خانه / اشعار و مدایح / ائدیب چین چین سیه زلفون منی دیوانه ای دلبر #مهدیه #فانی_تبریزی

ائدیب چین چین سیه زلفون منی دیوانه ای دلبر #مهدیه #فانی_تبریزی

ائدیب چین چین سیه زلفون منی دیوانه ای دلبر #مهدیه #فانی_تبریزی

ای دلبر …
.
✍️ # ✍️
.
🆔: @sarmashg_channel
.
فانی تبریزی
.
ائدیب چین چین سیه زلفون منی دیوانه ای دلبر
گتور زلف پریشانه وریم من شانه ای دلبر
.
نگاه نرگس مستون هامی اهل خراباتی
سالوب صحرایه مجنون تک ائدیب دیوانه ای دلبر
.
شراب لعل شیرینون، ائدیب سرمست عشّاقی
اوزون ساقی، گؤزون ساغر، لبون پیمانه ای دلبر
.
یوزون لاله، گؤزون قاره، لبون غنچه، عرق ژاله
اوزون گلسن، خطون سنبل، خالون پروانه ای دلبر
.
ز بس فکر و خیال ائتدیم جمالونده خط و خاله
منی آشفته افکاریم گتوردی جانه ای دلبر
.
ملامت ائتمه گر دوشدوم کمنده خالوی گورجاق
سوسوز، آج قوش، دوشر دامه، گوره گر دانه ای دلبر
.
گئچوب هر عالم عارف سنون کوی وصالونده
کنشت و دیر و مسجددن بو گون رندانه ای دلبر
.
ائدیبدور آیریلیق داغی غم و محنت گرفتاری
خیال وعدۀ وصلون اولوب افسانه ای دلبر
.
اولوب شان شان سینیق گویلوم سنون درد فراقونده
بسان لعل میگونون دؤنوبدور قانه ای دلبر
.
گؤزوم قان یاش توکر جانا سنون هجرنده رود آسا
هاچان وصلون اولار ممکن من نالانه ای دلبر
.
ائویم ویرانه دور سن سیز صفاسی یوخدی، لطفیله
قدم قویسان بو ویرانه اولار کاشانه ای دلبر
.
بساط عشقی تا قوردوم یقین بولدوم کی عالمده
دونوب هر آشنا منله اولار بیگانه ای دلبر
.
قدم قویسان بو اقلیمه عزیزیم «فانی» مسکین
فدا ایلر سرو جانین سن جانانه ای دلبر
.
خصوصاً انجمن اهلی که مشتاقان «عابد»دور
ائدللر جانلارین قوربان سنه شکرانه ای دلبر
.
.
#
#
.
✍️ # ✍️
.
🆔: @sarmashg_channel

  سندین شقاوتیندن زنداندا باغریقانم

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *