خانه / اشعار و مدایح / ای یار جمالون ندن عشاقه نهاندور؟ #مهدیه #بیدق_داری

ای یار جمالون ندن عشاقه نهاندور؟ #مهدیه #بیدق_داری

ای یار جمالون ندن عشاقه نهاندور؟ #مهدیه #بیدق_داری

یا مهدی
.
.
✍️ # ✍️
.
🆔: @sarmashg_channel
.
حاج داود بیدق داری
.
ای یار جمالون ندن عشاقه نهاندور؟
آغلار گوزیلن منتظرون اهل جهاندور
ایله نظر ایرانه اؤرکلر دولی قاندور
مدّتدی که بیر عدّه نین احوالی یاماندور
یا مهدی موعود یتیش داده اماندور
.
.
توفان بلا ایچره آقا نوحه مثل سن
سن جلوۀ ی نورانیِ خورشیدِ ازلسن
فریادگرِ حیّ عَلی خَیرِالعَمَل سن
شیعه سنه محتاجیدی چوخ غملی زماندور
یا مهدی موعود یتیش داده اماندور
.
.
ای علمی مُبَرهَن هامی عالملره اعلم
ای عشقی اولان قلبیده هرعشقه مقدم
لطف ایله ئوزون بو یارالی دللره مرهم
چوخلار بیلوسن که صاباحیندان نگراندور
یا مهدی موعود یتیش داده اماندور
.
.
یوزده هامی زاهددی عمل یوخدی خفاده
بیت المالی بیت الحال ائدوبدور آقازاده
قاضی پول آلیر هدیه آدیندا یته داده
هدیه سایلور رشوه که معناسی عیاندور
یامهدی موعود یتیش داده اماندور
.
.
بیر عدّه اروپایه گیدیر عیشیده قالسین
بیر عدّه سوور فرش طلا قصرینه سالسین
بیر عدّه ساتیر کلیه سینی تا چؤرک آلسین
آل وئردی بو یا درده سالان آه و فغاندور
یا مهدی موعود یتیش داده اماندور
.
.
از بسکه دغل وار قالوب اعساریده دوزلر
ئوز گوردیگینی باور ائدنمور داخی گوزلر
تشخیصی چتیندور دوز اولا اولمیا سوزلر
خادم دئیولور خائنه که اصلی یالاندور
یا مهدی موعود یتیش داده اماندور
.
.
اعماله ریا قاتدیلا زحمت هدر اولدی
بازاره ربا یایدیلا سوز بی اثر اولدی
یوخسول یورولوبدی گونی گوندن بتر اولدی
کم کم ایتیریب بیلمدی که قبله هایاندور
یا مهدی موعود یتیش داده اماندور
.
.
ویلاسی یوخیدی ولی مولائیدی حیدر
فرق ایلمه دی حیدره ئوزگِیله برادر
دیناره ساتور دینی بیزیم پینه جبین لر
جُمعه نامازیندا چوخی اَوَّلده دوراندور
یا مهدی موعود یتیش داده اماندور
.
.
#
#
#
.
✍️ # ✍️
.
🆔: @sarmashg_channel

  ای تراب تیره نورِ دیده طاهادی بو

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *