خانه / اشعار و مدایح / على او زلفیله دام بلانی نیلورسن #اکبریه #یحیوی_اردبیلی

على او زلفیله دام بلانی نیلورسن #اکبریه #یحیوی_اردبیلی

على او زلفیله دام بلانی نیلورسن #اکبریه #یحیوی_اردبیلی

مخمس وداع علی اکبر (ع)
و
.
✍️ # ✍️
.
🆔: @sarmashg_channel
.
مرحوم یحیوی اردبیلی
.
#
.
على او زلفیله دام بلانی نیلورسن
سنون هلالی قاشون وار کمانی نیلورسن
ذبیح کوی وفاسن دعانی نیلورسن
گئدورسن ئولمگه بو بینوانی نیلورسن
که یعنی لیلی بختی قرانی نیلورسن
.
.
نه باعث اولدی مگر ترک آشیان قیلدون
لباس جنگی گیوب بوینوا کفن سالدون
آتان امام حسیندن دعای خیر آلدون
وداع ائدوب باجیوى عمّه لردن آیریلدون
جوان اوغول دئ گوروم بس آنانی نیلورسن
.
.
دومان دوتوب اورگیم پرده پرده شان شاندور
سنون منیم اورگیم آهه تیره باراندور
یارالانوب بئله که قلبیمیز پریشان دور
سنون ده من کیمی قلبون دولی قزل قاندور
دوباره تیغ جفادن یارانی نیلورسن
.
.
گورنده کاکلیوی گوگده قوشلار آغلارلار
کشیده قاشلارون اوسته قلجلار آغلارلار
دالونجا زلفی یولوب قاره ساچلار آغلارلار
هوا یوزنده بولوط یئرده داشلار آغلارلار
آناندان آرتوخ علی آغلیانی نیلورسن
.
.
بویان طرفده وزیریله پادشاه آغلار
او یان طرفده باخار حالیوه سپاه آغلار
طناب خیمه ائدر ناله، خیمه گاه آغلار
عم اوغلوا بَزَنَن تازه حجله گاه آغلار
سنون چوخ آغلیانون وار نوانی نیلورسن
.
.
اوزون بیلورسن علی نه آنام نه باجیم وار
اوغول آناسی سنون تک باشیمدا تاجیم وار
ئولن زمان سنه دفنیمده احتیاجیم وار
بو گئتمگه نه دیوم الده نه علاجیم وار
گندورسن ایندی بو بی اقربانی نیلورسن
.
.
بو صورتی که وارون شاهکار خلقتدور
چکیلسه گوزلریوه سرمه بی لیاقتدور
بو حسنه زینت اولا مورد ملامتدور
قاشون گوزون دوداقون سنده عین زینتندور
دوباره زینت ظاهر نمانی نیلورسن
.
.
#
.
آنا گئدوب بو بیاباندا قانیمه باتارام
بو کربلاده شهیدانیلن همیشه وارام
بابام حسینیله من بیر مزارده یاتارام
گئدنده کرب و بلادن دئمه که قالدی بالام
بلا قالور سنیچون کربلانی نیلورسن
.
.
منه واروندی سؤزون حیف آنا دلون گلمز
عمامه مون توزینی سیلمگه الون گلمز
نه سؤز دئسون دئ گئدر مه شمایلون گلمز
دویونجا گور منى الدن گئدر گُلون گلمز
سولار گُلون داخی باغ خزانی نیلورسن
.
.
#
.
ائویم یخلدی بالا باغلادون جداله کمر
گوزوم گورور گینوبسن لباس خوف و خطر
بو اودلو سؤزلرون هاردان اود اوستینه سو سپر
ئولوم خیالی یوخوندور بو گئتمگونده اگر
کفن کیمی زره آلتدا قبانی نیلورسن
.
.
مثال غنچه گلم نخل دین بوداقینده
گئدوب شکفته لنوب گلّم عشق باغنده
آنا منی گتورور باغبان قوجاقینده
گوررسن اُوز گُلیوی خیمه لر قباقینده
گُلون که گَلدی اله گُلستانی نیلورسن
.
.
خلیل باغلادی اسماعیلینون اللرینی
که چالماسون ال ایاق ذبح ائدن زمان سرینی
قیتدی زنده اوغول شاد قیلدی هاجرینی
حسینه باخ نه دیور قتله یولّار اکبرینی
قولی آچوق گئت اوغول ریسمانی نیلورسن
.
.
#_شهادت
#
#
#
.
.
✍️ # ✍️
.
🆔: @sarmashg_channel

  حقه لنگر علی شیر خیبر علی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *