خانه / اشعار و مدایح / ساقیا دور ایاقه اولدی بهار #حسینیه #پیامبراسلام #حسنیه #دلریش

ساقیا دور ایاقه اولدی بهار #حسینیه #پیامبراسلام #حسنیه #دلریش

ساقیا دور ایاقه اولدی بهار #حسینیه #پیامبراسلام #حسنیه #دلریش

خبر
عیدی خواستن حسنین (ع) از پیامبر (ص)
# به # و #قتلگاه
.
✍️ #زبدهالاشعار ✍️
.
🆔: @sarmashg_channel
.
مرحوم دلریش
.
ساقیا دور ایاقه اولدی بهار
گتو بو بزمه باده گلنار
.
بئله موسمده ایلمه غفلت
اله دوشمز بو نوعیلن فرصت
.
نئچه مدت دور ای ملک سیما
بزمیده یوخدی ساغر مینا
.
قالمیوب داخی منده صبر و شکیب
اولموشام من چو عندلیب غریب
.
دوتوب آئینه دلی زنگار
منی سن بو مآلیدن قورتار
اولما راضی اولوم بو نوع خموش
می گتور ایلیوم بو بزمیده نوش
.
طوطی طبع چون آچوب گفتار
بیر حدیث ایلیوم بو دم اظهار
.
گوش ائدون بو حدیثه پیر و جوان
ای محبان سرور مردان
.
نقل ائدر راوی با هزار یقین
عید اضحائیدی بیر ایل حسنین
.
گلدیلر اول ایکی در یکتا
خدمت مصطفایه یا جدا
.
عیددور جمله بچگان عرب
گییونوبلر لباس ائدرله طرب
.
یوخدی بیزده لباس تازه شها
قیل اوزون لطفیله بو درده دوا
.
متفکر اولوب رسول مبین
اول زمان گلدی جبرئیل امین
.
خدمت مصطفایه پیک خدا
قویدی بیر بوقچه ز بعد ثنا
.
عرض ائدوب ای رسول جن و بشر
حسنینه وئروب بونی داور
.
آچدی اول بوقچه نی رسول مجید
ایکی دست گوردی واردی رخت سفید
.
هر بیرینه بیرین ائدوب انعام
أو لباسون رسول عالی مقام
.
حسنین عرض ائدوب او شاهه او دم
ای اولان کل خلقیدن اکرم
.
پسران عرب شه دوران
ایلیوب جمله رختینی الوان
.
نه روادور بو گونده یا جدا
که بیزیم رختی میز سفید اولا
.
ایستیروق بیزده جامه الوان
ساکت اولدی رسول عالمیان
.
عرض ائدوب جبرئیل یا مولا
اولا جانیم سنون رونده فدا
.
وئر گتورسونله ای رسول جهان
بیرجه ابریق طشتیله بو زمان
.
طشت و ابریقی ائتدیلر موجود
دئدی اول دمده پیک حی ودود
.
من توکوم سو سن اول لباسی بو دم
یو الونده ایا شه عالم
.
هانسی رنگی که ائتسه لر خواهش
جابجا اولسون ایلمه تشویش
.
مجتبا رختینی چون آلدى اله
شوق اوزیله گلوب او شاه دیله
.
نور دیده م نه رنگ ایستیرسن
عرض ائدوب شوریلن امام حسن
.
ایسترم سبز، سبز اولوب جامه
یاندی بو بیته دفتر و خامه
.
دئدی اوندان حسینه شاه عرب
ماسوایه اولان وجودی سبب
.
سن نه رنگ ایستیسن چک اظهاره
گلدی اول شه بو نوع گفتاره
.
ایستیرم منده سرخ یا جدا
سرخ اولوب رخت لیک واویلا
.
باخدى بو حاله جبرئیل امین
گوز یاشین ائتدی جاری اولدی غمین
.
جبرئیله دئدی رسول خدا
ندی سری فغان اندرسن اخا
.
دیدی ای سرور زمین و زمن
بوندان اوتری من ایلرم شیون
.
اوندا کیم اولماسان سن ای مولا
مجتبایه وئرورله زهر جفا
.
زهر ائدر چون او شاهی پاره جگر
لب لعلی اولور اونون اخضر
.
یادیمه دوشدی چون منیم او زمان
او سببدن من ایلرم افغان
.
بو حسینون سنون گروه پلید
کربلاده ائدرله تشنه شهید
.
اولو ظلمیله قانینه غلطان
خاک و خون ایچره تشنه لب وئری جان
.
او سببدن من ایلدیم ناله
یاندی قلبیم او وقته کی حاله
.
عرض ائدوبلر دوباره چون حسنین
هانی پس ناقه میز شه کونین
.
پسران عرب شه ابرار
چون اولوبلا بو گونده ناقه سوار
.
ائشیدوب بو جوابی فخر امم
ائتدی فرمایش اونلارا اول دم
.
من سیزه ناقه، اولمیون غمگین
اولاری آلدی چگنینه شه دین
.
دئدیلر شور اوزیله با دل زار
اولارون ناقه سینده وار افسار
.
ریش پاکین ائدوب او وقته دوتا
وئردی افسار أونلارا مولا
.
دئدیلر ای سوارۀ رفرف
اولارون ناقه سی دیر العف(و)
.
ائشیدوب چون بونی رسول الله
خاتم الانبیا حبیب الله
.
گوتوروب بیر قدم او کان شرف
عرض ائدوب شوقیله خدا العف(و)
.
ایستدی بیرده سید ابرار
دئسین العفو با هزار وقار
.
ایلدی جبرئیل او دمده نزول
عرض ائدوب ای اولان خدایه رسول
.
بویورور خالق زمین و سما
بیرده العفو سویله سن مولا
.
بخش قیلام نقدر وار کافر
بول بونی ای رسول جن و بشر
.
ای ویران شاه کربلادن لاف
فکر قیل بیر زمان سن ائت انصاف
.
اولمادی راضی چون رسول مبین
بو حسین بیر زمان اولا غمگین
.
هاردا قالمیشدی بس او فخر انام
کربلاده گروه کوفه و شام
.
ایلدیلر حسینی تشنه شهید
وئرمدیلر اونا سو قوم پلید
.
یاخدى قاندان اله حنا داماد
نوعروس حجله سی اولوب برباد
.
بیر باخون اهل کوفه کینه سینه
چکمه لی چیخدی شمر سینه سینه
.
سویدیلار جمله رختینی عدوان
قالدی اوچ گون جنازه سی عریان
.
قوری یر اوسته قالدی گل بدنی
آفتاب اولدی اول شهین کفنی
.
ائتدیلر خیمه گاهینی غارت
ظلمیله کوفیان بد فطرت
.
قول قولا باغلادیا قوم شریر
ائتدیلر آل مصطفی نی اسیر
.
اولدی مجنون او دشتیده لیلا
دوشدی صحرایه با هزار نوا
.
اولدی آل علی چو ناقه سوار
گئتدیلر شام شومه زار و نزار
.
چکدیلر شامیده نه ذلت لر
اولارا ائتدیلر شماتت لر
.
یتمز اتمامه درد و محنت شام
حشر اولونجا یازیلسا صبحیله شام
.
ای خدای قدیم و لم یزلی
به حق عزت و جلال على
.
درد حضاره جمله ایله دوا
به حق خون سیدالشهدا
.
هر قدر واردی مادح حیدر
عفو قیل سن به حق پیغمبر
.
سیّما «دلریشی» خدای جلیل
قویما محشر گونینده خوار و ذلیل
.
متن مرحوم # در این موضوع را در هشتک زیر مطالعه بفرمایید
#
.
#پیامبراسلام # #حسینیه # # # #عید #غدیریه #
#
#دلریش
#
.
✍️ #زبدهالاشعار ✍️
.
🆔: @sarmashg_channel

  مکاشفه پدر آیت‌الله مرعشی نجفی درباره #حضرت_معصومه (س)

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *