خانه / اشعار و مدایح / نه چکدی شام یولوندا على قیزی زینب #راه_شام #علی_هاشمی

نه چکدی شام یولوندا على قیزی زینب #راه_شام #علی_هاشمی

نه چکدی شام یولوندا على قیزی زینب #راه_شام #علی_هاشمی

راه شام
.
.
✍️ # ✍️
.
🆔: @sarmashg_channel
.
علی هاشمی
.
نه چکدی شام یولوندا على قیزی زینب
امام عصر اور گین یاندیرار همین مطلب
.
باخاردی قیزلارا رخصت ویرردی گوز یاشنا
دیردی رمزیله دردین حسیننون باشینا
.
جدا بویوندا حسینیم اقامت ایلموسن
گینه بو زینبه برپا قیامت ایلموسن
.
بو سُوق عشقیده هرگز دیمم زیان واردی
مطاع وصلیوی جان نقدینه آلان واردی
.
سستمله لشگر بیرحمه دستگیرم من
چکولّه شامه طرف قولدا ریسمان واردی
.
او باشین عشقیدی سالموش منی بیابانه
بوغملی دلده سنه عشق جاودان واردی
.
کلام حقی یتور گرچه طعن ایدر دشمن
فدا بیانوه زینب سوزونده جان واردی
.
قیام سرخون اولار بیر گون عالمه سرمشق
بو نهضتون قالاجاق زنده تا جهان واردی
.
دیمه گون ایستی سی یولّار ایدر منی خسته
باشیما سایۀ لطفونله سایبان واردی
.
دانشدیر آل بو سنق گویلومی پریشانم
دیوم منیمده اورک دردیمی آلان واردی
.
جداده باشلار ایچینده باشون آیا بنزر
آلوبدی دوریوى اولدوز بیر آسمان واردی
.
نقدرى یاره سنون جسموه ویروب دشمن
او قدری زینبه دل یاره سی ووران واردی
.
جدا بویوندا دوروب گون کیمی یارالی باشون
قیامت عالمی بو بیکسه عیان واردی
.
جداده سن آنام اوغلی کجاوده زینب
سنیله فاصله میز گر چه بیر سنان واردی
.
سبب اولوب هامی دردین دینموری زینب
مقابلیمده گیدور شمریله سنسان واردی

هنوز داش یاراسیندان آخور یوزه قانون
کَاَنَّهُ بولود آلتندا گون نهان واردی
.
یوزونده نقشۀ کول آی کیمی سالوب هاله
خطای دشمن بیرحمدن نشان واردی
.
نه سن کیمی اولی مهمان یاتا کول اوستنده
نه خولی تک او شقاوتده میزبان واردی
.
جفای مجلس ابن زیادیدن قارداش
دوداقلاروندا دوروب لخته لخته قان واردی
.
قوتولمیوبدی بلاسی هنوز بو باشیوین
یزید مجلس وار چوب خیزران واردی
.
یولون هواسی پوزوبدی نمای صورتوی
گل عارضونده گلوم آفت خزان واردی
.
عزا دوتوب سنه چوللرده زینبون قارداش
یغوبدی دورینه هر قدر باغریقان واردی
.
دوتوبلا یاسیوى قول باغلى ناقه لر اوسته
گلین لی قیزلی سنه سینه داغلیان واردی
.
اوجادان آغلیا بولمور حرایم عصمت
آلوبدی دوره میزی بسکه شامیان واردی
.
باخوب جداده باجون حالینه ملول اولما
دلمده سن کیمی هر بیر غمه توان واردی
.
ویرویدی درسیمی زهرا آنام اولوب سرمشق
که قربی چوخ اولانا چوخلی امتحان واردی
.
او قانلی گوزلریله هی دونوب یولا باخوسان
باجون ئوله بالالاردان مگر قالان واردی
.
بو قدری «هاشمی» بالیده لنمه اؤز اؤزیوه
بو شعری دفتریوه آیری بیر یازان واردی
.
.
#
#
#
.
✍️ # ✍️
.
🆔: @sarmashg_channel

  آغلارام یانّام آنا هر آن سنه یافاطمه #فاطمیه

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *