خانه / اشعار و مدایح / بو گون بیر نیّر اعظم ایدوب دنیانی نورانی #مهدیه #حسن_صحرائی

بو گون بیر نیّر اعظم ایدوب دنیانی نورانی #مهدیه #حسن_صحرائی

بو گون بیر نیّر اعظم ایدوب دنیانی نورانی #مهدیه #حسن_صحرائی

یا مهدی

✍️ زبده الاشعار ✍️

🆔: @sarmashg_channel
.
#
مشابه


.
حاج # سیابانی (زاهد)
.
بو گون بیر نیّر اعظم ایدوب دنیانی نورانی
طلوعینده قویوب حیران فلکده مهر رخشانی
.
کُر :
مَلَک منظر گلوب
گوله بنذَر گلوب

.
.
عبث تاپموپ شرافت حق ایچینده بو مه شعبان
گلوب ایجاده بو آیدا وجود حجّت یزدان
ایشقلاندوردی دنیانی طلوع نیّر تابان
جمالی ایلیوب روشن سپهر چرخ مینانی

.
.
همین که چرخ عصمتدن طلوع ایلوب بو نور حق
بو نورین جلوه سیندن عالم امکان تاپوب رونق
ایدوب شمس و قمر نورین بو نور حقّیدن مشتق
علاوه نوری ایلوب نور باران خلد رضوانی

.
.
طلوع صبحیده طالع اولوبدور بو گل زیبا
جمالی جلوه سیندن اولدی روشن صحنه ی دنیا
صبا گیت ویر خبر گلسون تماشایه بو گون عیسی
علاوه گیت بقیعه آختاروب تاپ قبر زهرانی

.
.
دی یاتما قبریده راحت حسین قانین آلان گلدی
بیر اود شمشیر عدلی خرمنِ کفره سالان گلدی
گوتور باش قبر پاکیندن بالان صاحب زمان گلدی
که قویماز تا قالا یرده سنون هم جدّینون قانی

.
.
بو مولانون یوزونده وار شهامت قدرت آثاری
عدالت چشمه سین ایلر اوزی بو عالمه جاری
یازوب کتفینده دست قدرتیله حضرت باری
گلوب حق ایلسون برهم صفوف قوم عدوانی
.
.
بو بیر گُلدی گلوبدی باغ نرگسدن بو گون باره
که عطریندن اونون اولدی معطّر چرخ همواره
ولیکن حیف اولا غیبتده دور ایمدی بو مه پاره
توکور رخسارینه دائم گوزیندن اشک مرجانی

.
.
بو بیر گُلدی آلوب عطرین بو گُلدن گلشن جنّت
همان عطریله تاپموش گلشن دین خدا زینت
ولی دیدارینه اهل ولا یکسر قالوب حسرت
سزادی عارضه توکسون گوزوندن اشک حمرانی

  اعتبار کربلا از اعتبار زینب است

.
.
اولان دمده قویوب آنّین ترابه با دل سوزان
آچوب نطق گهربارین بو نور حجّت یزدان
یوزین دربار قدسه دوندروب اول خسرو خوبان
ایدوب مدّ نظر بزم نگاری کوی جانانی

.
.
ازل توحید حقّی ایلیوب دلده او شه ازبر
سایوب اجدادینون بیر بیر آدین گوزلرده اشک تر
سالوب جدّین خیاله عرض ایدوب ای خالق داور
آلان یوخدی قالوب یرده بُلورسن جدّیمون قانی

.
.
رضا اولما یته یارب دل ناشادیمه ایذا
یانوم بیر عمر من هجران اودوندا ای حق یکتا
ویروبسن وعده سن یارب تیز ایله عهدیوه ایفا
آلوم من جدّیمون قانین تاپوم بو فیض عظمانی

.
.
بوراخما دامنین “زاهد” اُلونجه آل طاهانین
امیدیله یاپوش خاصّه امام عصر دامانین
گَلر بیر گون آلار اوز جدّینون مطلق او شه قانین
رواج ایلر او سرور خلق ایچینده دین و قرآنی
.
.
#_میلادیه
#
#
.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

  علی ولی خدا ، هیکل ولایت و دین #فاطمیه
اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *