خانه / اشعار و مدایح / سنسیز اولدی اورگیم غملره کاشانه آنا #مادر #بیدق_داری

سنسیز اولدی اورگیم غملره کاشانه آنا #مادر #بیدق_داری

سنسیز اولدی اورگیم غملره کاشانه آنا #مادر #بیدق_داری

در فقدان
.
✍️ زبده الاشعار ✍️
.
🆔: @sarmashg_channel
.
حاج داود بیدق داری
.
سنسیز اولدی اورگیم غملره کاشانه آنا
گوز یاشیم زینت اولور هر گجه دامانه آنا
.
سونمه ای عشقی منه عمریده عزّت چراغی
منده شوقیله اولوم باشووه پروانه آنا
.
گنج قارونی اگروئرسه لر عالمده منه
وئرمرم بیر باخشون آند اولا یزدانه آنا
.
دامن همّتون اولدی بالانون معراجی
سنده آری واریمش همّت مردانه آنا
.
نَفَسون عین شفادور باخشون درده دوا
بیرده باخ لطفیله بو دیده سی گریانه آنا
.
سنیدون موج حوادثده منه ساحل اولان
دوشموشم سندن اوزاق گور نجه طوفانه آنا
.
آیریلیق فصلی بو گُل صورتی بیر حاله سالیب
دوشموشم برگ خزان مثلی گلستانه آنا
.
من اوجالدیقجا قوجالدون بو حقیقتدی ولیک
اهلی آنلاربونی، ئوزگه بیلر افسانه آنا
.
گجه لر یاتمامیسان تا که یاتام نازیله من
یاتمیان گوزلروین دردین آلیم جانه آنا
.
چوخ گجه بالش ائدوبسن قولووی صبحه کیمی
جان دئیوبسن منه ای عشقیده جانانه آنا
.
ایوون آباد اولا ای قلب ایوین اباد ائلین
سن گیدن وقتن اولوب قلب ایوی ویرانه آنا
.
چوخ دوتوبسان الیمی تا که دوروب یول یئریم
ایندیده لطف ائله بو قامتی لرزانه آنا
.
.
# #
#
#
.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *