خانه / اشعار و مدایح / آنام اوغلی زینبه قیل نظر سنه واردی بیر سوزوم آغلارام #حسینیه #لاادری

آنام اوغلی زینبه قیل نظر سنه واردی بیر سوزوم آغلارام #حسینیه #لاادری

آنام اوغلی زینبه قیل نظر سنه واردی بیر سوزوم آغلارام #حسینیه #لاادری

زبانحال حضرت زینب (س) هنگام حضرت امام حسین (ع)
.
✍️ # ✍️
.
🆔: @sarmashg_channel
.
# … ۸ سبک ( دولانور علی قیزی مقتلی … سن آت اوسته پای پیاده من … )
.
شاعر ؟؟؟ ( برگرفته از ارمغان تائب ج۸)
.
آنام اوغلی زینبه قیل نظر
سنه واردی بیر سوزوم آغلارام
ایدوم عرض حالیمی سر بَسر
دولوب اشگیله گوزوم آغلارام

.
گورونوب زمانه ده بیر باجی ، ئوزونی بو طرزیله خوار ایده
گتوره ئولوم آتینی حسین ، ئوزی قارداشینی سوار ایده
گیده قارداشی ائلی ، گوگلونی ، غم درد هجره دچار ایده
بئله درد و محنته کیم دوزَر ، دولوب اشگیله گوزوم آغلارام
.
.
دوزولوب حیالی حرم لرون ، دیه بولمورم سوزومی حسین
هامودان اُمیدیمی کسموشم ، سنه تیکموشم گوزومی حسین
غم و غصّه بس که هجوم ایدوب ، من ایتورموشم ئوزومی حسین
منه إذن وئرسن اخا اگر ، دولوب اشگیله گوزوم آغلارام
.
.
آنام اوغلی عازم اولوب بیله ، گئدوسن که جانب دشمنه
بو باشی بلالی باجون حسین ، بودی عرض حالی بو دم سنه
گلوسن دوباره بو خیمیه ، بو بیانی بیرجه یتور منه
ایله زینبی بونا باخبر ، دولوب اشگیله گوزوم آغلارام
.
.
بویوروب امام حسین او دم ، باجی صبر ایله بو مصیبته
مگر اهل کوفه قویار گلم ، یتورولَّه فیض شهادته
داخی کس امیدیوی وصلدن ، قالاجاق وصال قیامته
گله بولمرم داخی بو سفر ، دولوب اشگیله گوزوم آغلارام
.
.
یتیشن کیمی بو کلامه سوز ، باجی قارداشا باخوب آغلادی
غم فرقتون دیدی یا اخا ، بو شکسته قلبیمی داغلادی
گوروب الدن آل اوزولور باخوب ، یوزه سیل اشگینی باغلادی
باجی فرقته نجه صبر ایدر ، دولوب اشگیله گوزوم آغلارام
.
.
جَذَباتِ عشقون ازل حسین ، ایلدی جلای وطن منی
اولورام دچار فراقیوه ، غم هجره توش ایدوسن منی
داخی حشره تک گوره بولمروخ ، آنام اوغلى سن منی ، من سنی
هامی غصّه دن بودی صعب تر ، دولوب اشگیله گوزوم آغلارام
.
.
سَنیدون تسلّیِ خاطریم ، که باجون دوزَردی بو غم لره
سنیده الیمدن آلور عدو، نجه تاب ایدوم بو ستملره
توکولنده خیمیه کوفیان ، نه علاج ایدوم بو حرم لره
اولاجاقدی کیم منه دادگر ، دولوب اشگیله گوزوم آغلارام
.
.
هامی عترتون منه تاپشوروب ، ایدوسن بلایه سِپر باجون
اولاجاق دچار نه غم لره ، چکه جاق بو چولده نلر باجون
سویولاندا عترت مصطفا ، نجه بو بلایه دؤزر باجون
داش اولوبدی قلبِ باجون مگر ، دولوب اشگیله گوزوم آغلارام
.
.
سر راه عشقده یا أخا ، او سوزوم بودور سنه ماحصل
یره قوی قدوم مبارکون ، بو زمان آتوندان اشاقه گل
منه اذن وئرسن اگر ایدوم ، آنامون وصیّتینه عمل
او یری ئوپوم که عدو کَسر دولوب اشگیله گوزوم آغلارام
.
.
# #
#
#
.
✍️ # ✍️
.
🆔: @sarmashg_channel

  کون ومکاندا فاطمه دور خیرهالنساء

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *