خانه / اشعار و مدایح / ای گوهر والا حسین، بند دل زهرا حسین #حسینیه #حیرانی_اردبیلی

ای گوهر والا حسین، بند دل زهرا حسین #حسینیه #حیرانی_اردبیلی

ای گوهر والا حسین، بند دل زهرا حسین #حسینیه #حیرانی_اردبیلی

حالات امام حسین (ع)
# #
.
✍️ # ✍️
.
🆔: @sarmashg_channel
.
# … ۵ سبک


.
مرحوم حاج یوسف حیرانی اردبیلی
.
ای گوهر والا حسین، بند دل زهرا حسین
ائتدون بلا توپراقینی، مینای اعظم یاحسین
.
.
سن کشته ی حقسن حسین، نصّ فنا فی الله سن
سن گوهر کنز خدا، مرآت وجه الله سن
بو نکتیه یوخدور سؤزوم، مضموم عشق الله سن
ائتدون مسلم عالمه، معلوم ذبیح الله سن
اولماز مقام قربیده، هرگز سنه همتا حسین
.
.
سن تک وئروب کیم امتحان، ای سرورگلگون قبا
سن تک کیمون قربانگهی، وار یا ذبیحاً من قفا
اسلامی قیلدون سرفراز، حشره کیمین اولماز فنا
تقدیره اولدون سن رضا، گلدی بلا اوستن بلا
دوزدون مصیباته دئدون، هانسی بلایه لا حسین
.
.
سن شاهراه حقّ سن، سنسن صراط المستقیم
ارض و سما لوح و قلم، اولموش وجودونله اقیم
سن اولماسیدون مصطفی، دینی اولاردی منهدیم
آخدی قانون سو تک یره، نقش ائتدی یارب العظیم
کهف آیه سین ورد ایلدون، سرنیزه ده حتی حسین
.
.
کرب و بلا دشتینده سن، بیر عمده اقدام ایلدون
قادر دگل بیر کس اونا، تک سن سن انجام ایلدون
قربان همان نیّاتوه، احیای اسلام ایلدون
پرچم آچوب دین اوستونه، ترویج احکام ایلدون
دین پیمبر حشره تک، تا اولدی پابرجا حسین
.
.
نهر فراتون اوچ گئجه، گوندوز یولین باغلانماقین
گل تک خانم قیزلاروین، سوز عطشدن یانماقین
اوچ شعبه لی پیکانیلن، تا اصغرین اوخلانماقین
غارت اولوب اخیاموی، ظلمون اودیلا یانماقین
اللهیله عهد ایلدون، وئردون اوزون امضا حسین
.
.
یاد ایلرم اول وقتووی، ای سرور گلگون قبا
جان اوسته سن غش ایلیوب_سن طاقتون یوخ دورماقا
تل اوسته قان آغلور باجون، زینب سنی ایلر صدا
اخیامیوه دولدى قشون، گل هارداسان تئز گل اخا
امدادیمه یوخدور گلن، زینب قالوب تنها حسین
.
.
قارداش ئولوبسن بس نیه، یوخ ئولمگوندن بیر اثر
یا زنده سن بو زینبون، حالینه ائت بس بیر نظر
مور و ملخ تک خیمیه، دشمندی هر یاندان گلر
اهل و عیالون قورخودان، یاپراق کیمی تیترر اسر
یکسر خانم قیزلاروون، قلبینده یوخ یارا حسین
.
.
زینب سسین درک ایله جک، ای سرور گلگون کفن
دوردون سوروندون خیمیه، ساری یوزی اوستونده سن
بو قصه باجون زینبه، نسگل اولوبدور هر ندن
بیر مختصر گلدون دوشوب، گوداله اول اوخلی بدن
اول پارچا پارچا پیکره، گودال اولوب مأوا حسین
.
.
کشتی نجه طوفانیده، گردابیده لنگر سالار
کشتی کیمی جسمون دوشوب، گودالیده دوتدی قرار
اوخلار آغیرلار جسمیوی، ترپنمگه یوخ اختیار
گون ایستی سی عطشان اوزون، سینونده سایسیز یاره وار
آغلار سنون اول حالووه، میدانیده زهرا حسین
.
.
بو جان «حیرانی» حسین، اولسون فدا اول جانیوه
قربان اولوم ذر عالمی، منشور اولان پیمانیوه
قربان اولوم سنده اولان، حربیت و ایمانیوه
حقّى ثبوت ائتدی قانون، قربان اولوم اول قانیوه
آخدی یره یازدى قانین، نام حق یکتا حسین
.
.
#
#
#
.
✍️ # ✍️
.
🆔: @sarmashg_channel

  در مِهر پیامبر حیات است حیات

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *