرثیه گویان
.
.
بیر بانوی مرضیه شه دینون آناسی
زهرا دئیلور آدینه وار قاره لباسی
آغلوب یورولوب چیخماز اونون صوت و نواسی
عورتلر او خاتون سسینه سس وئروب آغلار
خنجر یاراسین هرکس او باشدا گوروب آغلار
.
.
غیب اولدی خواتین سماواتی همانحال
بو عالمی سیر ایلدی رهبان خوش اقبال
اوز گردنینه باغلادی بیر طاقه قرا شال
دوشدی یوزی اوسته او باشا ساری سوروندی
آغ سقّلی تورپاقیله آلوده گوروندی
.
.
ای باش سنون احوالون اوزوم گورمیشم ایندی
اجلال و مقام و نسبون بیلمیشم ایندی
امّیدیله پیرم قاپووا گلمیشم ایندی
وئرّم قسم اول گوردوگوم اسرار کبیره
وئر قول شفاعت کرم ایله من پیره
.
.
او قانلو دوداقلار آچیلوب ایلدی گفتار
اسلامی قبول ایله سن اول داخل اخیار
یازدیرّام آدون دفتره زوّار و عزادار
بو حالدا که دیوان جزایه گئدرم من
دفترده آدون اولسا شفاعت ائدرم من
.
.
راهب گینوب جامه ی اسلامیله خلعت
عرض ایلدی قربانیوم ای کان کرامت
امر ایله قوجا نوکرون ائتسون سنه خدمت
بیر خدمت با ارزشه ایله منی وادار
تاریخ نصاراده قالا مندن او آثار
.
.
حضرت ائلدی راهبه أوز لطفینی شامل
ایندی که اولوبسان منیچون خدمته قایل
گئت صحنده قویما وئر اوشاقلاریمه منزل
مدّتدی اولار اوستی آچوخ یئرده یاتوبلار
ایستی سویوق آلتدا توزا تورپاقه باتوبلار
.
.
تعجیلیله راهب أوزینی دیره یتوردی
بیر حجره سرادن ال آتوب قفل گوتوردی
اطفال حسینی اورا حرمتله گتوردی
جاروب محاسبله اتاقون توزین آلدی
سجاده ی دیری اولارون آلتینا سالدى
.
.
عرض ایلدی ای برج حقیقتده کواکب
اولسوز بو گئجه هر نئجه راحتلوقا طالب
امر ایلیون حاضر ائلسون بو قوجا راهب
بو خدمتون اجراسینه مامور امامم
فخریمدی در آلّ محمدده غلامم
.
.
سجاد بلاکش دئدی اول پاک روانه
مدتدی گزوب چوللری گلدوک بو مکانه
هئچ بیر گئجه بیز گورممشوک شمع شبانه
گر ممکن اولا گئت بورا بیر شمع گتورسن
اولسون بو گئجه منزلیمیز شمعیله روشن
.
.
یتمیش نفر اوردا واریدی پیرو عیسا
شاگرد کشیشی دیله خُدّام کلیسا
راهب ائلدی اونلارا گوردوکلرین افشا
اولدی هاموسی مذهب اسلامه مشرف
خدمت نظریله دایانوب باغلادیلار صف
.
.
یتمیش نفر الده هره بیر نقره ای شمعدان
اوستونده تلألؤ ائلیور شمع فروزان
هم کوزه ی کاشیده سرین شربت الوان
دوشمیش باش آچوخ پاپ وفاپیشه قباقه
تحفه آپارور شربتیله شمع قوناقه
.
.
گوردی اسرا غفلتاً اول شمع و چراغی
دوشدی یادا یثربده بنی هاشم اتاقی
هر ائوده نچه شمع یاناردی گئجه چاقی
دیسگیندی خانم قیزلار عجب حاله دوشوبلر
اوز ائولرینه فرض ائلدیلر یتیشوبلر
.
.
عمه یوخودور بیز گوروروک یا علنی دور
بو یئر بو گئجه مظهر شهر مدنی دور
یا که حرم هاشمیانون وطنی دور
شمعیله چراغیله فروزاندور عمارت
اوز ائولریمیز تک دوزولوب کوزه ی شربت
.
.
افسوس بو شربت وار علی اکبریمیز یوخ
بو بزمده نه قاسم و نه اصغریمیز یوخ
بیر بزم که عباس وفا پروریمیز یوخ
نوش ائتمگه تنها بیزه لازم دگی شربت
اما ائدروک روشنی شمعه قناعت
.
.
ای خون خدا، جذبون آلیب کل جهانی
جوشه گتیریب چشمه ی ذوق اُدبانی
الهامون ائدیب شُهره بو تاج الشّعرانی
من زاده یحیایم، آدیم نوکر عباس
الفاظیم او علتدن اولوب گوهر و الماس
.
.
# #
#
#
#
.
✍️ # ✍️
.
🆔: @sarmashg_channel

  ای جوان وقتینده توپراقه گیدن

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *