خانه / اشعار و مدایح / بارالها منی عفو ایله آپار دنیادن #حسینیه #بیدق_داری

بارالها منی عفو ایله آپار دنیادن #حسینیه #بیدق_داری

بارالها منی عفو ایله آپار دنیادن #حسینیه #بیدق_داری


# به راز و نیاز امام حسین (ع) در #
.
✍️ # ✍️
.
🆔: @sarmashg_channel
.
حاج داود بیدق داری
.
بارالها منی عفو ایله آپار دنیادن
بی نصیب ایلمه یارب نظر فردادن
.
ای آزا چوخ وئرن الله سن ئوزون آگهسن
اللریم بوشدی منیم زاد ره عقبادن
.
سندیروب توبه نی یوز یول گنه گلدیم یارب
ناامید اولمامیشام لطف حق یکتادن
.
گلمیشم درگهووه نام حسین لبلرده
بلکه قیترمیه سن بارگه اعلادن
.
اودا سویلردی که ای جان یارادان اللهیم
جان سنوندور که چوخور یرده دوشوب یارادان
.
باده ی وصلون ائله مست ائلیوب هرلحظه
نغمه ی هو اوجالور قانه باتان اعضادن
.
گوروسن عشقووه خاطر پوزولوب سامانیم
گل سیاقی سارالوبدور حرمیم سیمادن
.
نه گلایه ائدورم گونده سیزیلدور یاره م
نه تمنای سو وار چولده آخان دریادن
.
نه اذیت ائلیور سینه مه بو پیکانلار
نه ده پروا ائلورم قاتل بی پروادن
.
حاجتیم بیربودی الان سنه ای معبودیم
قیل رها شیعه لری واهمه ی فردادن
.
رحمت واسعه دن شیعه لری عفو ایله
منده آسوده گلیم محضریووه دنیادن
.
گوئیا سس گلوب ای قانه باتان دلداده
سنه حیرتله باخور فوج ملک بالادن
.
آغلامور اهل حرم تک سنه بو مقتلده
ناله ده اهل سما یرده کی واویلادن
.
اوتوران وقتیدن اوچ شعبه لی اوخ قلبونده
بای ذنب قتلت صوتی گلور صحرادن
.
چوخ سورونمه اوچوخور یرده باخور پیغمبر
حالتون تاب وتوان آلدی دل طاهادن
.
نگران اولما حسین واقعه ی محشردن
مژده وئر شیعه لره دولت عاشورادن
.
او قدر عفو ائدرم راضی اولارسان مندن
دئیرم حکمین او گون شیعه آلار زهرادن
.
سنه بو نوحه نی گوز یاشیله داور یازدی
اودا آسوده قالار واقعه ی عظمادن
.
.
#
#_شهادت
#
#
.
✍️ # ✍️
.
🆔: @sarmashg_channel

  وقت او وقت اولدی خدیجه ائلسون ترک جهان

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *