خانه / اشعار و مدایح / درگهونده گدایم رضاجان #رضویه #آذرین_خلخال

درگهونده گدایم رضاجان #رضویه #آذرین_خلخال

درگهونده گدایم رضاجان #رضویه #آذرین_خلخال

مدح حضرت امام رضا علیه السلام
.
✍️ زبده الاشعار ✍️
.
🆔: @sarmashg_channel
.
# … # … # …#
.
ودود آذرین خلخال
.
درگهونده گدایم رضاجان
سائلم بی نوایم رضاجان
سن هامی خلقه ایتدون کرامت
منده بیر آشنایم رضاجان
.
ای رضا ای رضا ای رضاجان
روحیوه شیعه لر جانی قربان
.
.
.
.
ای پناه دل بی پناهان
ای ولی نعمت ملک ایران
دعوت ایله گلیم پای بوسه
بلکه دردیم تاپا اوردا درمان
.
ای رضا ای رضا …
.
.
.
.
باخ بیزه ای خراسان امیری
فضلوون یوخدی والله نظیری
بیرسنه تیکمیشم گوزرضاجان
اولموشام منده عشقون اسیری
.
ای رضا ای رضا …
.
.
.
.
سن گل گلشن مصطفاسن
هشتمین کوکب اولیاسن
سنله معنا تاپوپدی کرامت
چاره مردم بی نواسن
.
ای رضا ای رضا …
.
.
.
.
قویما بوقلبی یارسین جهالت
ایتمه بو غم اسیرین خجالت
حالیمه رحمتون شامل ایله
سنکی آهونی ایتدون ضمانت
.
ای رضا ای رضا …
.
.
.
.
میزبانسان آقا خوب و زشته
هجروه دیل اولوب رشته رشته
ویرمرم آند اولا ذوالجلاله
صحنووی صحن باغ بهشته
.
ای رضا ای رضا …
.
.
.
.
ای دوتان عرش وفرشی صفاسی
مشهدین وار بهشتی هواسی
دعوت ایله گلیم پای بوسه
سنده دی هامی دردین دواسی
.
ای رضا ای رضا …
.
.
.
.
سینمی درد و محنت آلوبدی
نوکرون اوزگه حاله قالوبدی
صورتین ایسلادوب گوزیاشیلان
یاده باب الجوادی سالوبدی
.
ای رضا ای رضا …
.
.
.
.
دعوت ایله منی پای بوسه
تا گله (آذرین)سمت طوسه
کربلانین جوازین قیل امضا
تا ویرام مرقد شاهه بوسه
.
ای رضا ای رضا …
.
.
.
#_مدح
#
#
.
✍️ # ✍️
.
🆔: @sarmashg_channel

  بسم رب الوحی، رب هل اتا

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *