خانه / اشعار و مدایح / نعش حسینی تاپدی چون علیا مکرّمه #کوچ_کربلا #سعدی_زمان

نعش حسینی تاپدی چون علیا مکرّمه #کوچ_کربلا #سعدی_زمان

نعش حسینی تاپدی چون علیا مکرّمه #کوچ_کربلا #سعدی_زمان

زبانحال علیا مکرمه عقیلهالعرب در قتلگاه
.
✍️ # ✍️
.
🆔: @sarmashg_channel
.
# … ۴ سبک
.
مرحوم سعدی زمان
.

نعش حسینی تاپدی چون علیا مکرّمه
درد دل آچدی عالمۀ بی معلّمه
.

شاه بیت :
.
دور ای هدایتین گونی دوشوب خسوفه زینبون
سالوب محاقه آی کیمی سپاه کوفه زینبون
.
.
بولود تقاطرین شبیه ایدوبدی آغلیان گوزه
آلوبلا معجرین سالوب بو قانلی ساچلارین یوزه
عزیزه حرم حسین، چتین بو ذلته دوزه
نه بیر نه یوز نه مین یتوب غمی الوفه زینبون
.
.
سپهر غمده طالعین باخور باجون نگون گورور
بو گل بدنده اوخ یرین نجومدن فزون گورور
قلجلاریله پیکرون اولوبدی لاله گون گورور
یارالی قلبدن یانور دگن سیوفه زینبون
.
.
بهار عمریوون یتوب خزانی ای قتیل حق
کتاب تک یازیلموسان داغیلموسان ورق ورق
باخان دئر سپوپدیلر یر اوسته گلدی بیر طبق
چوخ آغلادور خزان اولان گل و شکوفه زینبون
.
.
بو قدر نیزه و قلج سپاه کین ندن ووروب
نشان ویرور بو حالتون که یاره هر گلن ووروب
بولوب ثواب قتلوی گلن ویروب گیدن ووروب
نجه شکایت ایتمسون حق روفه زینبون
.
.
کلام ناطقه یازوب حروف نیزه و خدنگ
مقطعات جدولین چکوبدی تیغ سرخ رنگ
خدنگ نقطه چوخ قویوب صحیفه نی قیلوبدی تنگ
اوخور فِداکَ اُختُکَ باخور حروفه زینبون
.
.
خدنگ طعن و محنته ایدوبله قلبیمی هدف
باشیم آغاردی قیلمیوم نجه بو حاله من اسف
النده قمچی دوره می بو قوم آلوبدی صف به صف
باخاندا خجلت اوز ویرور همین صفوفه زینبون
.
.
سویوبلا رختون اشقیا یتوبدی چوخ محن سنه
سویولموشام خجالتم تاپانمورام کفن سنه
وجوبدور گرک قازام بو چولده قبر من سنه
نه چاره یوخدی فرصتی حسین وقوفه زینبون
.
.
یانان چادردا یانمیشام بو گجه صبح اولونجا من
کسوک باشیله کوفه ده سن استراحت ایتموسن
گون عارضونده کول ایدوب کسوف علامتی علن
خسوف ایدر باخان زمان همان کسوفه زینبون
.
.
یارالارون ویرنده قان فزون اولور گوگل غمی
نه واردی خشگ بند ایدن یارالارون نه مرهمی
قتیل العبره سن بولور باجون بو سر مدغمی
اودور ایدر سرشگیله جروحی روفه زینبون
.
.
او زینبم که پرده سیز گورنمزیدی گون منی
و لیکن ایمدی دستگیر ایدوب بو فرقه دنی
اسیر عشق دور باجون زبسکه چوخ سور سنی
سنون محبتون بئله سالوب طفوفه زینبون
.
.
تجردوندن اولما چوخ «حسینی» زار و تنگدل
تاپانموسان بیر اهل دل کناره خلقدن چکل
آت اوزگه نی دوت اول کسی که لطف ایدوبدی بئله دل
دور ای هدایتین گونی دوشوب خسوفه زینبون

  یئتیریبدی خلقتین عالمی شرفه جلالته یا علی #حیدریه #علیرضا_عباسی

.
# #
#
# ص ۱۶۶
#
.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *