خانه / اشعار و مدایح / ای خدا دل تنگه گلدی دلستانیم گلمدی #مهدیه #کریمی_مراغه_ای

ای خدا دل تنگه گلدی دلستانیم گلمدی #مهدیه #کریمی_مراغه_ای

ای خدا دل تنگه گلدی دلستانیم گلمدی #مهدیه #کریمی_مراغه_ای

یا مهدی
.
✍️ # ✍️
.
🆔: @sarmashg_channel
.
کریمی مراغه ای
.
ای خدا دل تنگه گلدی دلستانیم گلمدی
جان یورولدی غصّه دن آرام جانیم گلمدی
گل لریم سولدی سارالدی باغبانیم گلمدی
هرج و مرج اولدی زمان صاحب زمانیم گلمدی
جمعه سایماقدان یورولدیم مهربانیم گلمدی
.
.
هی دعاده سسلدوخ أین معز الاولیا
هر سحرگاهان ظهورین ایستدوخ ائتدوخ دعا
بولمورم آیا نه دن ائتمز مشیّت اقتضا
سهله دن یا جمکراندا سسلدوخ یا لیتنا
یوسف زهرا چراغ جمکرانیم گلمدی
جمعه سایماقدان یورولدوم مهربانیم گلمدی
.
.
قوم کفارین اهانت قصدی وار پیغمبره
وار جسارت فکری بعثی لر مقام حیدره
منتظر دی روح زهرا انتقام و کیفره
بیر نظر قیل مجتبی ده قانه باتمیش لبلره
دادگاه کیفره دادستانیم گلمدی
جمعه سایماقدان یورولدوم مهربانیم گلمدی
.
.
قالدی راکد بایگانی کربلا برنامه سی
چیخمیوب یاد دان حسینین قتلنین هنگامه سی
سینه لیلاده قالدی اکبرین عمامه سی
قامت عباسه زینتدی شهادت جامه سی
سسلنر امّ البنین اللّه جوانیم گلمدی
جمعه سایماقدان یورولدوم مهربانیم گلمدی
.
.
شام زین العابدینه ائتدی صبحی تیره شام
اود دوتوب باشدا عمامه گئتدی قلبیندن دوام
بولمورم قالدی نه حاله ناقه نین اوسته امام
سسلدی یا لیت اُمّی لم تُلدنی والسّلام
پاک قانلار یرده قالدی قان آلانیم گلمدی
جمعه سایماقدان یورولدوم مهربانیم گلمدی
.
.
آغلارام یانّام امام باقره لیل و نهار
جعفر صادق غمینده دلار اولدی داغدار
محبس بغدادیده موسی بن جعفر دلفکار
ملک ایراندا قویوب اوغلی رضانی اشگبار
عرض ائدر یا رب جوادیم نوحه خوانیم گلمدی
جمعه سایماقدان یورولدوم مهربانیم گلمدی
.
.
زهر مسمومی نقی گوزلر ظهورون ناگران
هم امام عسکری هجرونده اولمیش باغری قان
شیعه لر عجّل دیوب آغلار ائدر شور و فغان
آچ جمالوندن نقاب ای مهدی صاحب زمان
یاشلی گوزلر جمله یول گوزلر امانیم گلمدی
جمعه سایماقدان یورولدوم مهربانیم گلمدی
.
.
چارده معصومه خاطر ای خدای نُه قباب
حضرت صاحب زمانین قیل ظهورینده شتاب
آخ بو قدری پردهٔ ظلمتده گزمز آفتاب
دولدوروب کونی فساد و ظلم و شور انقلاب
تنگه گلدوخ مصلح کل جهانیم گلمدی
جمعه سایماقدان یورولدوم مهربانیم گلمدی
.
.
#
#
.
✍️ # ✍️
.
🆔: @sarmashg_channel

  مادر خونجگرم گل اوغول عباس ئولورم

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *