خانه / اشعار و مدایح / حسین عجب منه بر پا قیامت ایلموسن #کوفه #حسنی_تبریزی

حسین عجب منه بر پا قیامت ایلموسن #کوفه #حسنی_تبریزی

حسین عجب منه بر پا قیامت ایلموسن #کوفه #حسنی_تبریزی

ورود
.
✍️ # ✍️
.
🆔: @sarmashg_channel
.
حاج حسین حسنی تبریزی
.
حسین عجب منه بر پا قیامت ایلموسن
جدا باشیندا یارالی اقامت ایلموسن
.
.
منیم ایشقلی آیم بس هایاندا باتمومشدون
کیچن گجه باجوی سن گوزوندن آتموشدون
منی گوزوندن آتوب کوللر اوسته یاتموشدون
عجب کیچن گجه نی استراحت ایلموسن
.
.
یوزونده کولدن علامت قالور گیچن گیجه دن
سنی خیاله باجون چوخ سا لور گیچن گیجه دن
بو ده آنا عطرین آلور گیچن گیجه دن
یقین آنامی گیجه سن زیارت ایلموسن
.
.
سزادی وئرسم اجازه بو قانلی گوز یاشینا
منیم کیمی باجی حسرت قالوبدی قارداشینا
او نیزه دن باشوی اگ قویوم اورک باشینا
گر اولسا ممکن حسین چوخ کرامت ایلموسن
.
.
اگر چه خولیه سن اولموسان حسین مهمان
منیمده منزلیم اولدی کیچن گیجه زندان
ولی سنون غمون آرتوخدی من سنه قربان
کولیله صبحه کیمی انس و الفت ایلموسن
.
.
جمالوی بوریوب کول هلاله بنذرسن
مگر بولار تانمور زادۀ پیمبر سن
اوزون شاه اوغلوسان عالملرایچره سرورسن
گیدوب کول اوسته ولاکن اقامت ایلموسن
.
.
وروب جدا باشینا باشوی بو قوم شرور
ایدوبدی لمحۀ نورون جدانی نخلۀ طور
دوتوبدی حضرت موسی کیمی وجودیمی شور
بو طور عشقه منی سن هدایت ایلموسن
.
.
عبث دگول شرر درد و غمله اودلانورام
وار عمده علتی قلبمدن اود دوتوب یانورام
شماتت ایلین عورتلرین چوخون تانورام
بوحال زاریمه هیچ سن نظارت ایلموسن
.
.
بلای حاله یانوم یا جلال ما سبقه
اوجالسون آتش آهیم شراری نه طبقه
ویرور بیر عده سى آل پیمبره صدقه
دیَن تاپلموری آرتوخ جسارت ایلموسن
.
.
بو بس دگول آلوب اطرافی صف به صف اعدا
الینده قمچی ائدور آل عصمته ایذا
وئرور بیری بالا قزلاره نانیله خرما
بیری دیور که عجب قصد غربت ایلموسن
.
.
کسوک باشون که تلاوت ایدر کلام الله
قالور بومعجزه حیرتده هر دل اگاه
عجبدی اولموری نادم بو فرقۀ گمراه
گوره گوره بیله کشف کرامت ایلموسن
.
.
باشون شبیهیدی شمعه گزر یانا یانه
درشوب دالونجا قنادسیز بیر عده پروانه
گللَّه رشتۀ عشقون آپارسا هر یانه
دوشوب قباقه غریبه دلالت ایلموسن
.
.
آتوبدی دامنیوه صدقیله الین «حسنی»
غلاملر کیمی مولا بولر اوزینه سنی
توجه ائت منه خاخرشفیع گتوردی منی
ویروب دوا هامی درده طبابت ایلموسن
.
.
# #
#
#

  پس از سه روز علی راحت از جراحت شد

.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *