خانه / اشعار و مدایح / دور حسین باجون شام شومدن باغریقان گلور ناتوان گلور #اربعین #شانی_تبریزی

دور حسین باجون شام شومدن باغریقان گلور ناتوان گلور #اربعین #شانی_تبریزی

دور حسین باجون شام شومدن باغریقان گلور ناتوان گلور #اربعین #شانی_تبریزی

حسینی
زبانحال حضرت زینب (س)
.
✍️ # ✍️
.
🆔: @sarmashg_channel
.
# … ۸ سبک
.
مرحوم شأنی تبریزی
.
دور حسین باجون شام شومدن
باغریقان گلور ناتوان گلور
دوتماقا سنون یوی
سر زنان گلور مو کنان گلور
سرو قدّی غمدن کمان گلور
.
.
آرزو ایدردیم سؤال ایدم یتسه گر الیم قبر پاکیوه
غسل ویردی کیم ایلدی کفن جسم انور چاک چاکیوه
باش گوتور عزیزیم فدا اولوم من بو مرقد غصه ناکیوه
گور نه نوعیله قلبی هجرده اودلانان گلور دل یانان گلور
.
.
سن اوزون بولورسن نه مدتی آتش فراقونده یانمیشام
نیزده باشون آردیجا دوشوب چوللری گزوب چوخ دولانمیشام
ایمدی بلبل پر شکسته تک گل بوداقنه دالدالانمیشام
نطقینه دوشوب مرغ دل تاپوب آشیان گلور گلستان گلور
.
.
بی سبب دگل قان اولان گوگل خسته جسم تک زار و خسته دور
چوخ بلا چکوب چوخ جفا گوروب رشته محبّتده بسته دور
دور نوازش ایت حالینی سوروش گور موسن باجون دلشکسته دور
گوز یاشیم سنان قلبیمه اولوب بیرنشان گلور خونفشان گلور
.
.
ایتمیوبدی ظلمین مضایقه چرخ دون من قاره بختیدن
هر غمه دایاندیم ولی دونوب قانه دل بو بیر ظلم سختیدن
شهر کوفده کوفیان سنون آسدیلار باشون بیر درختیدن
گوردوم هر طرفدن الینده داش داش آتان گلور داش ووران گلور
.
.
آت دوشونده اطفالوی قووب نطقدن سالوبلا وروبدیلار
قورخی گورمین نازلی قیزلارون گه قاچوبدیلا که دوروبدیلار
یولدا نازنین قیزلارا ز بس اهل کوفه قمچی وروبدیلار
ایمدیده حرمدن قولاقیمه عمه جان گلور الامان گلور
.
.
بیر باشیکه مین کشمکش گوره تشنه لب بدندن او دور اولا
نه روادی بیر ایله باشه یر مطبخ ایچره کنج تنوراولا
بو باشی دیوب حشره دین یانار هانسی باشدا عشقیله شور اولا
بیرده روزگاره مگر بیله میهمان گلور میزبان گلور
.
.
خوردا قیزلارون حالی زینبون طاقتین الیندن آلوردیلار
گاهی ناقیه میندیریردیلر آت قباقینه گه سالوردیلار
گه قاچوردیلار گه دوروردیلار ناقه دن دوشوب گه قالوردیلار
تازیانه الده سوار ایده کوفیان گلور شامیان گلور
.
.
سیر هر دیار ایلدی باشون گون کیمی برادر بو سیرده
شرکت ایتدی سنله باجون حسین هر مصیبت و شر و خیرده
باشوه ولى یتمدی الیم بیر تنورده بیرده دیرده
زینب حزینه بو نسگلون چوخ گران گلور چوخ یامان گلور
.
.
احتیاجی یوخ شرح حال ایدم حالیسن اوزون ظلم شامیدن
یا دوباره شرح ایلیوم سنه شامده اولان ازدحامیدن؟
نه چکوب باجون بیر خدا بولور اول جماعت بد نظامیدن
گوردوم اول زمان عزم سیریله مردمان گلور دف زنان گلور
.
.
چوخ یانوب دلیم پرده چکمرم من عجوزه نون ظلم فاشینه
بی حیا خدادن اوتانمادی باخمادی گوزون قانلی یاشینه
ایلدی یارالی باشون نشان نحس النده کی کینه داشینه
گوردی حق دلینده کلام حق گه عیان گلور گه نهان گلور
.
.
گلمیوب رقیّه عبث دگل سانما کوچ ایدن وقته قالمادی
یاتمیشیدی توزلی مزارده هر قدر چاغوردوم اویانمادی
اینجیمیشدی یولّاردا بسکه چوخ قورخودان ایاقه دورانمادی
بیله بولدی همره بیزه گینه ساربان گلور پاسبان گلور
.
.
کیم یزید تک حرمت ایلیوب اوز ایوینده آیا قوناقینه
یا آغاج وروب هانسی میزبان میهمانینون گل دوداقینه
خیزران اله آلدی ظلمیله سالدی زلزله عرش طاقینه
باخمادی نوایه بو بارہ دن انس و جان گلور قدسیان گلور
.
.
سنده طوطی نطقوی بودم بیرده همزبان وئر منه حسین
هر بلا گلوب باشیوه اوزون نطقه گل بیان وئر منه حسین
ناگراندی قلبیم یارالارون بیر به بیر نشان وئر منه حسین
خشک بند اولوب یا که ایمدیده تازه قان گلور قان روان گلور
.
.
آغلا بو مصیبتده «شانیا» اجریوی ویرور نوحه صاحبی
اولسا هر قدر الده فرصتون یاز بیانه چک بو مطالبی
کس علاقه خلق زمانه دن سوز، سوز اولسا بول چوخدی طالبی
هر باخان گورور گوز یاشون کیمی سوز روان گلور خوش بیان گلور
.
.
#
#
.
✍️ # ✍️
.
🆔: @sarmashg_channel

  نسیم علقمه پیوسته می دهد خبرم

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *