خانه / اشعار و مدایح / زینب اولا لحنوین فداسی قرآنی تلاوت ایله قارداش #کوفه #فیروز_جوانشیر

زینب اولا لحنوین فداسی قرآنی تلاوت ایله قارداش #کوفه #فیروز_جوانشیر

زینب اولا لحنوین فداسی قرآنی تلاوت ایله قارداش #کوفه #فیروز_جوانشیر


.
.
✍️ # ✍️
🆔: @sarmashg_channel
.
مرحوم فیروز جوانشیر
.
زینب اولا لحنوین فداسی
قرآنی تلاوت ایله قارداش
قرآنیله دین و عترتوندن
بو یرده حمایت ایله قارداش
.
.
اوچ گوندی که دور چرخ مندن
سن تک بیر عزیز جانی آلدی
بو آیریلقون منی برادر
درد و غم بی شماره سالدى
دوران خوش وصال گئتدی
ایام غم فراق قالدى
بیر لحظه محبّتونله دلدن
رفع غم و محنت ایله قارداش
.
.
سنسیز ائله دویموشام جهاندان
ای زینبه لطف زندگانی
سنسیز بو جهان گر اولسا جنّت
نیلور باجون ایله بیر جنانی
سنلندی اورکلرین صفاسی
ای فاطمه نین عزیز جانی
لطفوندی نه چون صفای خاطر
لطفیله عنایت ایله قارداش
.
.
عشقوندی منی چکوب گتوردی
بو شهر و دیاره ناقه اوسته
گزدیردی منی باشون دالینجا
عریان دوه اوسته دلشکسته
درده گلوری بو قانلی گویلوم
قانلی گوزوی گورنده بسته
آچ گوزلریوی او گوزلریله
بو حاله نظارت ایله قارداش
.
.
احساس ایلدون جدا باشندا
دل جامی دولوب غم و ملاله
علت اودى باشلادون جدادن
آیات خدای ذوالجلاله
جان تاپدی باجون سسون گلنده
ای جدینه بیر گوزل سلاله
تا غبطه ائده زبور و داود
قرآنی تلاوت ایله قارداش
.
.
ذرّیۀ ختم الانبیانی
یاندیردیلار آتش فراقه
بو ده نی کیمین جمالون
گون باتمادا سالدیلار محاقه
باخ حرمته – گوشۀ تنوری
یر وئردیله سن کیمی قوناقه
اوز باشوه گلدیقی قضادن
گل نطقه حکایت ایله قارداش
.
.
نه لطف و صفا اوُموم یارالی
بو اهل ریا و کینه جودن
قرآن اوخیان جدا باشیندا
باشه داش آتولا چار سودن
سالسین سنی نطقدن او داشلار
قویسون منی تا که گفتگودن
امّا سن ادامه وئر کلامه
تبلیغ رسالت ایله قارداش
.
.
بیرگون من عزیزیدیم بو
اهلی منه افتخار ائدردی
هر تک تکی دلدہ کی وفاسین
بیر نوعیله آشکار ائدردی
اظهار ارادت ائیلینلر
بو زینبی شرمسار ائدردی
ایمدی ولی عکسینی او حالین
بو شهریده رؤیت ایله قارداش
.
.
بو قلبیمی قان ائدوبدی هر کیم
من تک اورگی ملاله دولسون
لبخند گولی دوداقلاریندا
پژمرده اولوب ئولونجه سولسون
گلزاریمی پرپر ائیلین ال
تا روز جزا گوروم شل اولسون
بو ایسته دیقمدا حقلیم گر
حقیمده شهادت ایله قارداش
.
.
عالم بولور ای عزیز زینب
بو لیلر نه بی حیادی
با اینکه بولور بو بی حیالر
بو قافله آل مصطفادی
هی زخم زبان وئرولا قارداش
باخمولا غمیله دل یارادی
بو یاره لی دللرین دواسی
لطفوندی طبابت ایله قارداش
.
.
ایکاش گوروم بو شهر
ویرانه قالوب خراب اولیدی
زینب اورگین کباب ائدنلر
نار غمیله کباب اولیدی
انصاف دگیلدی شه جمالی
قانیله بوگون خضاب اولیدی
کیم بیله جسارت ایلیوبدی
زهرایه شکایت ایله قارداش
.
.
تک سن بیزه گوز تیکوبسن امّا
قارداش سنه چوخلی گوز تیکن وار
بیر من دگولم یانان بو غمده
چوخ من کیمی حسرتون چکن وار
هجرونده رباب باوفا تک
گوزدن یوزه اشکینی توکن وار
یالقیز بو عیالوه جدادن
بیر لحظه نظارت ایله قارداش
.
.
باشون منه تازه بیر جفایِ
اشراریدن ایلوری حکایت
احساس ایلدیم که نقص دور بو
عهدیمده قالا باشیم سلامت
یاردیم باشیمی شراکتیمده
تا اینکه تاپام سنه شباهت
باخ باشیمه ای شریک دردیم
تصدیق شباهت ایله قارداش
.
.
ارشاد ایلدون عنایتیله
سن خادمی بو زبانحاله
سندن اولونوب اونا توجه
تا گلدی بو نوعیله مقاله
وار سندن امیدی مِهر عُمری
ایستور یته اوندا کی زواله
هم اوردا عنایت ایله بیرده
محشرده شفاعت ایله قارداش
.
.
# #
#
#
.
✍️ # ✍️
🆔: @sarmashg_channel

  ای دل چوخ ایتمه ناله غم روزگاریدن

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *