خانه / اشعار و مدایح / غارته ال آچدی لشگر داده گل اماندی قارداش #غارت_خیام #صافی_تبریزی

غارته ال آچدی لشگر داده گل اماندی قارداش #غارت_خیام #صافی_تبریزی

غارته ال آچدی لشگر داده گل اماندی قارداش #غارت_خیام #صافی_تبریزی

#
.
✍️ # ✍️
.
🆔: @sarmashg_channel
.
# … ۵ سبک
مشابه

.
مرحوم صافی تبریزی
.
غارته ال آچدی لشگر
داده گل اماندی قارداش
اودلانوب خیام یکسر
ظلم اودیله یاندی قارداش
.
.
قتلگهده یوخسا قارداش گون کیمی یتوب زوالون
شمر گلدی حکم ویردی گیتدی غارته جلالون
قورخودان چیخوب حرمدن دوشوب چولّلره عیالون
داده یئت گر ئولمیوبسن خیمه لرتالاندی قارداش
.
.
نه بو قوم کینه پرور جو ر و ظلمدن دویولّار
نه حریم مصطفایه حرمت حرم قویولّار
هر بلا کشه یتولّر هم ورولاّ هم سویولّار
ناله و فغان و شیون گویلره دایاندی قارداش
.
.
رنگرنگ مُحنتیله آز زماندا من بویاندیم
کعبه وفا خلیلین گوردوم آتش ایچره یاندیم
باخمادیم اونی او اوتدان خارج ایلدیم دایاندیم
هر قضایه صبر قیلدیم بولدیم امتحاندی قارداش
.
.
بیر اشاره تونله دائم بو ستم رسیده باجون
هر غمه دوزر ئولونجه زار و غم کشیده باجون
منتظردی پیک مرگه خوشدی بو امیده باجون
اشگ چشما نتظاری سیل تک رواندی قارداش
.
.
لشگر ستم روادور وار نه زَیب و جاه آپارسون
بی پناه عیالون آخر بس کیمه پناه آپارسون
بیر امان یره بو جمعون یوخدی دادخواه آپارسون
بو نه دوره دور نه دوران بو نیجه زماندی قارداش
.
.
بوینونا وَبال قتلون یوخسا بیر ستمگر آلموش
اَلبِشاره اَلبِشاره اهل شامدن اوجالموش
گون یوزینه بو خبردن پرده سیاه سالموش
عرش و فرشه لرزه دوشموش مُنقلب جهاندی قارداش
.
.
من او خسته عندلیبم یوخدی بیر خبر گُلومدن
صحبت گل و گلستان دوشمز ئولمه سم دیلیمدن
دلشکسته و غریبم چون چیخوب ائلیم الیمدن
بی سبب دگل که شغلوم ناله و فغاندی قارداش
.
.
صورتاً ایله پوزولدی شوکت و جلال زینب
وار یری اگر جهانی دولدورا ملال زینب
سنسیز اولموش آستینی پرده جمال زینب
سرو قدّی بارِ غمدن غصّه دن کماندی قارداش
.
.
آت دوشونده گه یتیمه قیزلاری پوزوب قُوُولاّر
دیزلرینده طاقت اولمور گه قاچولّا گه دورولاّر
الّلرینه تازیانه گه یِتَن کیمی ورولاّر
شور حشر اولوبدی برپا رستخیز عیاندی قارداش
.
.
دورِ خیمه گاهی دوتموش بسکه رحمسیز قبایل
بیر رَهِ گریز تاپمور دختران مه شمایل
گر یازیلسا بو مسائل عالمی دوتار رسائل
هر سوزوم کتاب غمدن مختصر بیاندی قارداش
.
.
شامه دین بو جورو ظلمون واردی امتدادی بولّم
نه فرح گوروب نه دلدن یرده جان ویرونجه گولّم
آغلارام صباح و شامی من بو نیسگیل اوسته ئولّم
ظلم الیله خیمه گاهون غارت اولدی یاندی قارداش
.
.
.
#
#
.
.
✍️ # ✍️
.
🆔: @sarmashg_channel

  به دیوار قفس بشکسته ام بال و پر خود را

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *