خانه / اشعار و مدایح / باجی بو چولده جانانلا ازلدن بیر قراریم وار #ورود_کربلا #صافی_تبریزی

باجی بو چولده جانانلا ازلدن بیر قراریم وار #ورود_کربلا #صافی_تبریزی

باجی بو چولده جانانلا ازلدن بیر قراریم وار #ورود_کربلا #صافی_تبریزی

ورود اهل بیت به کربلا
خطاب امام حسین (ع) به خواهرش
.
✍️ # ✍️
.
🆔: @sarmashg_channel
.
# ( بیش از ۸سبک … # # # و …. )
.
مرحوم صافی تبریزی
.
باجی بو چولده جانانلا ازلدن بیر قراریم وار
وارام من ئوز قراریمله نقدری اختیاریم وار
.
.
نه بیر من بو قراره وئرموشم دل گچمیشم جاندان
گچوب یتمیش ایکی جان ، باش و جانیندن بو پیماندان
مگر بو تن بو جان بو سینه بو سر غیر جاناندان
یتوبدور بو حسینه یا ئوزومدن ئوزگه واریم وار
.
.
دایانماز باش وئررو بر عرصه ده هر باشدا شور اولسا
آلار فیضین ، وجودینده اگر بیر ذره نور اولسا
او کس که قابلیّتله شرفیاب حضور اولسا
گورر حق آختارانلار کیم نجه زیبا نگاریم وار
.
.
باجی چون کربلادور هر بلاسی عاشقه خوشدور
بلا جامیله سر خوش جان و دل خوش دیده سر خوشدور
بو یولدا جان وئروب دلخوش گیدنلر یرلری بوشدور
گوریدی کیم نجه جان وئرماقیمدا افتخاریم وار
.
.
گرک عشّاقه بیربیر بو مکاندا امتحان وئرماق
گورونمز مهربان معشوق آدین ورد زبان وئرماق
عجب عالمدی ائلدن ال چکوب غربتده جان وئرماق
مگر جانان دیارینه گیدن سویلر دیاریم وار
.
.
ئوزی عباس او عالمده بو پیمان اوسته قول قویدی
نه قول قویدى وئره سر قول ایکی قول صاق و صول قویدى
بو گون جان وئرمگی ازّل کی گون عشّاقه یول قویدى
یانیمدا بیر ایله جان و دلیله جانسپاریم وار
.
.
علی اکبر نه نوعی آلماسون آرام لیلانی
وئروب آرامینی الدن قبول ایلوب بو پیمانی
حسینه ایله سون قانیله گلشن قانلو صحرانی
خزاندان قورتارا دنیانی بیر تازه بهاریم وار
.
.
سکینم تک گرک ، اصغر عطشدن دلکباب اولسون
محبت عالمینده سَمّ پیکان شهد ناب اولسون
دایانماز بیله ظلمه بیر آنا الّا رباب اولسون
دیسون شکر ایلرم یا رب منیم ده جان نثاریم وار
.
.
بولورسن سن ئوزون دشمن منی بو چولده یالقیزلار
قالوب باش سیز باشوندا قرخا دین السیز آیاقسیز وار
آلوللار دور و اطرافون حرم لر باجیلار قیزلار
بیری آغلار بیری سویلر نه صبر و نه قراریم وار
.
.
هامی بلبل وئرر جان باجی بوردا بیر گل اوستونده
رضا اولمام کسیک باشیم قویولسا سنبل اوستونده
خوشام خولی آپارسون کوفه ده قویسون کول اوستونده
نه چون اوردا آنام زهرا کیمی بیر غمگساریم وار
.
.
منیم بو دشتده باش وئرماقیم عین مرامیمدور
هامی دنیاده تحصیل ائتدوقوم حاصل بو گامیمدور
یزیدین مجلسیندن چوخ خوشام آخر مقامیمدور
فنار و خیزرانلا اوردا بیر خوش روزگاریم وار
.
.
صفای خاطر «صافی» وئروب بیر جلوه اشعاره
مداد و دفتری گویا گتورموش نطق و گفتاره
دگول غم اولمادی ممکن او جان وئرماق بو حُضّاره
بو جمعیله منیمده بزم غمده آه و زاریم وار
.
.
#
#
.
✍️ # ✍️
.
🆔: @sarmashg_channel

  زهرانین ایدر قلبینی قان بو غم و حسرت

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *