خانه / اشعار و مدایح / الف اول ثنای خالق بی مثل و بی همتا #حیدریه #دلریش

الف اول ثنای خالق بی مثل و بی همتا #حیدریه #دلریش

الف اول ثنای خالق بی مثل و بی همتا #حیدریه #دلریش

قصیده در مدح امام المتقین و یعسوب الدین حضرت امیرالمؤمنین
.
✍️ زبده الاشعار ✍️
.
🆔: @sarmashg_channel
.
مرحوم
.
الف اول ثنای خالق بی مثل و بی همتا
علیم و عالم و حی و قدیم و صانع اشیاء
.
بصیر و سامع و قائم مقیم و مدرک و موجود
رفیع و رافع و کافی وحید و واحد و یکتا
.
تعالى الله تعالى الله أودور حنّان اودور منّان
اودور شافع اودور نافع اودور واسع اودور اعلا
.
ثبوت ایلوبدی لطفین گوندروب مخلوقینه رهبر
وجود مصطفانی، اولمامیش بیر ذی حیات احیا
.
جمیع ماسو اللهه بو شه دور علت غائی
طفیلی دور بو مولایه بلی دنیا و مافیها
.
حبیب خالق عالم دی محبوب هامی آدم
سبب بو شاهدور آدم قویوب تاج علم الأسماء
.
خدیو کشور ایماندور هم معنی قرآن
کنوز علم ربانی اودور یاسین اودور طاها
.
دلیل و هادی و رهبردی بعد از مصطفی حیدر
امیرالمؤمنین یعسوب دین هم والى والا
.
ذلیل اولماز دوتا هر کیم علینون دامنین بی شک
محب شاه مرداندور عزیز دنیی و عقبی
.
روادور باش و جان وئرسون محبون یا ولی الله
ائدنده ذکر اوصافون سنون هر عاقل و دانا
.
زمین و آسمان اهلى اولا کاتب یازا وصفون
او دریای فضایلدن یازیلماز قطره ای اصلا
.
سنون فیض وجودوندن تاپوب رونق بو نه افلاک
سنون مهرون سنون قهرون مه بیضا شب یلدا
.
شفیع المذنبین سن سن امام المتقین سن سن
شه دنیا و دین سن سن وصى مصطفى حقا
.
صراط المستقیم قائم مقام شرع پیغمبر
جلال حق جمال حق رموز لفظ کرّمنا
.
ضیاء مهر رویوندن منوّر اولدی بو عالم
سبب سن سن گلوب ایجاده مطلق آدم و حوا
.
طلوع صبح صادق تک چخاتدون دینی ظلمتدن
چخاندا مکه ده کتف رسول اللهه یا مولا
.
ظهور ذات پاکون مقصد و مقصود کاف و نون
گلوب سندن ظهوره سرّ سبحان الذی اسرا
.
علوم انبیا و اولیا بیر قطره دور گویا
سنون دریای علموندن چه در صورت چه در معنا
.
غیاث المستغیثین چون سنی کهف الأمان ایلوب
غلامی قنبر و سلمانین اولماز قیصر و دارا
.
فضای عشقیده گورسیدی مجنون مهر رخسارون
ئولونجه ایلمزدی حاش لله صحبت لیلا
.
قد موزونیوی نسبت وئریم سروه خطادور بو
بو قامتدن علامتدور بهشت و نخلۀ طوبا
.
کلام الله عین الله سرالله سن سؤز یوخ
لسان الله اذن الله سیف الله سن حقا
.
لوای حمده حامل سن بهشت و دوزخه قاسم
جزاده نار و دوزخدن محبون ایلمز پروا
.
مبارک آدیوی آدیندن ایلوب حق سنون مشتق
اودور سندن یتر هر ذی حیاته نعمت عظما
.
نئجه وصف ایلیوم هر شاهی کیم وصف ایلیوب خالق
آلوب میثاق ازل گون ایلیوب مخلوقینه القا
.
همیشه ورد و ذکرون ایله اوصاف علی ای دل
گر ایسترسن لسان طوطی طبعون اولا گویا
.
وجود فائض الجود شه مردانیله رونق
تاپوب دین رسول حق اولوب بو نوع جا بر جا
.
یقین اولمازدی عالمده رسالت امری مستحکم
رسالت امرینی شاه ولایت ایلدی برپا
.
تمام انبیایه ایلیوب امداد معناده
جناب مصطفایه آشکارا ایلیوب اما
.
بو مولادور ائدن آسوده نوحی غرق طوفاندان
بو مولادور اولان باعث نجات آدم و حوا
.
بو مولادور وئرن دم حضرت عیسایه هر دمده
بو مولادور سبب، ایلردی عیسی مرده نی احیا
.
بو مولادور تجلا ایلین سیناده موسایه
بو مولانون گوروب نورین یخیلدى محو اولوب موسا
.
بو مولانون کلیم الله ئوپوب دست یداللهین
بو مولانون جلالیندن تاپوب موسی ید بیضا
.
بو مولا یونسه مونس اولوبدور بطن ماهیده
بو مولا قوم فرعونی ائدوب مستغرق دریا
.
بو مولا نار نمرودی خلیله گلستان ائتدی
بو مولا شیعه سین اوددان خلاص ایلر خلیل آسا
.
بو مولادور یتوردی یوسفی یعقوبه عالمده
اولوب آسوده یتدی چشم نابیناسینه بینا
.
عجب مشگل گشادور بو، بئله مشگل گشا اولماز
یتر امدادینه هرکس چاغیرسا مؤمن و ترسا
.
گوزیم اشکیله دولدی تیترر الده خامه بو سؤزدن
که دوشدی یادیمه ماه محرم روز عاشورا
.
او گون بس هاردا قالمیشدی شه مشگل گشا بولمم
حسین تشنه لب قالدی او چولده یکه و تنها
.
باخوب هر یانه اول سرور تاپیلموب بیر نفر یاور
دوروب اما مقابلده مبارز نئچه مین اعدا
.
دیدی ای قوم بی ایمان عجب گتدوز منی مهمان
قویار مهمانی کیم عطشان بو نوعی سویلسون آیا
.
همین نهر فراتی کیم بیزی منع ایلیسوز اوندان
اوزوز انصاف ائدون آیا دگیل مهریه زهرا
.
تماما یار و انصاریم بو چولده تشنه جان وئردی
سولوب گل تک عطشدن خیمه لرده عترت طاها
.
قالوبدر و یار و یاور دن منه بیر بو علی اصغر
بونی سیراب ائدون شرم ایلیون ای قوم بی پروا
.
کلام الله ناطق نطقه گلجک بو کلامیلن
او دمده حرمله سالدی جهانه شورش و غوغا
.
قویوب بیر اوخ کمانه آیریلوب لشگردن اول کافر
چیخوب شصتیندن اوخ اما نه نوعی چیخدی واویلا
.
حسینون قامتین اگدی دئدی اوخ دگجک اصغر دن
گرک پیکانیله سیراب اولا بو طفل مه سیما
.
دلیمده یوخدی یارا بو غمی شرح و بیان ایلوم
منى قان آغلادور دوشدوکجه یاده بو غم عظما
.
خداوندا به حق عقل کل ختم رسل سردفتر عالم
به حق این عم مصطفی هم زهرۀ زهرا
.
به حق مجتبا نور هدا اول سرور مسموم
به حق خامس آل عبا هم زینب کبرا
.
نقدری واردی مداح و محب چارده معصوم
باغیشلا جرمیتی یارب ذالجود والنّعما
.
گناهی چوخدی «ون» دوتویدور لطفیوه امید
اونی بخش ایله مولایه خداوندا خداوندا
.
# #
#
#
.
✍️ زبده الاشعار ✍️
.
🆔: @sarmashg_channel

  ای سیده ی نسوان یا فاطمه الزهرا

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *