خانه / اشعار و مدایح / وفا ایتدیم او عهده او پیمانه الهی #اصغریه #تائب_تبریزی

وفا ایتدیم او عهده او پیمانه الهی #اصغریه #تائب_تبریزی

وفا ایتدیم او عهده او پیمانه الهی #اصغریه #تائب_تبریزی

زبانحال امام (ع) در شهادت حضرت علی اصغر (ع)
.
✍️ # ✍️
.
🆔: @sarmashg_channel
.
#
مشابه


.
مرحوم تائب تبریزی
.
وفا ایتدیم او عهده او پیمانه الهی
الیم اوسته بویاندی بالام قانه الهی
.
.
قالوردی چمنیمده بو بیر غنچۀ شاداب
سوسوزلوق ایلمیشدی بو گل غنچه نی بی تاب
بیر اوچ شعبه لی پیکان ایدوب قانیله سیراب
بویاندوردی الیمده قزل قانه الهی
.
.
بوغازدان یارالاندی دوداقی دوداقیمدا
گل تر کیمی سولدی بو غنچم بوداقیمدا
آخوب بوینی بالامون یاتوبدور قوجاقیمدا
بو صحرانی دولانّام یانا یانه الهی
.
.
یتر صاحبینه غم خزان اولسا گلستان
چتیندور اولا امّا الینده گلی خندان
بو گل غنچۀ خندان ایدوب باغریمی القان
آخور اشک ملالیم بو دامانه الهی
.
.
بو بیر غنچه قالوردی گلستان و گلیمدن
بودا سولدی الیمده قرار آلدی دلیمدن
تاپیلمور آلا بیر کس بو قنداقی الیمدن
بو نسگل سالوری اود دل و جانه الهی
.
.
بو بیر غنچه دی ساندان گلستانه گیچوبدور
بو بیر غنچه دی حلقین جفا تیری بیچوبدور
بو بیر غنچه دی عطشان سو تک قانین ایچوبدور
ویروب قانی بزک بو بیابانه الهی
.
.
باخوب حلقینه گاهی شرار غمه یانّام
گهی صاق صولا نالان بو میدانی دولانّام
گزوب واله و حیران دوروب گاه دایانّام
گوزومدن سپرم سو بو میدانه الهی
.
.
گیوب پیرهن سرخ بو گل غنچۀ خندان
بو بوینوندا آغ اُنّوک اولوب قانیله الوان
ویروب خلعت الوان بونا عزّت شایان
اولوب لایق درگه بو دردانه الهی
.
.
چمنلرده الهی بیله غنچه گل اولماز
بونون عطری کیمی بیر چمن عطریله دولماز
سولار غنچه گل تر، بالام تک ولی سولماز
بیله قانی سپیلمز گلستانه الهی
.
.
دگوب اوخ بوغازیندان قانی سو کیمی آخدی
گوزین دیسگینوب آچدی، بالام بیر منه باخدی
قاچوب لبلری گولدی، گوزل گوزلری آخدی
فدا ایلدی جانین بو جانانه الهی
.
.
کسوب خیمه قباقین یولون گوزلر آناسی
نه حالیله گوره تا گلور نازلی بالاسی
ولی بولموری واردی بوغازیندا یاراسی
ایچیردوبله سو تک قان بو عطشانه الهی
.
.
او احواله باخاندا آخار اشک گوزیمدن
بو عالم ایلیوبدور خجالت اوز اوزیمدن
گیدم بیرده خیامه منیم گلمور اوزیمدن
بالاسین نجه ویرّم او نالانه الهی
.
.
اولوب کاظم خادم همین بو سوزه بانی
یازوب بو سوزی تائب آخوب اشک روانی
نصیب ایله مزار شه کرب و بلانی
همی سوز یازانا هم نواخوانه الهی
.
.
#_شهادت
#
#
.
.
✍️ # ✍️
.
🆔: @sarmashg_channel

  الهی ، به شکرانه بندگی #مناجات #امانی_اردبیلی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *