خانه / اشعار و مدایح / عروق عشقیمه تزریق خون ایدر عشقون #رضویه #شمس_شاب_تبریزی

عروق عشقیمه تزریق خون ایدر عشقون #رضویه #شمس_شاب_تبریزی

عروق عشقیمه تزریق خون ایدر عشقون #رضویه #شمس_شاب_تبریزی

در مدح حضرت امام رضا (ع)
.
✍️ # ✍️
.
🆔: @sarmashg_channel
.
سامان فردکانی
.
عروق عشقیمه تزریق خون ایدر عشقون
صغیر مکتبى بس ذوالفنون ایدر عشقون
.
مکارم علوى سنده جمع اولوب الحق
ثبوت صاد صمد سندن اولدى مستنطق
.
سنیله غبطه گه جنت اولدى خطۀ طوس
صراط فلسفۀ عشقه اولموسان فانوس
.
قواى خمسه شهادت ویرور امامتیوه
نزول ایدور ملکوت عنصرى زیارتیوه
.
نه کعبه ؛طوف ضریحون ایدر منى حاجى
فلک الى السّمک اولموش بو باب محتاجى
.
الهۀ بشرّیت سن اى الاهه ضلیل
دوروبدى دست به سینه قاپوندا عزرائیل
.
دوشوبدى باشیمه تقصیر توبه میدن ایدم
الون اؤپوب مى آلوب مست اولوب خیاله گیدم
.
بو مى نه میدى که ذرّاتى پخش نور ایلور
بو باده دن قمر برج حق ظهور ایلور
.
بو مى نه میدى که مستیندن هیچ خبر اولماز
یقین بو جام ولایتدى بى شرر اولماز
.
بو مى نه میدى که کوثردن اخذ کام ایلدى
ایچنلرین ایکى دنیا غمون تمام ایلدى
.
بو مى نه میدى که هر ذره سى بقا یازیلوب
صحیفۀ قطراتوندا یارضا یازیلوب
.
غریبه میدى بو مى ایچدیم هرچه باداباد
منى خراب ایلدون ساقیا ایوین آباد
.
الینده اؤپملى اولسامدا بیر قدح آلارام
خمار باخما منه هولیدن میى جالارام
.
سن اى سقى اللهه تالى سقى اللهون اوغلى
سن اى ازل مهه همتا ازل مهون اوغلى
.
سن اى ترحّم و رأفتده اول و آخر
سن اى ولایتى مخلوقه باطن و ظاهر
.
سن اى عذارى وران طعنه ماه وخورشیده
سن اى تحوّل مطلق رکوده توحیده
.
سن اى ایدن باخشى آهن سیاهى طلا
سن اى خزینۀ مخفى حبیب ذات خدا
.
سن اى خمیده قاشون اهل عالمه محراب
سن اى نماز وصال نگار خلد جناب
.
سن اى فراخور عرفان شرقه مهر منیر
سن اى مثلّث نفسه حدود ضلع کبیر
.
سن اى ترنم باران سراب انسانه
سن اى نهایت ذوق و صفا گلستانه
.
سن اى عصارۀ دیوان مکتب تقوا
سن اى قصیدۀ پرمحتواى ذات خدا
.
جمال ماهیوى ستر وجاهتون اؤرتر
سنون قدملریوه جبرئیل یوز سورتر
.
سن اى بو قدرتیله ذات حقّه بنده اولان
مقام قرعۀ توحید ده برنده اولان
.
نه مى نه مطرب وساقى من ایچمه میش مستم
سواد زلفیوه ایللردى ساقیا بستم
.
سن اى حسینه جگر قانینى روان ایلین
سن اى سرشکیله مین خضرى جاودان ایلین
.
صریر کلکیم اویالدور بشیر قافله مى
که بلکه کرببلادن آزالدا فاصله مى
.
حسینه آغلاماقین اجرى بى نهایتدور
حسینه آغلیانون مقصدى زیارتدور
.
الیم یتیشسه اگر چوخ شکایتیم واردى
سوال عشقیمه قصد اجابتیم واردى
.
بو نوعى عرض ایدرم بینوانى یوخلالار
مگر شها صود امر بیر بالانى یوخلالار
.
بو «فردکانی» شباب عهدینى آتوب باشدان
گسسته دور بو جهاندا خیالى گوز قاشدان
.
حقیقى عاشق اولان قلبیده سوزون ساخلار
بو قدر دلبر آرا یارینه گوزون ساخلار
.
.
#
#
#
.
✍️ # ✍️
.
🆔: @sarmashg_channel

  امشب این دلم زائر مکه ومدینه است

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *