خانه / اشعار و مدایح / حسینه یثربی تنگ ائتدی آل بوسفیان #خروج_مدینه #انور_اردبیلی

حسینه یثربی تنگ ائتدی آل بوسفیان #خروج_مدینه #انور_اردبیلی

حسینه یثربی تنگ ائتدی آل بوسفیان #خروج_مدینه #انور_اردبیلی

حالات خروج از مدینه
.
✍️ # ✍️
.
🆔: @sarmashg_channel
.
مرحوم انور اردبیلی
.
حسینه یثربی تنگ ائتدی آل بوسفیان
قالانمادی وطننده امام کون و مکان
.
زبسکه توطئه ائتمشدی فرقۀ ظلام
مدینه امن دگولدی گرک چخیدی امام
.
یری خوش اولسا قوشون آشیانه دن چخماز
یقین علاجی اولان خانماندان چخماز
.
ولید مجلسینون ناپسند جریانی
مکدّر ایتدی ز بس قلبیدن او سلطانی
.
مزار اطهر پیغمبره گتوردی پناه
دله گلوبدی بیان ائتدی یا رسول الله
.
گئدوب صفاسی بابا محبسه دونوب وطنیم
ایویمده نیلیوم آرامشیم یوخومدی منیم
.
سالوبدی قدرت اله دار و دستۀ اموی
ضعیف اولوبدی بو شهر ایچره زمرۀ علوی
.
حسینوون خطره دوشموش حرمتی قالمور
آتام على کیمی مردم سلامینی آلمور
.
یزید نابخرد لطمه ووردی ایمانه
تجاوز ایستیور ائتسون حریم قرانه
.
دیورم ائتدیگی ظلم و فسادی بی پرده
بیلور ریاست ائدنمز حسین اولان پرده
.
اودور که نامه یازوب بیعت ایستیور مندن
خلاف عمللرینه رخصت ایستیور مندن
.
حسین قبول ابدا ذلت ایلمز بیلوسن
حسین شراب ایچه نه بیعت ایلمز بیلوسن
.
حسینوون بابا تکلیفینی مبرهن ائله
ندور وظیفه می برنامه سین معیّن ائله
.
سوزون دیه دیه توکدی جماله گوز یاشینی
مزارون اوسته قویوب تکیه ایلدی باشینی
.
گیدوبدی هوشه او قبر اوسته سیدالشهدا
یوخوسونا او شهون گلدی حضرت طاها
.
سالوبدی بویننا قول اشک چشمین ائتدی روان
اوپوبدی أوغلی حسینون گوزوندن آلنندان
.
بویوردی همّت ایله ترک یثرب ایتمه لی سن
چکوب حجازدن ال کربلایه گیتمه لی سن
.
یاخنلاشوب یرون اولسون شهادتون تختی
یاخنلاشوبدی بالا عهدنامه ون وقتی
.
آپار او برج غمه ماهوی ستاره ویده
آپار او غملی بیابانه شیر خواره ویده
.
ئوزومی سن یخیلان وقتیده یتورّم اوغول
باشوون اوستونه زهرانیده گتورّم اوغول
.
گووزنی آچدی حسین خوابیدن اولوب بیدار
جوار رحمت خیرالبشردن اولدی کنار
.
آناسینون دولوب عشقی او قان اولان ئورگه
گلوبدی حضرت زهرایه دردینی دئمگه
.
یتوب بقیعده جام محبتی داشدی
اوتوردی گیزلین اولان قبریله قوجاقلاشدی
.
دیدی یوزوم گرک اشک فراقیله بویانا
بابام اجازه ویروبدی گیدم عراقه آنا
.
بو آیریلیق منیچون مایۀ خیال اولدی
مزارون اوسته داخی گلمگیم محال اولدی
.
وصالیم آئینه سین سنگ محنته چالورام
بلالی زینی ناچار چوللره سالورام
.
ندوم که ایش بیله دوشدی منی باغشلا آنا
حسنی ساخلا یانوفدا حسینی بوشلا آنا
.
یری واریدی اگر سس گلیدی زهرادن
او قبر ایچینده یاتان دلشکسته اعضادن
.
دوشورسن ایندیکه سن چوللره آنون قربان
بو گئجه قبریدی ترک ایلمه او خی قرآن
.
سنیده گیزلین اولان قبرہ چوخ گوروبدی فلک
مزاریمه داخی بوندان صورا کیمیم گله جک
.
سسووه لحنووه قلبیمده چوخ علاقه واریم
او حق دییَن دیله قربان سنان قابورقالاریم
.
غم ایلمه آنوون قبری قوی نهان قالسون
پیمبرون قزى بی سقف و سایه بان قالسون
.
امیدوارم حسین رحمت خداونده
منیم جلالیمی اوغلوم نشان ویره سنده
.
کرم لطف ایده بو درد و محنته توشه
سنون مزارون اولا کربلاده شش گوشه
.
آنا مزارینی ترک ایتدی دیدہ سی پر آب
گلوبدی منزله آلِ عبابه قیلدی خطاب
.
بابام مسافرته ایلیوب منی وادار
گرک مدینه میزون ن ایلیک ناچار
.
اثر غم گورونوب اهلبیت عصمت ده
قورولدی بزم وداع خانمان عفت ده
.
علی ایویندن اوجالدی سمایه داد و انین
یخوبدی باشینه اوغلانلارینی اُمّ بنین
.
کمال یأسیله عباسینه دوتوب یوزونی
بو طرزیله ایدوب اظهار قلبینون سوزونی
.
بویوردی گلشنیمون سروی سن رسا قدی سن
گوزوم ضیاسی سن اوغلانلاریمون ارشدی سن
.
محبتیم سنه چوخ چوخدی قلبده دیورم
حسینیمی ولی سندن ده آرتیق ایستیورم
.
اوغول گر ایستیوسن صاحب مقام اولاسان
گرکدی فاطمه نون اوغولنا غلام اولاسان
.
حسینه نوکر اولوب شأن و افتخار ایده سن
میننده مرکبینه مرکبه سوار ایدہ سن
.
خدا نکرده بلا وئرسه یوز سفرده اونا
گرک معین اولاسان موسم خطرده اونا
.
گرک وجودون اوغول باغ عشقه سایه سالا
حضور فاطمه ده شاد اولام باشیم اوجالا
.
جواب ویردی آنا اولما ذره سن نگران
سن ایسته حقدن اولوم من حسینوه قربان
.
یترم عزّته اولسام ئوزوم حسینه فدا
باشیم قولوم تن و روحیم گوزوم حسینه فدا
.
امیدوارم ایدم خدمت برازنده
وطنده اولمیاسان دلغمین و شرمنده
.
دعا ایدوب منی سن صاحب جلال ایده سن
و خطر یتیشه ابو الفضله بو سفرده آنا
.
او صود که وئرموسن عباسوه حلال ایده سن
ولی بو خواهشیمی ساخلا سن نظرده آنا
.
نظر لطفله عبداللهوی ساخلیاسان
آلوب قوجاقه اونون بوینونی قوجاقلیاسان
.
سرشکنی توکجک عالم فراقیمده
دویونجا هیچ منیم اگلشمیوب قوجاقیمده
.
نوازش ایت غم هجرانی یاددا ساخلاماسون
باشین اشاقه سالوب دیزلرین قوجاقلاماسون
.
.
#
#
#
.
✍️ # ✍️
.
🆔: @sarmashg_channel

  وار گینه فکریمده شور معنوی

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *