خانه / اشعار و مدایح / لشگریدی سرتاسر – رزمگاه پهناور #حسینیه #یحیوی_اردبیلی

لشگریدی سرتاسر – رزمگاه پهناور #حسینیه #یحیوی_اردبیلی

لشگریدی سرتاسر – رزمگاه پهناور #حسینیه #یحیوی_اردبیلی

اتمام حجت امام حسین علی (ع)
رجز
.
.
✍️ #✍️
.
🆔: @sarmashg_channel
.
.
مرحوم یحیوی اردبیلی
.
لشگریدی سرتاسر – رزمگاه پهناور
عرصه ده دوروب تنها – بیر غریب و بی یاور
.
.
سید حجاز اوغلی مرکب اوسته محزون حال
صف به صف مقابلده دشمن ایلیور جنجال
دوره سینده حجاج عشق فارغ الأعمال
دال طرفده وحشتدن آغلیور عیال اطفال
همت و شهامتله نیزیه سالوب لنگر
.
.
گوردی متن پیمانون سطر آخرین تکمیل
بیر اوزی قالوب ذیلین مهر ائده وئره تجلیل
محضر خداونده ال به ال وئره تحویل
آخرین ابلاغه جداً ایلدی تعجیل
قوم سعد وقاصه ناصح اولدی اُول سَرور
.
.
ای دییه ن مسلمانم دیللرینده ذکر الله
اوزلرین ائدن دعوی کاذبانه جندالله
من خلیفه اللهم صادق امین الله
من حسین آتام حیدر هم بابام حبیب الله
ام اطهریم زهرا بنت ختم پیغمبر
.
.
چون بیزیم ائوه نازل اولموش حکم ربّانی
جدیمه وئروب جبریل وحی حیّ و رحمانی
حکم دین اسلامون بیزلروک نگهبانی
آفت جهالئدن حفظ ائدک مسلمانی
مستحب و واجبده خلق چون بیزوک رهبر
.
.
اگلشوبدی هند اوغلی مسند ریاستده
شرب خوار مَیسِر باز غرق عیش و عشرتده
بر خلاف مقصودین گورمیش حکم عصمتده
وار مرام منحوص اخذ رأی و بیعتده
ایستیور وئره تغییر حکم حقّه اُول کافر
.
.
بسکه خواهش نفسین گورمیور بو قانوندا
پرورش تاپوب نقش شوم فکر ملعوندا
خلقی قیتره عصر جهله ربع مسکوندا
غافل اینکه تضمین وار بو دم همایوندا
بیلمیور حسین قانی نقشه سین پوزار یکسر
.
.
من موظفم ای قوم ایلورم سیزی دعوت
ال چکون او ظالمدن دینه ایلیون خدمت
واقعاً مسلمان سوز گر محمّده امّت
وارث رسولم من شرط دین منم ملّت
اهل دین و قرآن سوز همت ایلیون لشگر
.
.
آخرین حجّت دور ایلورم سیزی آگاه
هل معین ینصرنا خاطر رسول الله
سیز منه اولون تابع حقدن ائتمیون اکراه
جهلی ئولدورک قالسون لا اله إلا الله
تا سیزه نجات اوتدان وئرسون حضرت داور
.
.
.
حضرتون جوابینده وئردی سس سسه عدوان
یاحسین بیزه یازمیش شام امیری بیر فرمان
بیعت ایله فرمانه مشکلون اولا آسان
ائتمه سون اگر بیعت قانه ایلروک غلطان
قتلیوه چکیلمیش گور تیر و نیزه و خنجر
.
.
تازه دن شه لولاک آچدی لفظ گوهربار
ئولمگه منی تهدید ایلیور سوز ای اشرار
بین فانی و باقی مرگ بیر پلّیه اوخشار
جنّته بو کورپی دن کئچمگه نه باکیم وار
شربت بهشت الده قدسیان منی گوزلر
.
.
ناگوار سؤزلردن چکمیورسوز هئچ خجلت
بیعت ستمکاره مندن ایلوسوز دعوت
مال و جان و اولادیم قویمیشام اونا قیمت
باش گئدر بو پیکردن ایلمز حسین بیعت
ایله سیدی ایلردی ئولمه میش علی اکبر
.
.
یوز دولاندیروب حضرت باخدى عرش اعلایه
دوندی بیر خطاب ائتدی ممکنات دنیایه
جنگل و بیابانه کوهسار و دریایه
شاهدیم اولون حقی من یتوردوم اعدایه
حجّتیم تمام ائتدیم باخمادی بو ظالملر
.
.
ذکر ائدن کلام الله ای آدی مسلمانلار
اتّحادیلن گلدوز نیزه لرده قرآنلار
صول الوزده قرآن وار ساغدا تیغ برّانلار
ئولدورورسوز اللهون حجّتینی نادانلار
ای بساط ارض اوسته تلّ لر بیابانلار

  گلدی صادق بالاسی جهانه

غار و دره لر داغلار باغ و جنگلستانلار
زیر و روی غبراده ریزه سنگ الوانلار
وی گیاه خشکیده سبزه زار بستانلار
ای فراز دریاده موج خیز طوفانلار
ابرلر فشارینده سرد و گرم بارانلار

کوهلر شکافینده رام و وحشی حیوانلار
آب و خاک دنیاده مخفی و نمایانلار
ای بو دشتیده ناحق تپراقا آخان قانلار
ای منای عشق ایچره سر بریده قربانلار
ای سویون کنارینده جان وئرن لب عطشانلار

غسل ائدوب کفن گیمیش حقه وصل اولان جانلار
بی گناه و بی تقصیر قان ایچینده غلطانلار
ای بو خیمه گه لرده داغدیده نسوانلار
بانوان ماتم دل ظلمیده (کی) طفلانلار
کربلا بهارینده بلبلان نالانلار

خاک و محنت آلوده طرّه ی پریشانلار
ای بو چولده آواره عده ی غریبانلار
.
.
سیز هاموز اولون شاهد بو بلالی ساعتده
بو گروهی توحیده سسلدیم بو دعوتده
یوخ قبول ائدن بیرکس بو قدر جماعتده
قتلیمه منیم اقدام ائتدیلر نهایتده
یاددا ساخلیون نقصان قویمادیم نصیحتده

من دوران زمان باشسیز عرصه ی قیامتده
دور و برده انصاریم صف چکور بو حالتده
هم گلنده بیماریم حال رنج و زحمتده
عترتیم دوه اوسته رشته ی اسارتده
باش آچان زمان زهرا ساحت قضاوتده

ایستینده عباسون قوللارین شفاعتده
سؤزلریم ائدون تصدیق محضر جلالتده

تا بو قومیدن دست حق انتقام السون
آغلیانلاریم قصر عدنیده مقام آلسون
.
.
#
#
#
#
.
✍️ #✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

  چیخدی مدینه دن گجه سرور کائنات حسین #خروج_مدینه #رمضانی_خاکی
اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *