خانه / اشعار و مدایح / دوغروچی دوز دیرلیقا قاموس و دفتردور علی #حیدریه #هادی_تبریزی

دوغروچی دوز دیرلیقا قاموس و دفتردور علی #حیدریه #هادی_تبریزی

دوغروچی دوز دیرلیقا قاموس و دفتردور علی #حیدریه #هادی_تبریزی

مدح امیرالمومنین حضرت علی (علیه السلام)
.
✍️ # ✍️
.
🆔: @sarmashg_channel
.
مرحوم غلامرضا اسماعیل پوران (هادی تبریزی)
.
دوغروچی دوز دیرلیقا قاموس و دفتردور علی
هر اکینچی ایشچی یه دنیاده رهبردور علی
.
.
آندیران زحمتکشین دنیایه اجر و زحمتین
بولدورن انسانلارا انسانلیقین کیفیتین
اولین محکوم ایدن سرمایه دارین قدرتین
باعث احقاق حق خلق مضطردور علی
.
.
یوخسولون دردین بولن، وارسیزلارین دردین قانان
وارلیلاردان یوخسولون حقین حقیقتله آلان
خلقلرده ثروتی بیر حد تعدیله سالان
عامل اجرای امر حی داوردور علی
.
.
حامی بیچاره و درمانده و مستضعفین
حامی مستضعفین و دشمن مستکبرین
خلق ایدن بیرلیق برابرلیق مساوات آفرین
قسط و عدلین روحینه تندیس و پیکردور علی
.
.
ثروتی انسانلارا انصافیله تقسیم ایدن
اقتصاد عادلانه عالمه تعلیم ایدن
خلقین استعمار و استثمارینی تحریم ایدن
دوز باخیلسا اصل قرآنه برابردور علی
.
.
هر مسلمان نفسینه بولسه علینی پیشوا
هر مسلمان ایله سه شیر خدایه اقتدا
مرتضائیله گرک گیتسون گیدیشده پا به پا
طول راهه جلوه مهر منوردور علی
.
.
ای مسلمانلار گرک دینی دوغوردان آنلاماق
آنلیوب بولماق دوشونماق، دینی محکم ساخلاماق
آنلاماز، دین سیز مسلمانی آییلدوب دانلاماق
آنلاماز، بولمز نجه قیمتلی گوهر دور علی
.
.
وارلیلار واجبدی بولسون یوخسولون احوالینی
دینی قارداشین سیلوب سیلسون سرشک و آلینی
یوخسولا وارلی گرک انفاق ایده اوز مالینی
چهره انفاقیده معنا مصوردور علی
.
.
حقیله پیمان ایدن تضعیف میثاق ایلمز
ثروتین کسبنده حق یولدا اطراق ایلمز
دوز مسلمان ترک ایثاریله انفاق ایلمز
اهل ایثاره مراد و پیر و رهبردور علی
.
.
حجه عازم اصل اسلامی گوزوندن آتماسون
دین و ایمانین مطاع نفس دونه ساتماسون
حج اودور که قونشوسوندا بیر نفر آج یاتماسون
چاره ساز خلق محروم و مکدردور علی
.
.
دوز مسلمانلیق مرامیندا تاپولماز احتکار
دوز مسلمان ایلمز اوز دینینی بی اعتبار
احتکارین عاملی اسلامیدندور بیر کنار
محتکر حدین ادا ایتماقه سنگردور علی
.
.
مسلمین بیع و شراسینده گرک انصاف اولا
دوز مسلمان ایسته مز انسانلارا اجحاف اولا
دسترنج مسلمینی قویمیون اتلاف اولا
حفظ ثروتهای اسلامه مفسردور علی
.
.
ای مسلمانلار گلون هم رأی و هم پیمان اولاخ
ای مسلمانلار گلون اسلامه پشتیبان اولاخ
ای مسلمانلار گلون اجراگر قرآن اولاخ
کشتۀ قرآن شهید عدل پروردور علی
.
.
ای مسلمانلار گلون قرآنی تذلیل ائتمیاق
ای مسلمانلار گلون اسلامی تعطیل ائتمیاق
خواهش نفسی اصول حقه تحمیل ائتمیاق
ساز بدعت ساز ایدندن دل پر آذردور علی
.
.
سنده «هادی» مرتضادن اورگش انسان اولماقی
اورگش انسان اولماقوندا دوز مسلمان اولماقی
ایسته حق قلبوندن آلسین بو پریشان اولماقی
دوز مسلمانه یقیناً یار و یاوردور علی

  گل حسین دوت شامیده شام غریبان زینبه

.
.
# #
#
#
.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *