خانه / اشعار و مدایح / سیراب ایدوب اوخ اصغر عطشانی زینب #اصغریه #سعدی_زمان

سیراب ایدوب اوخ اصغر عطشانی زینب #اصغریه #سعدی_زمان

سیراب ایدوب اوخ اصغر عطشانی زینب #اصغریه #سعدی_زمان

زبانحال امام (ع) به حضرت زینب (س) در شهادت حضرت علی اصغر (ع)
.
✍️ # ✍️
.
🆔: @sarmashg_channel
.
# … ۱۰ سبک
.
مرحوم حسینی سعدی زمان
.
سیراب ایدوب اوخ اصغر عطشانی زینب
گل آل الیمدن بو قوزی قربانی زینب
.
حالی منی بیر نحویله یاندیردی یاخدی
آغلاتدی حالیم لشگر اعدانی زینب
.
.
ایّوبیده یوخ منده کی صبر و توانا
آگهدی صبریمدن فقط خلاق دانا
قانی فضاده ثبت ایدوب بیر خط خوانا
رسوا ایده اولاد بوسفیانی زینب
.
.
بو پایه ده ظلمی گورن یوخدور جهاندا
قول قوّه لی اوخ زهرلی قدرت کماندا
تاریخلر بوندان صورا نهضت یازاندا
آدیم اولار سرلوحه لر عنوانی زینب
.
.
دشمن بالامی ایلدی تیره نشانه
دوزدوم دایانادیم بو جفای بیکرانه
یِتسون بو مظلومیتیم گوش جهانه
بولسون هامی خطّ حق و بطلانی زینب
.
.
تاریخلرده ثبت اولوب چوخ قتل و غارت
اما گورونموب بیله بیر خونین جنایت
گوستردی بو لشگر بو گون ایله شقاوت
حیرتده قویدی عالم امکانی زینب
.
.
بس که مقدّسدور هدف خوشدور بو غملر
قصدیم بودور ترویج اولا شرع پیمبر
دینی دیریتماقلیقدا نه اکبر نه اصغر
دین اوسته قربان ایلرم بو جانی زینب
.
.
قانلی شفق دوتدی یوزون بو ماهتابین
دوندردی شامه گوندوزون بیکس ربابین
تاریک شب ، خونین شفق بو انتسابین
گورسن سالارسان صورته معنانی زینب
.
.
بو رسمدور اوخلانسا بیر آهو بالاسی
بیر عمر چوللرده ملر آغلار آناسی
قویسا آناسین گر مَلَر بو اوخ یاراسی
یاندورسا آهی وار یری دنیانی زینب
.
.
واردور ربابین حقّی گر سوز و گدازی
دوتسا عراقین دشتینی، مُلک حجازی
بیر نحویله اوخ بیچدی بو نازک بوغازی
قانیله دولدی قارداشون دامانی زینب
.
.
دونموشدی قانه گوز یاشیم اکبر غمینده
داغلاندی قلبیم لاله تک اصغر غمینده
بیر باغبانم بو گُلِ پرپر غمینده
جاری اولور رخساره قلبیم قانی زینب
.
.
اوچ شعبه لی اوخ قلبیمی یاندیردی یاخدی
دگجاق بوغازیندن بالام اولدوز تک آخدی
آچدی گوزون گولدی منه حسرتله باخدی
پیکانی فرض ائتدی آنا پستانی زینب
.
.
چوخ آغلامیشدی چون عطش سالمیشدی سسدن
اوخ دایه سی لای لای دئدی سالدی نفسدن
پرواز ائدوبدور طایر روحی قفسدن
ترک ایلیوب بو عالم سُفلانی زینب
.
.
ای کربلا شاهی « حسینی » لر پناهی
واردور « حسینی » نون اگر چه چوخ گناهی
گورمز قیامتده یقین قهر الهی
سالماز نظردن بو گوزی گریانی زینب
.
.
# #
#
# ص ۱۹۱
.
✍️ # ✍️
.
🆔: @sarmashg_channel

  ای که چشمان تو گریان شد

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *