خانه / اشعار و مدایح / شمر بو گون کربلایه الده بیر عنوان گتوردی #فرات #شهاب_تبریزی

شمر بو گون کربلایه الده بیر عنوان گتوردی #فرات #شهاب_تبریزی

شمر بو گون کربلایه الده بیر عنوان گتوردی #فرات #شهاب_تبریزی

بسته شدن راه

.
✍️ # ✍️
.
🆔: @sarmashg_channel
.
# … ۴ سبک
.
مرحوم شهاب تبریزی
.
شمر بو گون کربلایه الده بیر عنوان گتوردی
باغلیا راه ی کوفه دن فرمان گتوردی
.
.
تا گلوب اول بی مروت وارد اولدی کربلایه
باغلادی سو یوللارینی اهلبیت مصطفایه
چیخدی بو گوندن صدای العطش اوج سمایه
بو مصیبت اهل بیته درد بی پایان گتوردی
.
.
فاطمه مهریه سیندن اولدی چون محروم عیالی
گون به گون سولدی سوسوزدان باغ پیغمبر نهالی
گوردی میراب مصیبت چون بو حال پر ملالی
رحم ایدوب باغ وفایه سو یرینه قان گتوردی
.
.
ای خدا آب ی کاش اولیدی قان او گونده
سو دیوب آل پیمبر قالدیلار نالان او گونده
قویمادی لب تشنه قالسون اصغر عطشان او گونده
بیر گوارا سو او طفله بیر سولی پیکان گتوردی
.
.
ائتدیلر بیر نوعیلن تنگ عرصه نی سلطان دینه
اوج قیلدی آه و ناله خیمه دن عرش برینه
باشینه یغدی او گونده خردا قیزلاری سکینه
خیمۀ عباسه بیر جرعه سویا مهمان گتوردی
.
.
باخدی عرض ائتدی عمو جان سندن ئوزگه یوخ گمانیم
شدت سوز عطشدن قالمیوب تاب و توانیم
اود دوتوب یاندی آلیشدی قلب زاریم جسم و جانیم
جانیمه بو گون سوسوزلوق آتش سوزان گتوردی
.
.
ایلیوب سقا سنی چون بیزلره سلطان بطحا
نه روا یانسون سوسوزلوق آتشیله آل طاها
نه روا کسسون ین یوللارین بو قوم اعدا
بو قوری سو مشگین عنوان الده بو نالان گتوردی
.
.
بیر کسه یوخدور امیدیم ای امید آل حیدر
الده سو جامی دولاندیم خیمه و خرگاهی یکسر
تاپمادیم بیر شربه سوی من یاندیم اولدوم چوخ مکدّر
بیر سنه آخر گمان بو خانه سی ویران گتوردی
.
.
.
نه روا آبی ین ای عمو هر یانه آخسون
تشنه لوق اطفالی امّا یاندیروب بو نوعی یاخسون
بوش سو جامینه اوشاقلار آغلاسون حسرتله باخسون
تشنه لیق اطفاله یکسر دیدۂ گریان گتوردی
.
.
هر قدر آخر « شهابا » الده واردی وقت و فرصت
نوحه یاز بو اهل بیته صدق اوزیله ایله خدمت
آغلا ، یان بزم عزاده قوی سنه روز قیامت
حضرت زهرا بویورسون خدمت شایان گتوردی
.
.
#
#
.
✍️ # ✍️
.
🆔: @sarmashg_channel

  آسمانلار طَبق طبق زینب

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *