خانه / اشعار و مدایح / دویمادیم گول دهنیم لعل شکر زادن علی #اصغریه #ساعد_زنجانی

دویمادیم گول دهنیم لعل شکر زادن علی #اصغریه #ساعد_زنجانی

دویمادیم گول دهنیم لعل شکر زادن علی #اصغریه #ساعد_زنجانی

زبانحال حضرت رباب (س) در شهادت حضرت علی اصغر (س)
.
✍️ # ✍️
.
🆔: @sarmashg_channel
.
مرتضی اسکندری (ساعد)زنجانی
.
دویمادیم گول دهنیم لعل شکر زادن علی
یوخ صودوم ایتمه فغان گیچ بو تمنادن علی
.
.
قادر آلله سنی دردانه طاها یارادیب
آدیوی دفتر حریته املا یارادیب
آلتی آیلیقدا سنه رتبه ی اعلی یارادیب
افتخار ایله گیلن گوهر رایج سن اوغول
قاپوا چوخدی گلن باب الحوایج سن اوغول
.
.
آغلاما غملی قناریم بالا یاندیرما منی
گلمه افغانه علی بسدی اوتاندیرما منی
پنجه وورما دوشومه قانه بویاندیرما منی
آلماسون کام گوروم حرمله دنیادن علی
بیر ایچیم سو سنه قحط اولدی بو دریادن علی
.
.
تازه کوینک سنه گیدیردیم اوتاندیرمیالار
زلفیوی شانه له دیم قلبیمی یاندیرمیلار
سو اگر ویرمه دیلر حلقیوه اوخ وورمیلار
نازنینیم آنوا ناز ایلمه گل سینمه
سود گلیب دوشلریمه ، ام منی دینجل سینمه
.
.
دشمنیم دیل یاراسی وورماقا دورموش کشیگه
واجب اولدی منه دای ،چیخمیام ایودن اشیگه
اوز خیالیمده سالام طفل خیالی بشیگه
ترپدوب بوش بشیگون گاهی دیم لایلای علی
گه گلوب اوز حالیما سویلویم اوغلوم وای علی
.
.
من گرک مجمره جانیمه آتش قالیام
زلفیمی قانیوه ووردوم نه یووام نه داریام
یوخ دوزوم سنسیز علی دشمن ایچینده یاریام
اوپرم اوخ یریوی اوپدوگیجن اوخ دیرم
نجه جان استه سون اوغلوم سنه من یوخ دیرم
.
.
یاندیرور قلبیمی بو اوت یاراوی باغلامادیم
اوتوروب نعشیوون اوستونده اوغول آغلامادیم
آلدیلار بوش بشیگون ، یادگاری ساخلامادیم
عالمون گردشی گور چکدی منی هاردان هارا
سوا گیتمشدی بالام گلدی بوغازینده یارا
.
.
#
#
#
.
.
✍️ # ✍️
.
🆔: @sarmashg_channel

  بو گجه حسینون قیزی عالمه _قویوب قدم #حضرت_رقیه #بهلول_حبیبی_زنجانی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *